Folklore 

Etter at vi hadde gått lenge for oss sjølve i Krakow, gjekk vi inn på hotell Pollera til folkloreaften. Først fekk vi servert grønnsakssuppe til forrett, etterpå fekk vi servert svinekjøt. Då alle var ferdige med å ete, kom det inn ei stor gruppe med dansarar kledd i polske folkedrakter.

Det var utruleg morosamt å sjå alle folka danse til denne rare, men underhaldande musikken. Det eg opplevde her under denne folklore dansen, trur eg ikkje eg kjem til å oppleve igjen.

Først dansa dei masurka, dette er opprinneleg ein polsk dans i tredelt takt og forholdsvis roleg tempo. Denne dansen kjem i frå Mazury (Masuria) i den nordaustlege delen av Polen. Seinare kom dansen til Tyskland midt på 1700 talet, og via Paris og London også til Norge snaut 100 år seinare.

Deretter dansa ein av dei mannlege polske dansarane ut mellom alle tilskodarane og slo dei på skuldra med ei kjegle. Alle som blei truffe av denne kjegla skal få oppleve å kome tilbake til Krakow seiest det. Til slutt gjekk dei polske dansarane rundt og plukka ut elever som dei baud opp til dans.

Her er ein av dei som dansa då vi var i Polen. Dei var veldig flinke til å danse. Eg vart veldig imponert over det eg såg. Denne mannen spelte på fiolin og song ilag med dei andre dansarane.

Laga Av Daniel Vaage