|
Det
første vi spurde Knut Åmås om, var kva
driftsleiar-stillinga innebar. Då fekk vi dette svaret:
Den inneber at eg har ansvar for drifta av Hjørundfjordheimen,
det er også medrekna heimesjuketenesta i Hjørundfjord.
Eg har og ansvar for økonomien her på heimen,
pasientinntak og kven som får arbeide her.
Kven er arbeidsgjevaren din, spurte vi. Ørsta kommune
er arbeidsgjevaren min, svara han.
Kva
utdanning har du, og kor lenge har du studert? spurte vi.
Knut seier at han har sjukepleiarutdanning, eit år diakonutdanning,
½ år med administrasjonsutdanning, ½ år
sosialpedagogikk og to år med distriktshøgskule.
Det neste vi lurte på var kor lenge han hadde arbeidd
her, han
svarer at han ikkje har hatt denne stillinga heile tida medan
han har vore på Hjørundfjordheimen, men denne
stillinga har han hatt i omlag 4 ½ år.
På
spørsmålet om han har tariffavtale, svarar han
ja. Den vert berre gjort ved lokale forhandlingar, legg han
til.
Vi lurte på kva arbeidstid han har. Han arbeider 37
½ time i veka og arbeidstida per dag er frå kl.
7:30 til kl. 15:15.
Det førre spørsmålet bring oss inn på
det neste, om kva han får i lønn, og om han er
nøgd med den. Eg får 174 kroner timen i brutto.
Det er han nøgd med etter at han fekk lønnspålegg
i januar.
Er arbeidet krevjande? Han tykkjer det er det, fordi det er
både uforutsigbart og allsidig.
Då
vi ba han om å nemne nokre positive og negative sider
av arbeidet, sa han: - Det positive er at eg har dyktige medarbeidarar
som er ansvarsbeviste, og at vi, som oftast, har takknemmelege
brukarar. Det negative må vere at vi ikkje alltid har
mogelegheit til å gi plass til dei som treng det, fordi
vi ikkje har fleire rom. Anna som er negativt er at vi har
tronge økonomiske rammer.
På
spørsmålet om kva andre arbeidsplassar det er
på Hjørundfjordheimen, ramsar han opp ei ganske
lang liste: her er stilling for sekretær, sjukepleiar,
hjelpepleiar, omsorgsarbeidar, heimehjelp, reingjeringsassistent,
kokk og kjøkkenassistentar. Her er og stilling for
aktivitør, fysioterapeut, pleieassistent og vaktmeister,
legg han til.
Då kom vi inn på spørsmålet om dei
som arbeider på Hjørundfjordheimen er organiserte:
ja, alle sjuke og hjelpepleiarane er organiserte.
Då spør vi kva fagforeininga heiter. Han svarar:
Det er forskjellige fagforeiningar, men sjuke og hjelpepleiarane
på Hjørundfjordheimen er organiserte i NSF (Norsk
Sjukepleiar Forbund), NHS (Norsk Helse og Sosial forbund),
KFO (Kommunenes Felles Organisasjon), NKF (Norsk Kommune Forbund),
og DNDF (Det Norske Diakon Forbund).
Vi spurte om kor mange som jobbar på Hjørundfjordheimen.
Det er omlag 60 stk, inkludert dei som jobbar deltidsarbeid.
Kor mange pasientar er det plass til på heimen?
Knut svarer at i år har 40 pasientar, men der er eigentleg
berre plass til 38. Dersom ein inkluderer dei som bur i omsorgsbustadane
har vi 45, legg han til.
Dei i omsorgsbustadane leiger husværa av kommunen, men
dei gjer avtalar med Hjørundfjordheimen om bl.a. matlevering.
Kva
kostar ein plass på Hjørundfjordheimen, lurte
vi på. Då fortel han at det er ulike kostnader
på langtids og korttids opphald. Ein korttidsplass kostar
118 kroner i døgnet, men ein langtidsplass avhenger
av inntektene/pensjonen til kvar enkel pasient. Vi trekkjer
omlag 70-80 % av pensjonen. Men då inkluderer det alt
dei treng av mat og medisin. Det dei får i restpensjon
er rundt 2000 kroner.
Det
siste spørsmålet vi stilte Knut Åmås
var dette:
Kva er visjonen for Hjørundfjordheimen?
Han svara at det dei vil oppnå er å kunne gi eit
godt butilbod i aldersavdelinga, med tilsyn, hjelp og omsorg
til dei som treng dette på grunn av vanskelege butilhøve
og/eller utryggleik i heimesituasjonen. Vi ynskjer også
å gi sterkt pleietrengande som ikkje kan bu heime, god
sjukepleie, medisinsk behandling, rehabilitering, omsorg og
aktivisering i sjukeheimsavdelinga. Vi vil og gi god medisinsk
behandling, pleie og omsorg ved livets slutt.
Vi vil klare å ha tilbod om korttidsopphald for medisinsk
behandling og sjukpleie.
Det gjeld særleg: -utgreiing og observasjon
-etterbehandling etter sjukehusopphald og rehabilitering
-avlastningsopphald med døgntilsyn.
Vi
vil oppnå at den enkelte brukar vert møtt med
respekt og er aktivt med i vurderinga av hjelpebehovet slik
at ulike hjelpetiltak, behandling og aktivisering vert utført
i samsvar med individuelle behov.
Vi ynskjer i tillegg å gi heimehjelp og heimesjukepleie
etter behov til heimebuande i regionen.
For personale ynskjer vi at arbeidstakarane har ein trygg
og god arbeidsplass med god fysisk og psykisk arbeidsmiljø.
Då vi lurte på kva dei gjer for å oppnå
dette, svara han:
Vi rekrutterer kvalifiserte og dyktige arbeidarar og vi prøver
å organisere arbeidet på ein god måte.
Tilbake
|
