Det var tidlegare denne månaden at han kom i kontakt med Cæsars eigen Beate Eriksen gjennom BFUL sitt teaterkurs, og ho har no tilbode han jobb som skribent i serien samt ei sentral gjeste- rolle. Han vil ikkje ut med kva denne rolla  er, men lovar at det får portalens lesarar sjå til hausten.

Innspelinga og skribent- jobben startar allereie i mai, for at haustens episodar skal bli ferdige i tide. Knut seier at desse ”byfolka” som han kallar dei, har lita forståing for at dette er midt i våronna, men likevel vil han ikkje la denne sjansen gå frå han. Sonen Jakob er enda for ung til å avløyse faren dei vekene han er borte, og dottera Karoline er oppteken med studiar. Om ikkje Knut får tak i ein pålitelig avløysar i tide ser han seg nøydd til å leige ut jorda for dette eine året, og det allereie frå no av. Han kunne også tenke seg ei ordning med å leige vekk dyra og kjøpe dei attende neste år. Han håper nokon vil sjå seg syn i å leige berre for eit år.

Knut lovar også at han ikkje skal svikte portalen, han vil sende nyheitsbrev frå Oslo, og sjølvsagt rapportere om ski - og fjellturane han no får god tid til når han er heime i frivekene. I kontrakten står det at han har rett på fri kvar helg og ei heil veke i månaden, noko dei heime sikkert er glade for….

Portalens aprilspøk