Kva er dette?

Det som er forunderleg er at den har ei skru på spissen som stikk fram, det kan ikkje ha vore eit fangstreiskap som har vorte brukt saman med hakapik? Skal ein få skruen inn i noko, så må det vere ganske mjukt - det får ein vel vanskeleg til med tømmer?

Kanskje var spissen brukt til nett det, å sjekke om tømmeret var brukandes eller ikkje?

Spissen er vridd, ja, men ikkje gjenga. Kanskje vert spissen sterkare på denne måten? Her må ein smed inn i biletet.

Dette var vanskeleg.Eg trur i allefall ikkje at dette har vore tenkt brukt i landbruket.Dette er ein reiskap som er konstruert for å drage til seg og skue ifrå seg.Spissen er nok snara, som Knut skriv for å gjere den sterkare.Slik som skaftet er innfesta, med berre nokre spikarar så treng den betre feste når det skal dragast noko tungt, så derfor den ringen som det kan festast eit tau i.Trur nok dette er ein båtshake frå den tida Ansgar sine forfedre dreiv jekte drift. Ein båtshake.

Går det an å ta ut den bolten slik at spissen vert løyst???

Har høyrdt at når folk sovna i kyrkja i gamle dager så gjekk kyrkjetenaren rundt med eit reiskap og stakk, så han vekte dei. Var det denne han brukte?

Eg trur nok denne reiskapen hadde vore i grovaste laget til det føremålet.
I skulen vart det nytta ei såkalla FERLE. Det var ein kjepp, ein straffereiskap. Det var nok noko liknande som vart nytta i kyrkja. Eg undrast på om ikkje og denne vart kalla ei ferle.
Kanskje andre event.kan seie noko om det?

Ferle ja! Der dukka det opp nokre minner frå Rekkedalskulen. Hugsa læraren vår Odd Bjørdal snakka om denne straffereiskapen som vart nytta i skulen for lenge sidan. Sikkert for å halde oss på tå hev... Synes å hugse av bileter at ferla var ein kjepp/piskereiskap ja.

Om ein var kun ute etter styrke i spissen, korfor vert den då tynnare i enden? Eg vil tru om den ville ha vore mykje sterkare om den hadde hatt lik tjukkleik. At den spissar, tydar meir på at den er laga for å trenge inn i noko - og gjerne ikkje sleppe taket så veldig fort.

Ein spiss må vel bli tynnare i enden for i det heile teke være ein spiss, viss ikkje er det vell ein butt? Uansett, når eg har tenkt meg om minner dette meg litt om opphenget til ein kole, sjølv om eg ikkje trur det er det så har tanken streifa at det er eit slags oppheng. Berre eit forslag

Etter diskusjonen vi hadde på Bellingen på Sæbø om den avbilda reiskapen, sende eg eg ein førespurnad til Norsk Skogmuseum på Elverum. I dag fekk eg dette svaret tilbake:

Hei! Vi har kommet fram til av bilde du sendte oss at det må være et redskap som brannmennene brukte. Det ligner ikke på noen fløterhake. Kjenner ikke til noen fløterhake som har vridd tupp slik som her. Båthake kan det ikke være sier ekspertise her på huset.



Håper dette var til hjelp!



Mvh



Rigmor Bye

Avd.bibliotekar

No i ettermiddag ringde også Olav Bye meg frå Norsk Skogmuseum på Elverum. Bye er magasinforvaltar. Bye opplyste at han med glede mottok slike "quizar" som dette. Han var sikker på at dette ikkje var ein reiskap som vart brukt under tømmerfløyringa. Fløytehakane var langt mindre. Nei, han meinte at Thomas Hustad har heilt rett - dette var ein reiskap brannmannskapet brukte for å kome til under sløkkinga. Og i så fall hadde denne reiskapen eit langt skaft, gjerne 3 - 4 meter. Ein måtte nemleg mest mogleg unngå dei varme flammane. Er no saka løyst?

Det måtte berre vere slik!
Thomas H. hadde sjølvsgt rett. Han er og blir den mest praktiske "bygdeoriginalen" i heile Hjørundfjord. Ja, i endå vidare omkrins!!