Eg er ganske fersk i faget, og har ikkje tort å plukke anna enn kantarell før, eller kanturell som ungane seier, og sidan kantarell-sesongen byrjar å avta kan det vere greitt å ha med ein proff som kan lære oss andre sortar, for me vil no ikkje gjennom noko dialyseprogram....
Her er eit bilete av ein vanleg kantarell
Rett nok fann me ikkje så mykje kantarellar, men piggsopp og traktkantarell var der mykje av. Sopp- konsulenten seier at om ein skal plukke piggsopp er det lurt å ta med kniv og ein børste. Først børstar du av soppen, så skjer du den litt opp for å sjekke om det er gått makk i han, det er også lurt å ha ei korg å plukke i og gjerne nokre boksar oppi så du har høve til å sortere
Piggsopp
Neste sopp me lærte var trakt-kantarell, dei ser ut som vanlege kantarellar, men er mindre og mørkare, og skal ha den karakteristiske trakta oppå hatten.
Traktkantarell
Det var ikkje så lenge me plukka, men fangsen var me godt nøgde med:)
To blide jenter på sopptur
Når ein så kjem heim med soppen kan det være lurt å reingjere den og forvelle den, så kan den puttast i frysaren og brukast i sauser og supper eller som den er godt steikt i lag med kjøtt. Nam-nam.......
P.S Me røper naturligvis ikkje plassen