Mjølkevegsystemet
Mjølkevegsystemet har ein diameter på ca 100000 lysår og inneheld mykje over 100 milliardar stjerner. Mjølkevegsystemet er ei spiralgalakse og solsystemet vårt befinn seg i ytterkanten av Mjølkevegen, rettare sagt i den arma som kallast Orionarma. Sola ligg ca 30000 lysår frå sentrum av galaksen.

Dette er Mjølkevegen.Den er ei spiral galakse.

Galaksa vår er ei av ca 20 andre galaksar i ei galaksehop som vi kallar "Den lokale gruppa." I "Den lokale gruppa" er det både elliptiske, spiralforma og irregulære galaksar.

Vi kjenner til mange andre galaksehopar enn "Den lokale gruppa."
Nokre av desse er mykje større enn den vi tilhøyrer. I stjernebiletet Perseus ligg ei av dei største, med fleire hundre galaksar.

Andromeda galaksen
Andromeda galaksen er ein spiral galakse, og er den fjernaste himmellekamen i universet som er synleg frå Jorda med det blotte auget. Den har minst sju spiralarmar og lignar på vårt eige Mjølkevegsystem.

Galaksen ligg omlag 2,3 millionar lysår vekk og er nesten 1 ½ gong så stor som Mjølkevegsystemet. Den inneheld omtrent 300 milliardar stjerner. To små elliptiske satellitt- galaksar går i bane rundt Andromeda galaksen, M32 (NGC221) og NGC205.

Galaksetypar-Spiralgalaksar
Spiralgalaksar er flate og har ei sentral kjerne som spiralarmane går ut frå. Spiralarmane lyser opp, fordi dei inneheld mange unge, varme blå stjerner.
Den sentrale kjerna kan vere stor eller lita, og armane kan vere meir eller mindre samanfiltra. Dette kan brukast til ytterlegare inndeling av spiralgalaksane:

Sa: stor sentral kjerne og veldig samanfiltra armer.
Sb: mindre sentral kjerne og ikkje så tette armer.
Sc: lita sentral kjerne og meir laussleppte armer.

Stangspiral galaksar
Stangspiral galaksane liknar veldig på spiralgalaksar, men dei har ei stang som går gjennom kjerneområdet og som spiralarmane går ut i frå. Inndelinga liknar veldig på spiralgalaksane:

SBa: veldig samanfiltra armer og eit stort sentralt kjerneområde med ein tydeleg stang.
SBb: ikkje fullt så tette armer og mindre sentral kjerne og stang.
SBc: laussleppte armer og ei lita sentral kjerne med kun ei lita stang

Elliptiske galaksar
Elliptiske galakser skil seg ut frå dei andre ved at dei ikkje har nokon spiralstruktur. Galaksane vert inndelt etter kor runde eller flate dei er. Typen E0 er dei rundaste og E7 er dei flataste.

Elliptiske galaksar kan innehalde alt frå nokre millionar stjerner til hundre milliardar stjerner. I elliptiske galaksar er der ikkje så mykje gass og støv i mellom stjernene som i andre galaksar. Dei store elliptiske galaksane finn vi i sentrum av galaksehopane.

Irregulære galaksar (uregelmessige galaksar)
Dei irregulære galaksane passar ikkje inn i nokre av dei andre kategoriane. Eit slikt eksempel er dei magellanske skyane.

Her er ei liste over kva slags galaksar som er mest observerte:
Spiral og stangspiral galakser 77%
Elliptiske galakser 20%
Irregulære galakser 3%

Magellanske skyer
Dei Magellanske skyane er våre næraste naboar i "Den lokale gruppa."Den store og den vesle Magellanske sky kan sjåast med det blotte auge frå den sydelege halvkula.

Den store Magellanske sky ligg 170 000 lysår borte og har ein diameter på ca 30 000 lysår, og inneheld ca 10 milliardar stjerner

Dette er den store Magellanske sky. Den er ein irregulær galakse.

Avstanden til den vesle Magellanske sky er ca 200 000 lysår. Den inneheld ca 1 milliard stjerner og har ein diameter på omtrent 15 000 lysår.
Begge galaksane er irregulære og har liten struktur.
Dei to Magellanske skyane er innehylla i eit belte av gass i hurtig rørsle. Den er kalla "Den Magellanske straum". "Den Magellanske straum" strekkjer seg også over Mjølkevegsystemets sydpol.

Laga av:Annelinn, Lars & Bjørn Ove.