Fjell-quiz

Trur at det er Saksa

Flott utspel. Med det same: Same fjell har ofte fleire namn (og ulike form) alt etter kvar ein ser det ifrå. Finst her fjell kjende under fleire namn? Eg ser Synnøve Louise har tippa Saksa, - kvar ligg det?

#;-)

Fjellet ligg på vestsida av Hjørundfjorden, meir kan eg ikkje seie så langt. Eg nemner likevel at antan du køyrer frå Volda, eller frå Ørsta mot Hjørundfjorden, ser du fjellet/fjella.

Eg og Arve trur det må være Klovtind sett frå Rognestøylsida...?

Dette er nok Rognestøystindane og høgst ragar Kubben. I framgrunnen på høgre side har vi Kollefjellet.

Ja, det markerte fjellet er nok ein del av Rognestøylstindane, men Kubben er nok lenger inne. Eg kan ikkje sjå anna enn at Linda og Arve har heilt rett - det er Klòvtinden (eller Klòvtindane, som eg har høyrt nokre seie) vi ser på dei to bileta. Det siste bilete i artikkelen er teke med ei telelinse frå Krøvelseidet, det første frå riksvegen på Bondaleidet. Dersom du ser langt og litt til høgre i det du kjem opp frå Krøvelseidet frå Voldasida, ser du desse to markerte toppane. Klòvtinden er lettast tilgjengeleg frå Årsetsida i Kvistaddalen der den ligg rett over "mi" seter - Årsetsetra. I alle høve dersom du er småbarnsmor eller småbarnsfar bør du ikkje gå på den høgste/innste av dei to toppane utan sikringsutstyr sjølv om eg veit det er gjort. Den lågaste av dei to toppane er fin å gå på både sommar og vinter både for yngre og eldre. Det er t.d. langt vanskelegare å gå på Grøtdalstinden.