Dette fotografiet har eg fått tilsendt av kulturvernsjefen her på hjorundfjord.no - Ivar Svein Mo. Vi ser altså to like gjenstandar som vart brukt til.... Å nei, vi røpar ikkje svaret enno.
På denne oppgåva er det inga aldersgrense og vi kan også gje eit lite hint: Eg vil tru at det var mannfolk som brukte denne reiskapen, men til å lage m.a. noko som interesserer jenter i dag.
Kommentarar
Så vidt eg kan huske så brukte Larsa Ole den når han heldt på med sko, og med hesteselen. Kva han kalle den kan eg ikkje huske.
klemma eller skrustikka har ei bredde i kjeften på ca.10-12cm, og heile reiskapen er 50-60cm lang.Som eg ser så er der delte meiningar om kva den er brukt til. Kva er namnet som var brukt på ein slik reiskap er heller ikkje kome fram.
Så vi slår fast at Knut Riise har rett - han hugsa berre ikkje namnet.
Du kan tenke deg når dei sydde ei reim så måtte dei ha ei klemme å halde saman dei to lerdelane. Det same var når dei sydde sko og det er der namnet kjem frå. Lasken er den lause delen som skolesten har. Etter at skoen var ferdig så sat skolesten (den trefoten som dei forma skoen etter) fast og då måtte der være ein laus del som dei trekte opp fyrst, for å få laus den store delen, og det kallast lasken.
Den eine Laskeklove som har skruen midt på bogen er kraftigare klemmkraft enn den andre som har skruen lenger nede. Den som har største opninga er nok beregna til hesteselen.
Den som er nærmast i bilete høyrer til Asbjørn Moe på Årset og den andre kjem frå Ville og tilhøyrar i dag Anne Margrete Steinsvik.(her står det innskreve O.P.Ville 1808)