Vegstenging mellom Bjørke og Saure

Store nedbørsmengder har i dag ført til kjempestore elvar. På Bjørke drog Ljøsåna med seg store mengder stein som tetta røra under fylkesvegen, slik at vatnet rann over vegen og det danna seg ei steinrøys som stengde vegen.

Slik såg det ut ca. kl.12.30 før det hadde byrja å legge seg opp stein i vegbana.

Det var då overflatevatn på vegen mellom grustaket og fram til kufella ( Marteledet ) i bytet mellom Bjørke og Saure.

Slik såg det ut få timar seinare.Som ein ser er det mykje stein som har flytta på seg.

Tyssefossen var mektig i dag. Det er ikkje akkurat stillt på Bjørke når den er så stor.

Også lenger framme på dalen viste dei store vassmengdene att. Her frå myrane mellom Mork og Rørstad. Det er ikkje så godt å sjå kvar elva eigentleg går.

Ljøsåna har 2 avgreiningar. Den eine kjem ned ved Bruasletta. Som bilete viser hadde denne gått over kommunevegen. Men her vart det tidleg sett inn oppreinskingstiltak, slik at ytterlegare skade vart avverga.

Stenginga av fylkesvegen førte til at musikkafèn på Haukly vart avlyst. Det vart også messefall for gudstenesta som skulle vere kl. 20.00.

Det store spørsmålet på Bjørke i kveld er :

Vert vegen opna i kveld, eller må dei som skal ut å reise vente til i morgon ?

Lagt inn av Even Kåre Holte
28.10.2007 18:40

Kommentarar

Ivar Svein Mo - Kom folk seg på arbeid i dag? 29.10.2007 kl. 07:57

Er det andre stader også som har hatt problem med vegane i går i det kraftige regnet? Korleis gjekk med den rastruga vegen mellom Bjørke og Leira?

Even Kåre Holte - Vegen er no opna att 29.10.2007 kl. 09:12

Vegen vart opna att ca. kl. 08.30. Ifølge Mesta sine folk som var på staden vil vegen vere open i heile dag.
Det vil nok vere noko overvatn på vegen, då røra under vegen framleis er tette.
Det er truleg trong for stenging seinare for meir opprydding og utbetring.
Dei fleste av pendlarane kom nok ein time eller to for seint på arbeid i dag.

Skriv kommentar:
Logg inn for å kunne skrive kommentarar