Kvar var du då Jan Ole serverte bacalao?

Hadde eg visst om den høge musikken så hadde ingen fått meg fram dit. For ein som er nokså hørselhemma så er det omtrent umogleg å høyre kva folk seier, og då er no vitsen vekk.
Det var stort sett godt vaksne folk som var der, og det kunne vore kjekt å prate med fleire av dei men----. Då det vart sett på musikk i pausa også, då gjekk eg.

Eg gjekk rundt meg sjølv mange gonger dei siste dagane og lurte på kva me skulle gjere. Vi hadde meldt oss på eit anna arrangement ilag med fleire andre frå Bondalen, og kunne ikkje berre hoppe av. Dette kom litt knapt på også så det gjorde ikkje saka betre.
Det var leit at vi ikkje kunne delta for dette var svært viktigt, så eg syntest det var svært beklageleg. Eg får prøve å ta det at ved eit seinare høve.

Legg ut eit kontonummer, så kan sette inn ein slant som kan bidra med å tette taket.

Artikkelen min var meint som eit opprop for å få ei tilbakemelding, om kva som skal til for at fleire møter opp. Der som nokon ikkje hadde høve til å møte, så er det ei privat sak og skal sleppe å forklare det her.

Kom med eit kontonr her. Eg set inn 100 kr og byd med dette ut Linda, Anne Åse, Lisbeth, Tonje, Gerd Sofie, Heidi og Anne.
Dette kan bli ein suksess!!

Om det er underteikna Arne Lied siktar til - "bondalens ivrige reportar" - så kan eg lova at eg heller ikkje framover vil møte opp på alt som skjer.
Det kan sjå ut som om oppfatninga her er at sidan eg skriv ein del, så må eg skrive om alt - sjølvsagt gratis. Det er sagt mange gonger før, men tydelegvis ikkje nok: Det er ingen som er tilsett for å skrive på hjorundfjord.no. Det er brukarane sjølve som skal skrive - legge ut stoff. Vert ikkje det gjort, er portalen ein fiasko. Er ein på eit arrangement så må den som føler for det skrive, som Arne Lied ved dette høvet. Det er i alle høve heilt sikkert at dersom det vert forventa at underteikna skal dukke opp - og det vert refs om han ikkje gjer det, ja, så skal eg passe meg vel for å skrive om anna enn det eg sjølv er med på.

Det hørest ut som ein OK måte og få inn kapitat til vølingsarbeidet. Kva som skal til av forarbeid før ei kronerulling kan starte, veit ikkje eg, dette overlet eg til styret.

1. Lengre "varslingstid", to veker er for lite. Eg har fleire gongar opplevd at eg allereie har meldt meg på anna arrangement.

2. Marknadsføring. Eg høyrer at fleire ikkje fekk med seg arka som var slått opp. Her er mykje info på veggane til butikkane, noko gamalt. Vi som heng opp må vere flinke til å ta ned, og ikkje anta at Jon Arne og Tobben gjer det for oss. Og kor mange gongar har eg ikkje sukka over at alt skal skje på same tid! "Heile året" skjer det "ingentid", og så skal alt skje samtidig.

3. Tenke smått: Vi er ikkje så veldig mange i dalen/fjorden, og kan sjeldan vente kjempeoppmøte. Det vil alltid vere nokon/fleire som er på turneringar, bursdagsselskap, familieselskap og andre arrangement. Det må ein ta høgde for, og lage arrangement som og kan bli ein (økonomisk) suksess med lågt deltakartall.

4. Tenke stort:
Alle aldersgrupper: Er vi flinke nok til å marknadsføre oss til alle aldersgrupper? Ikkje minst den eldre generasjon som det kanskje er flest av i dalen/fjorden?

Heile fjorden: Bør vi "alltid" sette opp eit båttilbod slik at dei på andre sida av fjorden kan vere med? (Og kanskje auke statistikken på bruk av båten?)

Hilde har nokre moment ein bør vurdere. Det som kanskje er viktigaste er kunnkjeringa, i dette tilfelle så fekk alle husstandane i Bondalen, ein invitasjon i postkassa omlag 14 dager før, i tillegg vart det også lagt inn to oppmodingar her på porttalen. Må ein i tillegg gå ut i avisene? Når ein planlegg, så bør ein ta omsyn til andre tilstellingar, men etter mi meining, berre lokale arrangemang. Skal vi ta hensyn til Ørsta/Volda, ja då kan vi berre drage dyna over haude.
Julefesten 3. dag, har dei siste åra vore ein dundrane suksess og eg vil tru at vi klarer å moblisere så neste haustfest vert like vellukka, for Rune og Co har alt planane klare.

Det geniale med julefesten er at alle gjennom heile året veit kva dag julefesten er på, og innstiller seg på det gjennom heile året. Kvifor ikkje bestemme at vi skal ha haustfest f.ek.s 3.helga i oktober?

Kanskje eg maser for mykje, men eg synest temaet er svært aktuelt. For å få nokon til å stelle til trivselstiltak så må vi, som synest om dette, vise det med å delta. Heldig vis så har Bondalens Fril. Ungdomslag fått liv i ungdomsklubben, klubben har lagt opp til ope hus kvar 14. dag framover, dette lovar godt for framtida. Strikkekafe på bedhuset er eit anna positivt trivselstiltak. Så er det oss då som er for gamle til ungdomsklubben og for unge til pensjonist foreininga og ikkje liker å strikke, kva skal vi ta oss til. Vel ein å ta seg ein tur på restaurant, ja då vert ein sitjande der ganske aleine til nærmare midnatt, då først har det vorte for vane å gå ut no. Er dette noko en kan endre på? Utviklinga, om vi skal kalle det utvikling, vil fortsette, vi vert færre som bur på bygda, derfor må vi alle bidra med tiltak som gjer at vi fortsette med det, og at kanskje fleire vil kome attende. Til slutt ein kommentar til Knut Hustad, han skriv: ” eg lova at eg heller ikkje framover vil møte opp på alt som skjer.” Det forventar eg heller ikkje, men innstillinga til Knut skremmer meg, skulle alle tenke slik, ja då vert det ikkje rare greiene med det sosiale samvære i framtida.

Det eg fekk offentleg kritikk for av Arne Lied, er at eg ikkje møtte opp og skreiv om det som skjedde på grendahuset denne kvelden "då Jan Ole Valseth" serverte bacalao. Det er vel det vi snakkar om og ikkje kven som møtte opp på grendahuset denne kvelden. Den kritikken som Arne Lied då kom med, er sjølvsagt heilt bak mål. Kven er det som har brukt mest tid på å skrive om det som skjer i fjorden på portalen i det siste? Er det Arne Lied? Nei, sjølvsagt ikkje. Når så Arne Lied kritiserer underteikna for manglande skriving, er det kort og godt for dumt - enten det skremer Lied eller ikkje. Og kvifor i alle dagar skreiv ikkje Arne Lied om kva som skjedde på festen? Etter det eg ser er han fullt ut skrivefør. Vi har som nemnt ikkje nokon journalist her på portalen, men Arne Lied ser likevel ut til å meine at underteikna skal stille opp 24 timar i døgnet 7 døgn i veka for å skrive. Sjølv ikkje ein heiltids journalist gjer det. Hjørundfjordportalen er elles ein brukarstyrt portal der det er meint at brukarane sjølv skal skrive - som t.d. Arne Lied.

Og berre så det er sagt - underteikna har møtt opp på mange arrangement der Arne Lied ikkje har vore tilstades.

Det eg prøver å sette fokus på, er kva som skal til for at fleire møter opp på t.d. Bacalaokvelden på Grendahuset. Så langt er det berre 2 som har kome med forslag om tiltak. Det er tydlig at temaet interesserer for i skrivandes stund så har 1280 vore inne og lest.

Her er vel behov for to klasser av tiltak.

1. Å få folk til å møte opp på Grendahusaktivtetar. Eg likar framlegget frå Ivar Svein, ein fast dato som vi kan føre opp i boka å førebu oss årleg på. Di eldre eg blir, di mindre flink blir eg til å ta ting på sparket.

2. Fleire til å skrive på portalen. Vi er mange som synest Knut er veldig flink til dette, men somme tider må han vel få gå på fest som anna folk utan å måtte skrive om det i etterkant? Det er elles litt rart dette: Nokre meiner at Knut skriv for mykje, andre meiner han skriv for lite. Til lags åt alle kan ingen gjere.......

Du forbauser meg Arne med at du meiner Knut har ei skremande innstilling fordi han ikkje kan møte opp på alt som skjer. Eg må nok melde meg på ilag med Knut i gruppa med den skremande haldningar. Det er faktisk ikkje råd å være med på alt, og er det krava, så vert det ikkje mange som møter til slutt.
Hjørundportalen er ein brukarstyrt portal der alle skal skrive for å halde det gåande.Dette er dugnad og ved dugnad tek alle eit tak! Eg vil gå så langt at dersom ikkje Knut har gjort den innsatsen som han gjort, ville portalen for lenge sidan ha stilna av.
Å angripe ein av dei som har gjort mest, og har brukt både fritid og arbeidsid for felles beste, bekymrer meg. Ein ser på innlegga han skriv, at dette har han gjort lenge etter at alle andre har kome under dyna.
Portalen har aldri motteke ei krone frå nokon brukar, og Knut har heller ikkje fått ei krone for arbeid med skriving, bensin og bruk av kamera.
Kan nokon då krevje noko meir av han enn nokon annan som brukar portalen?

Kva med å sjå kva som kunne ha vore gjort betre til denne viktige kvelden. Veit alle kva bacalao er og viste alle at Jan Ole var ein så flink kokk? Kokken med sine kunskaper kunne det ha vore laga eit skikkeleg innlegg om, med bileter som mange hadde lagt merke til, og dermed ville ta turen til grendahuset denne kvelden.

Istaden for å angripe ein som møter på dei allerfleste samkome, så bruk kreftene på å få dei mange heimesitjarane ut ein kveld. Det er ofte frå desse vi får kritikk også. Det er også desse som ser det så viktigt å fortelje i ei kvar anledning kor vekkasta det er å lese portal, men dei er til ei kvar tid informert om kva som står her.

Vi vil i allefall merke det viss Knut legg ned sitt frivillige arbeid!

Ivar Svein Mo

Kva er det som skjer, her prøver eg å få til ei meiningsutveksling , på kva som skal til for å få folk ut av godstolen, og så ender det opp med skuldingar om at eg skal ha refsa Knut, det var i alle fall ikkje mi hensikt. Diskusjonen om kven som skriv eller ikkje skriv kan de ta opp i ein anna artikkel. Så eg ber fortstatt om tilbakemeldingar.

Aktivitetskalenderen på portalen, kan sikker gjerast betre, eg veit ikkje kven som har ansvar for og holde den oppdatert. Kan registrerte brukarar legge inn? Her ser eg muligheter for direkte varsling til mailadresser. På mange nettsider kan du velje å få tilsendt nyhetsvarsler ol. når ein registrerer seg, er dette noko en kan få til på portalen?

Aktivitetskalendaren er det brukarane sjølve som styrer, og der er same moglegheiter med å legge ut bilete og linke til andre nettadresser, som i artiklar. Her kan du skrive og redigere slik du vil. Det er berre på kommentarar ein ikkje kan redigere eller slette.Fleire og fleire brukar aktivitetskalendaren og det er etterkvart ein viktig møteplass.
Det ville sjølvsag ha vore fint om einkvan kunne ta ansvaret for aktivtets kalendaren og være kontaktperson, men det beste er at folk som veit nøyaktig dato og tider legg ut sjølve.
Varsling av nyhende har vi. Det er berre å registrer seg på RSS.
Korleis vi skal utvikle ein betre kalendar må Tor- Eirik svare på seinare i kveld. Det er han som er ansvarleg for utviklinga av den nye portalen.
Kom med forslag kva de vil ha i aktivitetekalendaren så skal vi sjå kva vi kan gjere!