Knut Hustad
20.02.2014
Timelapse frå Sæbønestua
Takka vere Erlend Hustad Honningdalsnes har Sæbønestua no fått sin eigen timelapse...
Artiklar frå Februar 2014 i Natur
Stig J. Helset
13.02.2014
Slogen frå fjorden - om vinteren
Sommaren 1903 kleiv dei skarpskodde engelske fjellklatrarane W. Norman Ling og Harold Raeburn Slogen direkte frå fjorden. Raeburn var ein av dei fremste alpinistane i verda i si tid, seinare kjend for å ha vore med på den store Everest-ekspedisjonen til Mallory på 1920-talet. I boka “Tindekliv på Sunnmøre” skriv den lokale klatrepioneren Dagfinn Hovden at Slogen frå fjorden utan jamføring var “den lengste og vanskelegaste klatreruta som var kliva i Noreg” i 1903, og Raeburn skreiv sjølv at ho kravde “langt meir enn det krevst på den Italienske eller Schweitsiske sida av Matterhorn”. For underteikna har det lenge vore ei målsetjing å fullende prosjektet til engelskmennene og seinare lokale pionerar ved å vinterklatre dei gamle rutene og pinaklane i Sunnmørsalpane. Slogen frå fjorden om vinteren synte seg å vere det mest krevjande av dei alle. Vi trengte heile tre freistnader før vi endeleg lukkast den 8. februar 2014.