Volvo-kolonne til Sæbø

Det var ein travel dag på Sæbø søndag. CruiseService var i gang med første dag med sommarruta. I ferjekøa var det mykje bil, og fleire stod att. Det vart bada frå kaia og frå badestranda. Støst oppsikt vekte likevel kanskje kolonnen med Volvoar som kom på ettermiddagen.

Volvoar på rekkje og rad på Sæbø.

Det var Roy-Magne Mo som fekk med seg Volvoane til Sæbø, det var nemleg Volvo-treff i Ørsta søndag, og Roy-Magne er sentral i dette arrangementet.

- Det kom bilar frå store delar av Sunnmøre, Nordfjord, Sunnfjord og Romsdalen, fortel Roy-Magne.

På førehand har det vore ganske stille om treffet, og Roy Magne forklarar: - Vi har ikkje laga så veldig mykje styr av dette i år og stort sett berre sentrert dette rundt eit forum på nettet og så på ryktet som har gått.

- Men om dette vert bra frammøte på, satsar vi på å gjere dette til eit årleg arrangement - kanskje neste år på Sæbø, seier Roy Magne..

I så fall fekk Sæbø ein forsmak, for det var kring tjue Volvoar som kom i rekkje og rad til Sæbø søndag ettermiddag. Mange sperra augene opp der bilane etter kvart parkerte på Sæbø-plassen.

Lagt inn av Rune Sæbønes
02.07.2007 01:01

Kommentarar

Roy-Magne Mo - Gode tilbakemeldingar 02.07.2007 kl. 11:30

Treffet samla seg først på plassen utanfor samfunnshuset der vi nesten klarte å fylle den heilt opp. Dette er vi strålande fornøgde med, med tanke på den innsatsen vi har lagt ned. Crusinga frå Ørsta til Sæbø med den påfølgande rasten var eit populært innslag, mange fekk augene opp for kor vakker Hjørundfjorden er og tilbakemeldingane var utelukkande positive :)

Fleire bileter frå treffet finn ein her:
http://www.sunnmore.net/gallery/VolvotreffetOrsta2007

Helge Strand - Gamal Amazon-eigar. 02.07.2007 kl. 15:39

Eg vart nesten nostalgisk, Roy Magne! Som eigar av ein då Volvo Amazon, 1970 modell!
Ei fin samling var det i sentrum.
Eg og Thomas H. ville kompletere ho med Thomas si gamle Volvo stasjonsvogn parkert bak kaihuset.Men Thomas fekk ikkje start!

P.S
Eg trudde "gamle Samvirket" hadde teke fyr. (Gjev det var så vel....)
Men så var det noko ungdomen kallar "burning." Stemmer det?

Roy-Magne Mo - Burning 02.07.2007 kl. 16:57

Dette var nok god gamaldags burning ja, og ikkje så verst gammal bil heller - har rukke å verte veteran den bilen der.

Neste år satsar vi på å få med amazonar, pv og kanskje ei P1800 også. Var mest ungdomen som var med i år, til neste år satsar vi på å få eit meir samansett utval - bilkultur er akkurat det, kultur , og det på tvers av alle aldrar :)

Perry Bjørke - VOLVO PV 03.07.2007 kl. 00:16

Det står en gammal PV på Bjørke
Den burde ha våre laga til.

Roy-Magne Mo - Bjørke og Volvo 03.07.2007 kl. 00:42

Hjørundfjorden har no faktisk også ein kunstnar som malar Volvo-bileter og eig ein spesiell Volvo, dette må vi få med til neste år :D

Perry Bjørke - T-Skilt 04.07.2007 kl. 07:21

PV-en på Bjørke trur eg har T-skilt som høyrer til.
Eg trur nokon har tatt ut motoren for overhaling.

Skriv kommentar:
Logg inn for å kunne skrive kommentarar