|
Nazismen
Nazisme
er ein ideologi som er utvikla av det tyske partiet "Nationalsozialistische
Deutsche Arbeiterpartei" (NSDAP) som sat med makta i perioden
1933-1945. Dette partiet trudde på ein sterk leiar. Leiaren
blei Hitler, på grunn av hans gode evner som talar. I 1933
fekk NSDAP makta i Tyskland, og Hitler blei diktator.
Politikk
Etter første verdskrig var folk i Tyskland leie av krig og
fattigdom og ville at noko skulle skje. Nazipartiet visste kva dei
ville og dei hadde sett seg klare mål. Dette er kanskje ein
grunn til at nazipartiet fekk så stor oppslutning, men det
var mange folk som berre stemte på partiet fordi dei var redde
for det.
Nazipartiet
hadde ein del hovudpunkt i politikken sin. Her er nokre av dei:
- Tyskland skulle
få betre økonomi
- Alle skulle få arbeid
- Jødane skulle utryddast
- Landa aust for Tyskland skulle erobrast og leggast inn under det
tyske riket. Menneska i desse landa skulle gjerast til slavar for
tyskarane.
- Funksjonshemma skulle bli fjerna.
- Tyskarane skulle bestemme over andre folk.
Som du kanskje
ser av punkta ovanfor hadde nazistane liten toleranse for framande
og funksjonshemma folk. Dei hadde ein antisemittisk politikk og
ville ta over store område. Desse områda blei utvida
til å gjelde heile verda seinare. Mottoet til nazistane var
"Eit rike, eit folk, ein førar".
Nazipartiet
stod for nesten det motsette av det sosialistpartiet stod for, sjølv
om Hitler hadde vore medlem i sosialistpartiet før han starta
i nazipartiet.
Nazistane meinte
at tyskarane var ei rase som var laga for å herske over andre
raser. Hitler sa at den ariske rasa var den øvste av alle
raser og resten var underlegne. All makt skulle ligge i diktatoren
sine hender. Rettane til folk blei fordelt etter rase, hudfarge
og kva land dei kom i frå.
SA
Då Hitler vart leiar av nazipartiet laga han si eiga private
hær kalla Sturm Abteilung (også kjend som brunskjortene).
Desse brunskjortene skulle forstyrre møta til politiske motstandarar
og verne Hitler mot angrep. SA soldatane brukte grå jakker,
brune skjorter (som eigentleg var meint for soldatar i Afrika, men
vart kjøpt opp av nazipartiet), tjukke ullestar og kampstøvlar.
Raselæra
til nazismen
I 1924 sat Hitler nokre månader i fengsel etter eit mislukka
kuppforsøk. Det var då han skreiv boka " Mein
Kampf" som skulle bli nazistane sin bibel.
I nazismen blei det sagt at nokre personar var mindre verd enn andre,
såkalla "undermenneske". Desse "undermenneska"
var blant anna jødar, sigøynarar, kommunistar (nazistane
var sterkt imot kommunismen), homofile, funksjonshemma, osv. Dei
meinte også at den ariske rasa var den einaste rasa som hadde
rett til å styre verda. Det som kjenneteiknar den ariske rasa
er blondt hår og blå auge.
Jødehatet
I byrjinga av 1900- talet var det ein god del antisemittisme i Europa.
Dette blei ofte reflektert i talane til Hitler. Det blei sagt at
det var jødane si skuld at Tyskland tapte første verdskrig,
og i følgje Hitler var jødane skuld i alt han ikkje
likte som skjedde i verda. Hitler meinte også at jødane
hadde inngått ei avtale med kommunistane om å ta over
verda. Han brukte spesielt boka "Mein Kampf", som han
sjølv hadde skrive, mot jødane.
Etterord
Seks millionar jødar blei drepne i andre verdskrig. Dei folka
som dyrkar denne ideologien i dag kallast for nynazistar og er blant
dei som ikkje har sett alvoret i denne situasjonen. Dei er ofte
utan familiekontakt og utdanning og går derfor inn i nazimiljøet.
Nynazisten hater folk med anna tru og bakgrunn enn det dei har sjølve.
|
