Det bur i underkant av 40 mill. menneske i Polen i dag, og av desse er omkring 99% polakkar med minoritetar av tyskarar, ukrainarar og russarar. Polen var det landet som leid dei største tap av menneskeliv under den andre verdskrigen, og folketalet blei redusert frå 35 million i 1939 til 24 million i 1946. Som eit resultat av krigen blei over 90% av jødane utrydda.

Det religiøse livet i Polen er veldig levande og religionen står sterkt. Rundt 95% av folket høyrer til den romersk-katolske kyrkja.Paven, Karol Woyjtala, var faktisk biskop og kardinal i Krakow inntil han blei den øvste leiaren i Vatikanet.

KRAKOW:
Polens tredje største by, Krakow, ligg ved elva Wisla i den sørlege delen av Polen. Krakow er kjent som eit jernbaneknutepunkt, handels- og industrisenter.I Krakow er det 744 800 innbyggarar.

Krakow har kanskje opplevd meir historie enn nokon annan polsk by har gjort, men samtidig klart å bevare mykje av sin historiske bygningsmasse.Som ved eit mirakel unngjekk byen å bli bomba under andre verdskrigen. Krakow har derfor heile tida vore eit midtpunkt for lærdom og vitskap, for kyrkja og for kunst og kultur. I byen finst det derfor ei rekke kultur- og utdanningsinstitusjonar, td. det Jagellonske universitet som blei grunnlagt i 1363.

Byen har mange vakre bygningar. Midt i gamlebyen ligg Mariakyrkja som blei bygd i 1222. Kyrkja med to tårn er lett å få auge på der ho ligg i utkanten av den store marknadsplassen. Mariakyrkja er kjend for sin fine arkitektur, kyrkja er full av utsmykkingar som var utruleg vakre. Skulptur og målarkunsten har ofte religiøse uttrykk, og mykje av det finn vi igjen i kyrkja.Der er eit praktfullt alterskap av Wit Stwosz samt kunstverk av Peter Vischer.Alterskapet av Wit Stwosz er eit av hovudverka i polsk middelalderkunst. Stwosz blei fødd i 1929 og er kjent for slåande og mystiske bilete som er drøymande i sin framtoning, og han går for å vere Polen sin beste kunstnar.

Rynek Glowny, det såkalla "Stortorget", er byen sitt midtpunkt og er nokså urørt sidan 1300-talet. Her ligg Kleshallen eller marknadshallen som er 120 meter lang. Her er det mange små og store boder der ein kan få kjøpt det meste innan handverk som td. handskorne sjakkbrett og figurar, handstrikka ullgensarar og luer, rimelege dukar, skor, sølvtøy, vesker, polsk glass og krystall.

Gamlebyen er omgitt av eit parkområde som er lagt der dei tidlegare festningsmurane og vollgravene låg. Eit par festningstårn står att også, blant anna Barbakan frå 1505 framfor byporten Brama Florinska.

På kalksteinsklippen Wawel ligg katedralen, den polske kroningskyrkja,som vart bygd mellom 1322 og 1363. Her finn vi også dei polske kongane og nasjonalheltane sine graver, og det gamle kongeslottet som no er museum. Borggarden framfor slottet er utruleg vakker.

I byen kan ein leige små golfbilar med sjåfør. Sightseeingsturane rundt i byen kunne vare frå 15 min til nesten 60 min.Det verka som prisen varierte frå sjåfør til sjåfør,og kor mange passasjerar det var. Ei gruppe med jenter som smiska litt, kunne ein få ein tur for 5 zloty per person. Mens andre måtte betale 80 zloty for ei gruppe på fem. Kor fort ein ville det skulle gå, og kvar ein skulle køyre kunne ein diskutere og forandre på etter kvart, noko som vi gjorde.

Den polske maten er kraftig , men fattig på grønsaker. Typiske krydder i polsk mat er dill, merian, karve og sopp, men salt er dei forsiktige med. Populære rettar er bigos, som består av saus og kjøt, og rødbetesuppe som vert kalla barszcz. Noko eg sjølv la merke til som var vanleg, var kål med ein sur- søt dressing. Dette vart ofte brukt til all type middagsmat.

Dagane i Polen og dagen i Krakow gjorde at eg fekk eit godt innblikk i tradisjonar, vart kjend med nye stader og lærte litt om ein annan kultur. Alt dette lærte eg mykje av .Blant anna det å lære å kjenne nye menneske og historia deira, og gjennom det kanskje skjøne litt meir om kvifor dei er slik dei er, på grunn av historia til landet.

Marknadsplassen med Maria Kyrkja i bakgrunnen.

Kunstgalleriet ved byporten.

Marknadsplassen med kleshallen til høgre og tårnet til gamle rådhuset .

Wawelslottet

Sightseeings bil i gamlebyen i Krakow.