Borte bra, men heime best?

Hjørundfjorden er perla – det kan vi alle einast om. Men er det likevel slik at det er her vi bør vere heile tida. Nei, for gjennom historia viser det seg at hjørundfjordingane har utferdstrong. Det er det ikkje noko gale med. Å utforske verda gjev impulsar og livsgneist. Under kjem nokre reisetips.

Kenya:

Opplev verdas kanskje flottaste villmark i Masai Mara. Her kjem du tett innpå dyrelivet du berre drøyme om å oppleve. Her er elefantar, løver, gepardar, bøflar og flodhestar. Det å vere i Masai Mara gjev deg ei enorm fridomskjensle. Viss du skal dit, sats på å reise med billegbillett til Nairobi, og kontakt lokale safarioperatørar. Då sparer du tusenvis av kroner.

Berlin:

Kanskje den viktigaste byen i Europa akkurat no. Det vert satsa milliardar i byen. Byen vart bomba øde under den andre verdskrigen, og den delte byen etter krigen gjorde det ikkje betre. Etter at Berlin-muren fall, har byen vorte hovudstaden i eit samla Tyskland – og kanskje Europa? Sats på norwegian.

Den franske riviera:

Cote de Azur er fantastisk. Rivieraen har kanskje rykte på seg for å vere dyr og eksklusiv, men det finst unnatak. Ta utgangspunkt i Nice, og leit deg rundt. Alle flyselskap har rimelege turar til Nice, eventuelt Marseille.

Hammerfest og Alta:

Kvifor ikkje reise i Nord-Noreg. Hammerfest og Alta er nær geogrrafisk, men så ufatteleg ulike likevel. Alta er i Europa, Hammerfest er i Arktis. Reis og sjå sjølve.