Ein liten kvitveisbukett blir plukka og brakt tilbake til barnehagen. Langs vegen veks her og hestehov - ein litt ukjend blom for Bondalen, kanskje innført av ørstingar?
Barn veit ofte å setje pris på det dei finn i utanfor vegen, særskilt om der er vatn. Og i dag fant dei "lappegoble" - visstnok eit eldre ord frå fjorden. Her har Yngve samla opp ein nøve slik at alle får sjå og ta på:
Langs vegkanten fant ungane og hjortehår som vart samla saman. Tilbake i barnehagen vart dei tapa saman til noko som kanskje kan verte ein såpekost?
Det er godt å vere i ein barnehage som har så mykje variert natur rundt seg.
Kommentarar
Så til hestehoven.
Den fanst ikkje før, så vidt eg veit.
Helga tok med nokre som ho planta i hagen. Etter at ho luka dei vekk, dukka det plutseleg opp hestehov i leirbakken i første svingen oppi Bakkane. Der lever dei i beste velgåande og har vorte eit av dei første vårteikna mine.