Utsetting av containerar og rydding på bygdene

Reine og ryddige bygder er trivelege både for fastbuande og tilreisande. I dag ligg det mykje rot og skrot rundt om i natur- og kulturlandskapet. Kan hende du har noko å verte kvitt? Det vert no sett ut containerar, og dette er eit tilbud Retura Søre Sunnmøre har til bygdene i samarbeid med grendalaga.

På same måte som tidlegare år vert det sett ut containerar på bygdene, men med litt forandringar.

Det skal berre metall og jarnskrap i desse containerane. Elektroavfall kan settast på utsida.

Døme på jarnskrap og metall kan vere:

Traktorreiskap, horver, svansar, vossakasser o.l.
Metallgjerder
Bølgeblekk
Slåmaskiner/plenklipparar
Bildelar: eksosanlegg, bremseskiver, felgar osv
Anna avfall av metall eller jarn

Når det gjeld elektroavfall kan dette vere:

Kvitevarer og brunevarer
Datamaskiner / utstyr
TV og skjermar
Anna hushaldningselektro som hårføner o.l.

Containerane vert plasserte slik:

3.-9.mai: Urke v/badeplassen på Maude, og på Øye v/nausta på Norang

7.-14.mai: Bondalen v/Grendahuset og v/Rekkedal skule, samt på Sæbø v/ferjekaia

Det vert i næraste framtid utdelt eit meir detaljert informasjonsskriv i kvar einskild postkasse. (Skrivet kan du også laste ned som .pdf dokument her.)

Restavfall kan vi hente gratis på ordre, men mot betaling pr kilo (kr 2,- same som på miljøstasjonen). For henvendelsar, ta kontakt på tlf. 70048610, eller sore.sunnmore@retura.no

Vi må presisere at det er viktig å holde generell orden i og rundt containarane, både med tanke på attvinning av avfallet, og høve til å ha ordninga i framtida.

Retura Søre Sunnmøre v/ Jon Arne Steinsvik

Lagt inn av Jon Arne Steinsvik
30.04.2007 16:23

Stikkord

Stikkord gjer det lettare å finne fram til stoff som er i ditt interesseområde. Du kan trykkje på eit stikkord for å få fram innlegg som omhandlar temaet.

Kommentarar

Jan Arve Rekkedal - 01.05.2007 kl. 13:38

Les at der vert plassert container på Rekkedal skulen, er der plass til ein russe bil inni den skal tru? Vist eigaren/arane av russebilen er brukarar av portalen og les dette so oppmodar eg dei til og få bilen fjerna!

Vegard Tvergrov - 01.05.2007 kl. 15:20

Vi legg oss flate for situasjonen som har oppstått, og på vegne av "Bondalsbataljonen" kan eg forsikre deg om at russebilen vert fjerna i løpet av veldig kort tid. Samstundes vil eg beklage oss ovanfor resten av lokalbefolkninga for at denne bilen har stått her så lenge og bokstaveleg tala skjemt ut Rekkedalsområdet.

Jan Arve Rekkedal - 01.05.2007 kl. 15:49

Flott at du ordnar ut Vegard!, berre "kakk på strengen" om du treng hjelp. :)

Jon Arne Steinsvik - Oppsummering 18.05.2007 kl. 12:53

Då er bygderyddinga over for denne gang, og vi er godt nøgde med sorteringa i heile Hjørundfjorden.

Kan legge til at Bjørke mest sannsynleg får container i løpet av veke 21

Skriv kommentar:
Logg inn for å kunne skrive kommentarar