Lakseminne før åpninga....

"Polisen som inta vågade ta semester....."

Før lakseåpninga i elva vil eg mimre og minnast oppatt litt....frå ei svunna tid. Vonleg til glede for enkelte vitjande på portalen. Personen på biletet er herr Gustav Unefeldt frå Sverige. Skulesjef i Strømstad.Han ferierte fleire år på Hustadneset. Ifølgje Arne J.Hustadnes på midten av 70-talet. Filmen vart ifølgje T.Hustad spelt inn i 1987. Meinte han. Men var ikkje heilt sikker. Laksen vog vel 7 kg og vart kleppa av underteikna. Han sende meg biletet til jul. Gustav var som sagt skulesjef, men på fritida skreiv han krim.romanar. Mellom lakseslaga i Bondalselva vart romanen "Polisen som inta vågade ta semester" forfatta. Utgongspunktet for romanen var nemleg på Hustadneset. Ikkje nok med det. Romanen vart filma, bl.a der! I manuskriptet skulle Aslaug Hustadnes (dotter til Anders) reise til Oslo på sjukepleiarskule, og vart.....myrda! Historia vidare minnast eg ikkje, men Aslaug er i alle fall meir enn oppegåande, og det er det viktigaste! Mor på huset var ingen andre enn Anne M Ottersen i sine beste estetiske år! Bonden på garden var ikkje Anders, men hald dykk fast! Sjølvsagt Tomas Hustad! Fotogen allereie då! Oscar-nominert vart han for den beste bi,bi osv.-rolla. Det skal i rettferd seiast at Tomas ikkje hadde ein einaste replikk. Han skulle berre frå tid til anna stå i fjøsdøra og sjå skummel ut. Noko som Tomas gjorde fortreffeleg! Lat imidlertid ikkje Tomas stele heile showet i dette vesle attersynet. Villaksen med sine 7 kg burde ha fleire Oscar, spør du meg.....

Lagt inn av Helge Strand
07.06.2007 16:38

Kommentarar

Roy-Magne Mo - Ein liten quiz 07.06.2007 kl. 17:26

Er det nokon som veit kva den oransje bilen som står bak fiskaren er?

Arnfinn Mork - camaro eller firebird 07.06.2007 kl. 18:23

tidlig 70-tals?

Alf Ole Aarseth - Herleg ! 07.06.2007 kl. 21:54

Herleg artikkel Helge !! Morosam lesning. Bilar har eg ikkje greie på...

Roy-Magne Mo - bilen 08.06.2007 kl. 01:33

Eg veit sanneleg ikkje, det første som slo meg var taklinja til ein Jensen Interceptor, men fargen er no veldig spesiell. Kan det vere ein japansk bil av noko slag?

Eg synest den ser for rund ut til å vere camaro eller firebird, dei går det ca 13 av på dusinet i Ørsta no...

Arnfinn Mork - ikkje camaro/firebird 08.06.2007 kl. 07:59

Bakruta går ikkje ut over sida som på bildet..
litt dumt å lage quiz ein ikkje veit svaret på?

"Ottersen i sine beste estetiske år!" Bra helge!

Kjell-Johan Aarseth - Polisen som vägrade ta semester 08.06.2007 kl. 09:22

Står litt om forfattaren/laksefiskaren og om tv-serien her:

http://no.wikipedia.org/wiki/G%C3%B6sta_Unef%C3%A4ldt
http://hem.bredband.net/b140510/filmer/episodguider/polisen_i_stroemstad.html#semester

Ser ut som Anne Marie Ottersen kjem inn i del 2 og "Fru Hustadness" i del 4.

Nokon som har denne tv-serien på VHS eller kanskje Beta? :)

Ivar Svein Mo - Den oransje bilen.. 08.06.2007 kl. 13:58

Eg tippar den oransje bilen er ein Datsun Cherry som tilhøyrde ein lokal lakseentusiast.

Roy-Magne Mo - Datsun Cherry 08.06.2007 kl. 15:57

Ein slik ein? http://www.modum.net/datsun/SmaaB_4.htm

Får ikkje trekantvindauget framme til å stemme heilt med denne.

Vibeke Mo - VHS 08.06.2007 kl. 20:20

Rune Mo har - eller iallefall hadde denne serien på VHS.

Rune Sæbønes - Cliff Richard 08.06.2007 kl. 22:34

Eg veit dette er heilt håplaust når det gjeld tråden på denne saka, men når vi først er inne på mimring: Er det nokon som har bilete frå den dagen Cliff Richard var på Sæbø?

Kjell-Johan Aarseth - Cliff Richard 09.06.2007 kl. 00:21

På baksida av Hjørundfjord sogelag sitt årsskrift for nokre år sidan var det bilete av Cliffern på Sæbø. Muligens årskriftet i 2000 eller deromkring. Så Jarle Walseth bør vel ha liggjande biletet i arkivet sitt. Når var Cliff på Sæbø forresten? Tidleg 70-tal?

Rune Mo - TV-krim frå Sæbø 09.06.2007 kl. 00:41

I ein artikkel i Sunnmørsposten frå september 1987 skreiv Anders Hustadnes ma.dette om TV-krimmen: "Ei jente frå Hustadnes dreg på ferie til Strømstad, og vert utsett for ei kriminell handling. Eit mord på ei svensk jente i same byen fører til ei omfattande etterforskning, og då namnet Sæbø på Sunnmøre dukkar opp, flyttar etterforskninga dit. I flugekortboka på Hustad finn etterforskarane namn so set dei på sporet. Etterforskarane kjem attende til Sæbø på nytt, og no veit dei kven mordaren er. Han vert tilslutt arrestert etter ei dramatisk jakt."
Gøsta Unefeldt rekna med dette ville verte ei fantastisk reklame for Sæbø og Sunnmøre skreiv artikkelforfattaren. Delar av filmen vart filma i Hovdevikhuset. Vi har serien på VHS, Eit grumsete opptak frå Svensk TV

Alf Ole Aarseth - 1972 ? 09.06.2007 kl. 15:32

Eg trur kanskje Cliff var på Sæbø i 1972. Det var iallefall "Hjørundfjord-Festival" dette året (ei opptakt til noværande hjørundfjordagane)men det var ikkje nokon årleg festival. Inge har 8mm film frå denne festivalen i 1972, eg var ca 7 år og eg huskar Per Asplin opptrådte på scena. Mulig Cliff Richard hadde konsert seinare på kvelden dette året men då hadde eg nok gått og lagt meg :) Meiner og huske at det også vart spelt inn ein film i forbindelse med Cliff-besøket; der ein koffert var sentral i handlinga og innspeling bl.a i skiheisa på Bondalseidet. Mulig eg er heilt på viddene her no, men nokre andre har kanskje innspel ?

Helge Strand - Assosiasjonar m.m 09.06.2007 kl. 16:10

Rune Mo sin versjon er nok den korrekte m.o.t filmhistoria.
Magnar gav meg litt "korreks" i dag for ikkje å ha nemd "Hovdevikhuset." Magnar sin tidlegere prakteigedom. No eigd av Roy Lillebø med familie. Hermed no gjort, først av Rune Mo.
Aslaug Hustadnesd si "filmskjebne" vart fortalt meg av Arne Johan.
Hyggeleg med så mange assosiasjonar til eit bilete/ei forteljing!
Er einig med Alf Ole når det gjeld Cliff R. Scena var midt i sentrum og garderobe var kaihuset.
Var det ved same høve Elisabet Grannemann opptrådde? Eg minnast i alle høve godt at Chr. Walseth ("Kikken") sat med ho på fanget og vart fotografert. Til stor stemning! Kanskje nokon har bilete?

Helge Strand - Bil-quiz... 09.06.2007 kl. 17:15

Eg har ein teori om denne bilen,.......men venter med han. Det følgjer nemleg med minst ei historie......

Ole-Ragnar Riise - Hjørundfjordfestivalen 10.06.2007 kl. 11:21

Dette sporar vel heilt av, men minna strøymer på. Eg var 5 år i 1972 då det var "Hjørundfjordfestival"(?). Dizzie Tunes var vel også her då. Hugsar at det vart taua(?) ein gammal buss til Sæbø som vart brukt som pølsekiosk. Meiner å hugse at den stod framfor Bellingen. Filmen "Kofferten" som Alf Ole nemner var så vidt eg veit ein fjernsynsfilm. Kan hugse den vart sendt noko seinare på NRK. Trur Dizzie Tunes hadde ein finger med i spelet der(?). Skurken i filmen kledde seg ut som dame iallfall, og vart m.a. innestengt i "bunkersen" ved fergekaia. Eit lokalt ektepar (??) gjekk forbi (statistar?) og opna slåen som stengde han inne. Dette er relativt fritt etter hukommelsen, og eg kan ikkje namngje skodespelarar osv. Men det kunne vore artig å få tak i den om den eksisterer enno. I forbindelse med denne innspelinga skjedde noko eg hugsar godt: Ein bil med filmfolk kom innom garden vår, og ville filme "den snillaste kua" vi hadde. Kua "Lykke" vart den utkåra og leidd ut på tunet slik at den fekk posere for kamerafolka. Etter endt "shooting", pakka dei saman og drog. Då filmen omsider vart sendt på tv, var spaninga stor om vi fekk sett "filmstjerna" vår på skjermen. Så skjedde naturlegvis ikkje...
Ein tanke eg har er å få ei oversikt over kva filmar o.l. som er innspela her i fjorden. Veit om "Bortreist på ubestemt tid" (litt av den) og "For dagene er onde"...

Hilde Sæbønes - kofferten 10.06.2007 kl. 14:30

filmen har vi her i smedhuset...:)meinar at eg ser meg sjølv og andre kjende både her og der....artig!!

Anette Olin K. Lyshagen - Cliff Richard 15.06.2007 kl. 10:35

Eg veit at eg har sett bilde frå då Cliff Richard besøkte Sæbø, men om eg har sett bilde heim hos mamma, eller om det er ei av systrene min som har det i sitt album, det huskar eg ikkje.

Anette Lyshagen

Kjell-Johan Aarseth - Filmar frå Hjørundfjorden 18.06.2007 kl. 15:51

Ser at Ole-Ragnar etterlyser ei oversikt over filmar med opptak frå Hjørundfjorden. Kan prøve å supplere litt. Veit om to kortfilmar som kan føyast til. Filmen "Beatpoetane" etter Ragnar Hovlands novelle "Dei siste beatpoetane frå Midthordland" vart vel teke opp i Hjørundfjorden. Med bl.a ein ung Thomas "Klypa" Ryste i ei av hovudrollene.

Ein annan kortfilm som eg ikkje hugsar tittelen på handlar om ein stressa og irritert forretningsmann, spela av Lasse Kolsrud, som i første omgang ikkje får plass på ferga mellom Leknes og Sæbø og må pent stille seg i kø. Undervegs på fergeturen får han opp augo for idylliske Hjørundfjorden og tek seg tid til å roe ned og slår av mobiltelefonen med alle forretningsavtalar når han kjem i land. Statistar som eg hugsar i filmen er i alle fall Ollen, Jostein Kvistad (m buss), Rolf Egil Riise (m bakarbil), Erlend Walseth og Arnar Holen.

Nokon andre som hugsar denne filmen og fleire bondalingar som var med? Vart vel spela inn tidleg på 90-talet ein gong. Meiner Alf Ole har begge desse kortfilmane på VHS.

Fleire som har oversikt over andre kjende/ukjende filmopptak frå Hjørundfjorden?

Alf Ole Aarseth - Filmane 20.06.2007 kl. 00:36

Det er rett som Kjellis seier at eg har Beatpoetane og kortfilmen frå ferga på VHS. Men eg har ikkje sett dei på lenge, og har ikkje lenger VHS spelar. . men eg huskar at kortfilmen frå fergeturen var laga av medielina i Volda, og at den framheva naturen i Hjorundfjord
og at det var ein stad der stressnivået var på eit minimum. Turistreklame ! Ollen, Rolf-Egil og Arvid Urkegjerde satt og spelte kort i fergesalongen medan den stressa forretningsmannen bestilte kaffi og svele :) Beatpoetane var ein morosam film, ikkje rart etter manus frå Ragnar Hovland si novelle. . (Vil anbefale romanane "Sveve over vatna" og "Dr Munks testamente" av same forfattar !) unge Ryste synte her tidleg sitt talent og ein del av opptaka var gjort i Bondalen. Trur ikkje det var så mange Bondalingar med som statistar her, men eg huskar ei scene der bl.a Aina Slettedal møtte beatpoetane på Villabrua ! dei 2 unge karane kom køyrande nedover dalen i ein sjølvlaga "doning" og skulle imponere jentene med diktlesning og poetiske replikkar. Trur ikkje det gjekk heilt slik dei hadde tenkt :) Elles er sjølvsagt Hjorundfjord-filmen frå tidleg 70 tal, laga av Teamfilm med Mattis Mathiesen i spissen ein lokal film som må nemnast. Den kom vel i ny utgåve innspelt på dvd for eit par år sidan.

Knut Hustad - Cliff på Sæbø 08.07.2009 kl. 23:31

Ang. Cliff på Sæbø så er eg ganske sikker på at det var i 1970 at han var der. Eg var 15 år, hugsar det kjempegodt! Det var ein stor dag på Sæbø!! Skikkelig "æksjn"!!

Det var filminnspeling, og han hadde konsert midt i sentrum, på kaia! Det var stuvende fult av folk. Elisabeth Grannemann og Dizzie Tunes var der og…dei var med i same filmen.

Eg har bilder av Cliff i aksjon på sena på Sæbø, i gul skinndress!!

Det var ikkje i sammenheng med Hjørundfjordfestivalen, denne filminnspelinga.

Det var far, Anders Hustadnes som starte med å arr. Hjørundfjordfestival…… (forløparen til dagens Hjørundfjorddagar).Dei første festivalane var på Øye. Eg var på festival på Øye saman med Åse Tverberg då vi var 14 år( 1969.)Eit av dei første åra var Ivar og Kari Medås der!

Når det gjeld "Polisen som vegrade ta semester"…så stemmer det at Gøsta Unefeldt fekk inspirasjonen på Hustadneset…. og henta persongalleriet frå oss på Hustadneset … han sat og skreiv i den vesle hytta til Arne Johan som han bodde i. Romanen vart laga TV serie av….sendt på svensk og norsk tv. Ein nabo i Lier tok den opp for meg då den vart sendt på tv… på slutten av 80-talet, trur eg.., men han hadde glømt å få på lyden! Det er rett at dotter på garden (eg) i filmen reiste til Oslo for å beg. på sjukepleierskule… og vart seinare myrda på ein holme i den svenske skjærgården!(eg flytta til Drammen i 1973 for å starte på sjukepleierutdanninga!)

Under filminnspelinga på Hustadneset filma dei på mitt gamle rom, og eg såg ungdomsbilde av meg sjølv som hang på veggen!

Som Helge Strand skriv lever eg i beste velgåande! Eg bor no faktisk på ein liten holme i Tvedestrandsfjorden! Satsar på at det går bra!

Har 500 m. gangveg til bilen, over ei lita gangbru! Jobbar i Arendal kommune!

Om få dagar set eg kursen til Sæbø/Hjørundfjorden!

Sommarhelsing frå Aslaug

Skriv kommentar:
Logg inn for å kunne skrive kommentarar