Hjørundfjordportalen » Lokalt
Per Urke
09.07.2009
Det er kort avstand mellom naboane i eit klyngetun. På mange måtar er det praktisk når det gjeld å finne enkle løysingar for felletiltaka. Etter kvart som utskiftingane kom, vart klyngetuna borte. Men på Ytre Urke har det aldri vore ei slik utskifting. Fem gardar høyrer med under Ytre-Urke. Tre av tuna ligg i tett klynge.
Knut Hustad
16.12.2007
Rett over nyttår startar endeleg datakurset for nybyrjarar på Sæbø skule. Det er Anders Roald(t.h.) som vert kursleiar. Og kurset vert slett ikkje kostbart...
Hjørundfjordportalen Administrator
21.11.2007
Fylket startar opp prosjektet Tilflytting og rekruttering 2017 (TIL 2017). I dag og i morgon er det oppstartseminar i Molde. hjorundfjord.no er invitert og deltek ved Knut Hustad…
Per Urke
05.11.2007
Her kjem del 2 i framhaldssoga om Underverket i Langsæterdalen. Torstein Urke sin stein frå gropa på Steinreset skal underleggast sakkyndig vurdering!
Eg møtte i dag i klubblokalet til Ålesund og Omegn Geologiforening og vart presentert som gjest i medlemsmøtet av leiar Siw Brandal Godø. Ho referete bakgrunnen for saka ved å gå gjennom Hjørundfjordportalen sitt oppslag 30.10. For anledninga hadde ho engasjert foreninga sin spesialist, Einar Fivelsdal, som skulle sjå steinen for første gong i tillegg til at han skulle halde ei orientering om kalk / kalsitt.
Rune Sæbønes
29.10.2007
- På bygdene er det ofte slik at det vert skapt gode ungdomstilbod, men som kanskje passar best for gutar. I Hjørundfjorden er det gode tilbode viss ein skal spele fotball, drive med fiske, spele paintball eller ha dataparty. No spelar jenter fotball, og vi kan fiske også, men vi skulle ynskt at ein også tenkte meir på tilbod for jenter.
Det sa femtenåringane Tonje Urkegjerde og Tiril Holen under nettverkssamlinga for bygdemobiliseringar på Sæbø i laurdag. Dei stal showet.
Hjørundfjordportalen Administrator
27.10.2007
Denne helga er fleire bygdemobiliseringsprosjekt samla på Sæbø. Vi er einige om ein ting. Bygdemobilisering er galskap.
Hjørundfjord bygdemobilisering
22.10.2007
Komande fredag og laurdag skal bygdemobliseringane i Møre og Romsdal treffast på Sæbø. Hjørunfjorden bygdemoblisering skal være vertskap.. Bilete til h.er Sæbø frå fjorden
Per Atle Røe
08.10.2007
Det er mange gode grunnar til å satse på etablering av nye gardstilknytta klyngetun. Klyngetuna kan styrkje busetjinga i ei grend eller bygd, og skape gode bukvalitetar for både born og vaksne. Fortetting i nærleiken av eksisterande bygningar kan også sikre samanhengande jordbruksområde og kulturlandskap. Klyngetuna kan i tillegg vere grunnlag for næringsutvikling på gardane. Nye bustader i nærleiken av gardstun kan også gje fleire menneske nære band til landbruket.
Knut Hustad
02.10.2007
Område for klyngetun - det må vi finne både på Bjørke og Leira. Det meinte dei alle som var tilstades under synfaringa sist fredag...
Hjørundfjord bygdemobilisering
18.09.2007
Dersom du ynskjer å lære meir så kan Bygdemobliseringa hjelpe til med eit stort eller lite kurs i bruk av data! Kursplass Sæbøskulen, men kva er behovet?
Rune Sæbønes
31.08.2007
Når Åkerneset i Storfjorden rasar ut i sjøen, kan det føre til fatale følgjer også i Hjørundfjorden. Ei internasjonal forskargruppe har konkludert med at ei flodbølgje med fire meters høgde kan velte over Sæbø. Fredag var ordførar Hans-Olav Myklebust (biletet)på Sæbø for i første omgang å orientere Møre-Nytt om den nye situasjonen.
Hjørundfjord bygdemobilisering
31.08.2007
I morgon laurdag 1.september kl.11.00 starter vi med dugnad langs elverampa i trinn 2, Rise-Kvistad bru.
Bilete til høgre er frå dugnaden i fjor på Rise.
Per Urke
30.08.2007
Hjørundfjord Sogelag og Kulturvernelaget avvikla si årlege kulturvandring til gardane på Stenes ved Norangsfjorden 19. august. 150 møtte og det vart trangt og triveleg...
Hjørundfjordportalen Administrator
25.08.2007
Hjørundfjordportalen inviterer med dette dei politiske partia til å kome med innlegg på hjorundfjord.no. Vi ynskjer særleg at partia skriv om hjørundfjord-saker, men vi er såpass utoverretta at vi ser at saker som gagnar Ørsta og regionen, også gagnar oss.
Hjørundfjordportalen Administrator
20.08.2007
Bjørkefolket kan no få utført banktenester og bestille kolonialvarer på Sæbø tysdagane. Båten tek gjerne med seg varer frå Sæbø til Bjørke.
Per Urke
05.08.2007
Det er tempo over utbygginga av kraftverket på Urke.
Stopp opp og titt på planane...
Hjørundfjordportalen Administrator
21.07.2007
Det var interessant å høyre om jakta på den tapte skatten omlag 100 meter aust for Urkekaia.
Eg har nettopp fått avfotografert eit par bilete som viser flyet slik det låg på Iva-plattingen i mange år etter krigen...
Enok Kippersund
07.07.2007
Sommar og moro for små og store på Bjørke Sommarfestival! Innbyding og førebels program er å finne på http://prillarguri.wordpress.com
Vel komen! Vel koma! Vel komne!
Hilde Muren
30.06.2007
I dag var den store dugnadsdagen i Sæbø. I sentrum vart både sentrum og kyrkjemuren rydda. På Flatneset vart kabelTv-anlegget sikra. Vi fordelte ressursane mellom oss, og gjett om det vart gode resultat!
Rune Sæbønes
28.06.2007
Det vert tre daglege avgangar til og frå Ålesund med Fjordabåten til CruiseService i sommar. Den 1. juli startar båtruta opp att, og ho vil gå fram til 15. august. Alle dagar med ny ekstra kveldsrute. Nytt av året er også at båten stoppar på signal/føreåttinging på Urke, og andre stader på ruta der folk t.d. har vore på fjellturar.
Hilde Muren
27.06.2007
På søndag startar skyssbåten frå Ålesund opp sommartrafikken, og vi håper mange turistar tar turen til Sæbø. Då gjeld det å presentere eit vakkert Sæbø sentrum, og Sæbø grendalag og Hjørundfjord Bygdeutvikling byr inn til stordugnad i Sæbø sentrum.
Rune Sæbønes
20.06.2007
Hundre raude telefonkiosker kring om i heile landet er no sikra vern og vedlikehold for framtida. Mellom dei hundre kioskane er Prillar-Guri på Bjørke og telefonkiosken i Barstadvik.
Knut Hustad
17.06.2007
Mange har allereie kjøpt Hjørundfjorden og hjorundfjord.no sine eigen t-skjorter. Vil du ha ei? Bur du på Austlandet, Vestlandet, Sørlandet eller i Nord-Noreg? Ingen problem...
Hilde Muren
11.06.2007
Tirsdag 7juni møttest representantar for Hjørundfjord bygdeutviklinga for å drøfte vidare tiltak i Sæbø sentrum. Vi fekk mange innspel på artikkel på portalen, medan forslagskassa var tom. Under vil eg kort skissere kva nemnda drøfta.
Knut Hustad
08.06.2007
På jomfruturen til bilferja MF "Fjord Øye", fekk i dag 40 passasjerar oppleve Hjørundfjorden på sitt vakraste...
Knut Hustad
01.06.2007
Vi har vente i spenning - vil hjorundfjord.no og heile Hjørundfjorden si eiga t-skjorte verte ferdig til Hjørundfjorddagane? No er ho her - i ulike variantar...Foto: Knut Arne Aarset, Sunnmørsposten.
Rune Sæbønes
31.05.2007
Den nye skyssbåtkaia på Sæbø er teken i bruk. Både M/S Hjørundfjord og Cruise Service sin Nordic Sky har brukt kaia. Enno er ikkje kaia heilt ferdig, men dei siste detaljane kjem raskt på plass.
Hjørundfjord bygdemobilisering
31.05.2007
Brosjyren er no ferdigtrykt og klar for bruk. Han er meint å vere ein apetittvekkar for alle interesserte i fjorden, tindane, kulturen og folket. Brosjyren har ingen adresser eller telefonnummer til produktleverandørar, berre til hjorundfjord.no.
Bygdemobiliseringa vil på denne måten prøve å skape eit samspel med portalen slik at det er heimesida som eigentleg er hovudbrosjyra. Der skal vi gjere produkta våre attraktive og tilgjengelege. Der skal kundane få nok og så god informasjon at Hjørundfjorden kjem med i deira framtidige reise- og ferieplanar.
Hjørundfjord bygdemobilisering
28.05.2007
Hjørundfjorden Bygdemoblisering skal arbeide for trivsel,bulyst og næringstiltak i Hjørundfjorden. Styringsgruppa held møte i morgonkveld tysdag 29.mai på Bondalens grendahus kl.20.00. For at vi skal kunne arbeide målretta framover er vi avhengig av innspel frå dei unge i bygdene....
Bilete t.h.er frå sist møte på Haukly på Bjørke. Her hadde vi besøk av varaordførar og Liv Bente frå Landbrukskontoret.
Knut Hustad
26.05.2007
I går, fredag den 25.mai, kom den nye flytebrygga på plass på Sæbø. Om kvelden same dag kunne Brit Østgård og ektemannen hennar glede seg over å få ta den nye skyssbåtkaia i bruk - som dei første...(Foto: Hilde Muren)
Hilde Muren
24.05.2007
Utfyllinga av strandlinja på begge sider av Lisjeelva er snart ferdig. Etter å ha venta i fleire tiår på at noko skulle skje, skjedde mykje veldig fort. I løpet av nokre få dagar har Sæbø sentrum vakse med mange kvadratmeter, og det store spørsmålet er: Kva gjer vi her? Hjørundfjord Bygdeutvikling ber om idear og innspel frå bygdefolket, bruk gjerne portalen eller forslagskassa til Grendalaget (på Bellingen).
Knut Hustad
22.05.2007
I dag starta utfyllinga av området sør for den nye skyssbåtkaia på Sæbø...
Rune Sæbønes
15.05.2007
Har du merka ei endring på hjorundfjord.no siste veka?
Ja, lesarane har alltid rett. Vi har lagt inn reiselivet på topp. Det har samanheng med den nye Hjørundfjord-brosjyren, som Hjørundfjord Bygdemobilisering gjev ut i samarbeid med reiselivsbedriftene i fjorden.
Hjørundfjord bygdemobilisering
09.05.2007
Hjørundfjord bygdemobilisering presenterte prosjektet sitt på Geirangerkonferansen tysdag 8.mai. Geirangerkonferansen vert arrangert av landbruksavdelinga i Møre og Romsdal fylke, og er for landbruksavdelingar, sentraladministrasjonar og politikarar frå heile fylket.
Knut Hustad
03.05.2007
Så er 30 års venting over. I dag starta utbygginga av den nye småbåthamna som vert plassert mellom Sagafjord Hotell AS på Sæbø og elveosen på Hustad...
Astrid Hustadnes Wille
29.04.2007
Råsa til Lisjehauen og Tua ved Hustadneset er ei rås som aldri har vore oppmerka. Mykje bjørkaskog gjer att råsa lett gror att.
I dag tok Astrid Hustadnes Wille og Anders Hustadnes tak i arbeidet med å reinske råsa for velta bjørkaskog og oppmerking.
Knut Hustad
17.04.2007
Sæbø får ny skyssbåtkai. Det er Holen Sand- og Grustak A/S v/Ansgar Kvistad og Gunnar Stokke som utfører første del av arbeidet...
Rune Sæbønes
08.04.2007
Kring 200 var med på Skattejakta søndag, og då i vesentleg betre ver enn under snøstromen fredag. Ola Sæbønes (biletet) som eldste deltakar og dei andre gjekk søndag fram den opprusta rampa, og ned att via Gamle-Rise. Spørsmål og svar for begge dagar ligg inne på denne saka.
Knut Hustad
27.03.2007
- Saman vert vi ein tung aktør i reiselivsmarknaden, seier Per Olav Moldvær i Cruise Service AS...
Hjørundfjordportalen Administrator
23.03.2007
Onsdag den 21 mars var det sikkert ein del som lurte på kva som føregjekk. Kommuna og bygdemobliseringa hadde synfaring ilag med Vegvesenet for å sjå på dei vanskelege trafikkforholda, gjennom Sæbø sentrum.
Bilete t.h:Kjell Otto Holen i framgrunnen.Bak (Skjult)Siv Sundgot og Nils Bjørdal. Til høgre Gunnar Wangen og planleggar John Fylling.
Hjørundfjordportalen Administrator
21.03.2007
- Då vi i 2005 sette ned ei nemnd for å få ny gymnastikksal på Sæbø skule, trudde vi at vi var veldig optimistiske viss vi fekk byggjestart i 2008. No kan det sjå ut som om det vil skje, seier Tore Stokke, medlem i nemnda som arbeider for ny gymnastikksal på Sæbø skule.
Hjørundfjordportalen Administrator
16.03.2007
Hjørundfjord bygdemobilisering seier nei til sjøbasert fiskeoppdrett i Hjørundfjorden i sin merknad til kystsoneplanen. Bygdemobiliseringa legg elles vekt på at landbruket framleis må ha vekstvilkår.
Knut Hustad
21.02.2007
I går og i dag har det blitt uført naudsynte reperasjonar på ferjekaia på Sæbø...
Knut Hustad
08.02.2007
- Intensjonen er klar, ny skyssbåtkai på Sæbø skal vere klar til sommaren. Det er Svein Silseth(t.h.) i Ørsta kommune som seier dette til hjorundfjord.no.