Stor slekt

Takk for positivt svar, Ivar Svein! Hjørundfjordportalen og bloggen for Prillar-Guri er jo som Hjørundfjordferja og ei plastjolle med påhengs, men begge kan vi få kokafisk på kroken.

Det står stor respekt av dugnaden som de har fått til på portalen. Eit storarta eksempel på at eit lokalt fellesskap kan skape noko nytt og nyttig med ansvar for både tradisjon og aktuelle utfordringar.

Også eg trur at ein aktiv kontakt mellom portal og bloggar/heimesider er eit steg i ei riktig retning. Interessant å høyre at Roy-Magne ser føre seg koss dette kan ordnast enkelt og praktisk.

Ein god inspirasjon å få ei slik klår tilbakemelding som denne på laurdagen i dag! Prillar-Guri ber meg helse!

Sidan Prillar-Guri er ein blogg, er dette laga til slik at ein kan enkelt utveksle informasjon mellom forskjellige bloggar. Dette kunne portalen ha nytta seg av, slik at ein fekk nyhende frå Prillar-Guri rett inn på portalen utan å måtte gjere noko ekstra for det.

Kanskje ein idé å ta med seg til neste versjon av portalen.

Hjørundfjordportalen har som hensikt å binde saman bygdene i Hjørundfjorden og samtidigt gjere det lettare for folk utanfrå halde kontakta med hjørundfjordbygdene. Prillar-Guri er so vidt eg kan sjå ingen kommersiell side og har akkurat den same hensikta.
Ved å samarbeide skal vi skape eit betre samhald i fjorden, så du er velkomen Enok å linke Prillar-Guri til portalen.
Vi håpar no det at begge sidene vert lesne og kommenterte på.

mvh Ivar Svein Mo

Eg har altså begynt å våge meg til med nokre lenkjer frå Portalen til bloggen for Prillar-Guri.
Er dette greitt? Sei meg til om eg er på ville vegar.
I tilfelle grønt lys kan kommentarar skrivast både her på Portalen, og på Comments under postane på bloggen.