Tiltak mot attgroing

I Møre-nytt tysdag stod der ein artikkel om "Geita i fokus". Sidan vi snart ikkje ser skogen for berre tre i heile kommunen, kan det nok bli aktuelt å bruke geiter/kje som landskapspleiarar også i Bondalen, eg meinar å ha høyrt det skal være eit forbod mot det i dalen...

Er det nokon som kjenner til dette? Dette forbodet skal ha kome i forbinding med utplanting av gran. Eg meinar at det er på tide at dette forbodet vert revurdert slik at det er ope for den som vil å ha dette husdyret på garden. Det kan være greit å ha dette klart før nokon eventuelt tar i bruk geiter. Det er kanskje lite sannsynleg at noken startar mjølkeproduksjon, men t.d mohair-geiter blir meir og meir populært.

Kanskje dette er ei sak for Bondelaget.

Lagt inn av Unn Frøland
11.01.2007 22:31

Stikkord

Stikkord gjer det lettare å finne fram til stoff som er i ditt interesseområde. Du kan trykkje på eit stikkord for å få fram innlegg som liknar på dette.

Kommentarar

Geit er poenget (13.01.2007 kl. 11:57)

Oj, at eg skulle kome i fagleg debatt om geita! Vi ser da også mange eksempel på at det går heilt greitt med geit i liene. Ein må ha haudet med seg her også. Det skulle vere råd å finne ut om koss dette påbodet mot geit står seg i dag og ta eit initiativ for mohair.

Enok Kippersund

Du har nok eit poeng der (12.01.2007 kl. 21:46)

Røtene er nok også med på å hindre jordskred også, men likevel hadde det vore flest fordelar om landskapet hadde vore opnare. Om geita hadde vore der lenge nok til å ta krattet, men ikkje så lenge at ho ringborka trea ville det sikkert vore ideelt.

Unn Frøland

Geit og rasfare (11.01.2007 kl. 22:38)

Som amatør på området kan eg berre vise til skulelærdom, som ligg ca 60 år tilbake i tida: I Nord-Italia var det plaga med storflaum i dei store elvane og utover slettelandet om våren. Etter kvart fekk geitene skulda, for dei snøydde liene for småskog som tok opp i seg mykje av vatnet som elles for laust nedover.

Har høyrt same teorien i samanheng med lokale dalføre med bratte dalsider og geitehald. Kanskje ikkje heilt ufarleg å la geita få snøyde heilt nedåt?

Enok Kippersund

Skriv kommentar:

Tittel:

Kommentar:
Logg inn for å kunne skrive kommentarar

Du kan registrere deg som brukar av portalen med å klikke her.