Forslag til Årets Bondaling

Eg meinar at "Årets Bondaling" utmerkelsen
burde ha fått seg ei pause no. Eg har all respekt for tidlegare vinnarar, men det kan ikkje ende med at alle til slutt har ein diplom på veggen. kva med å gjere det om til utdeling kvart femte eller tiande år?

..........MEN kvart år må dette likevel vurderast, og til no har det ikkje vore problem med å finne ein Bondaling som fortjener heder og ære! Sjølvsagt må me vurdere å hoppe over dette om me ikkje får nokon forslag. Men 5-10 år, Stian? Trur du ikkje Bondalingane står meir på enn som så, det er jo meir enn 2 stk som fortjener prisen i løpet av ein liten mannsalder Nokon andre meiningar om dette?

Utnemninga av "Årets Bondaling" er ein fin tradisjon. Ei kåring kvart 5. eller 10. år gjer, etter mi meining, at lista for utmerkinga vert lagt så høgt at ho misser mykje av sin intensjon. Kåringa må ikkje verte for eksklusiv. Som Unn seier: "Ein liten mannsalder...."
Ein person som gjer ein innsats, vere seg frivillig i lag og organisasjonar, eller i privat verksemd som fremjar trivsel, er kandidatar som vi framleis har fleire av.
Eg er overtydd om at nemnda vurderer godt nok om det er personar som fortener prisen.
Det kunne forøvrig vere greitt om det på portalen vart klargjort kriteria for utmerkinga. Det ville kanskje gjere det enklare for folk å sende inn forslag til kandidatar.
Stian seier at han har respekt for tidlegare vinnarar. Eg er sikker på at han vil ha det same for framtidige vinnarar. Sjølv om dei vert kåra kvart år!

Det er mange som legg ned mykje tid og krefter på å gjere noko godt - det være seg innan lag og organisasjonar, for sitt nærmiljø og for andre. Mykje erbeid er gjort i det stille utan at det eigentlig vert lagt merke til.
Om ein tenkjer seg om veit ein nok om fleire som legg ned mykje tid og arbeid for at Bondalen skal være ein god stad å bu, med godt kulturtilbod og godt nærmiljø.
Kanskje er det ikkje så vanskelig å finne gode kandidatar?
Lukke til med arbeidet Siw og Unn

Trur kanskje ikkje kåring kvart 5. eller 10. år er vegen å gå, men utgangspunktet må jo vere at prisen skal vere fortent. Er det mangel på gode kandidatar eit år, så meiner eg at prisen ikkje nødvendigvis treng delast ut. Uansett så er det mange eldsjeler som har gjort ein framifrå innsats for lokalmiljøet lenge før "Årets bondaling"-prisen såg dagens lys. Nokre av dei tidlegare prisvinnararane har vel ôg fått prisen ikkje nødvendigvis for innsats som dei har gjort akkurat det aktuelle året prisen vart utdelt, men meir på bakgrunn av innsats over ei lengre periode. Vi kan jo dra ein parallell til Ørsta kommune og utdelinga av byggeskikkprisen. Denne starta i si tid som ei årleg utmerking, men nokre år vart denne prisen ikkje delt ut nettopp på grunn av mangel på gode kandiadatar. Eg er i alle fall overtydd om at det for 2006 vert kåra ein verdig vinnar med bakgrunn i alt det positive som har skjedd i Hjørundfjorden. Til dømes innsatsen leiinga i Bygdemobiliseringa for Hjørundfjorden har lagt ned, ikkje minst i arbeidet med denne portalen.