Tidleg krøkast ......

 Vi reiste med buss til Frøland og gjekk bakkane opp til slåttemarka. Det var ikkje noko problem, for borna i barnehagen liker å bruke beina å vere på tur. Vel framme vart det tid til ein liten pause i det ferdigslåtte graset medan Kjell gjorde klar til arbeid. 

Det var moro å hengje graset på plass og lage tette grønne veggar som ein kan gøyme seg bak og inni. Slik vart arbeidet som ein leik for ungane.

Ekstra moro er det å arbeide når ein får bruke reiskap slik dei vaksne gjer. Det blir meir ekte på den måten.

Alder er ingen hindring, også dei yngste hjelper gjerne til.

Ei god matpause hører alltid til når barnehagen er på tur. Nistesekkane var tunge, og alle fekk ete pølser med brød. Mange seier dette ikkje er sunn mat - og iallfall barnehagane må ikkje servere slikt. Men her har alle eit godt dagsverk med arbeid bak seg, og like mykje står igjen. 

Dei aller yngste må ta ein liten blund etter arbeid og mat, medan dei eldre borna nytta høve til å helse på dyra på marka og i fjøsen. 

Vi takkar familien Frøland for invitasjonen, og håper vi kan kome igjen ved neste høve. Vi liker nemleg å vere på tur og ikkje minst å få lov å hjelpe til med godt arbeid. 

Helsing barn og vaksne i Sæbø barnehage.