Solnedgang i Standalfjella

Solnedgangen i Standalfjella er vel noko av det vakraste ein kan sjå i Hjørundfjorden, og det er også vanskeleg å få teke eit bilete som skildrar skjønnheta skikkeleg. Denne gongen syns eg likevel at eg har vore heldig med bileta.

Sola skaper eit heilt utruleg lys som spelar seg i skylaget, og det ser nesten ut som om ein storbrann herjar i fjella. Dette er nok noko Standalingane misunner oss.

Om ein spør ein Trandaling eller Standaling om kva ein misunner nabobygda har det alltid vore det same svaret; "Utsikta!". Akkurat denne dagen var eg tilbøyeleg til å svare "Ingenting".

Dette er Hjørundfjorden på sitt vakraste!

Solnedgang i Standalfjella er eit vakkert skue

Lagt inn av Tor Eirik Trandal
29.08.2006 11:50

Stikkord

Stikkord gjer det lettare å finne fram til stoff som er i ditt interesseområde. Du kan trykkje på eit stikkord for å få fram innlegg som omhandlar temaet.