I går på 1.påskedag var eg på besøk med Glenn Robin på Hustad. Det var ei stund litt kjedeleg og vi lurte på kva vi skulle finne på. Tina Irene systra til Glenn begynte å rulle ein liten snøball, og så fekk vi ideen om å bygge ein gigasnømann! Skulle vi bygge ein snømann måtte vi ha ein skikkeleg stor snøball. Snøen var kram og skikkeleg god til rulle snøballar av i dag, og vi rulla til vi ikkje greidde meir. Det var ikkje nok med den eine, så her måtte fleire til! Og det gjekk greitt når vi hjelpte kvarandre. Tilslutt hadde vi 4 store snøballar, men no kom eit skikkeleg problem, korleis skal vi få dei oppå kvarandre? Vi prøvde med å bruke rør å skyve den oppå, men snøballen kollapsa og vi måtte til slutt få hjelp frå mor til Glenn og Tina,- Irene.
Ho var litt smartere enn oss og kom med forslaget om å kløyve den, og då fekk vi det til! Dei to andre var mindre og dei fekk vi opp med ein stige. Planen var tre ballar, men det vart fire.
Etter vi hadde fått alt på plass så var det finpussen igjen og snømannen var ferdig ca. 20:00. Vi hadde brukt 4 timar på den. Og den målte utruleg nok 2,70 m.!
Er det nokon som har ein snømann som er større så vil vi vite det!
Den første ballen begynde å ta form!
T.v. Sondre Kristoffer Mo, Tina Irene Hustad, inspektør Oliver(katten) og Glenn Robin Hustad
Snømannen er ferdig og vi er trøtte og stolte
Kommentarar
Trur kanskje eg skal slå rekorden dokka neste år. he-he
Eg såg føre meg at ein kunne spørje sjukeheimen om løyve til å bruke plenen der til konkurransearena. Då kunne små- og store-, einslege eller familiar med snømenn(-kvinner) stå langs vegen til glede for sjukeheimen og forbipasserande.
Det var no berre ein ide frå
Og til deg Fred, også eg/vi har store planar til neste år!!
Planen min er faktisk så genial at eg nesten ikkje vil sei det, men sei det likevel.... Eg skal få pappa til å kjøpe traktor med lastar, så skal vi rundballe nokre snøballar(store) og laste dei oppå kvarandre. God ide?;)