Den 13. september drog 8. klasse ut for å registrere søppel, algar og dyr i Sæbøfjøra.  Dette har etterkvart blitt eit fast innslag i naturfagundervisninga i 8. klasse.

Kvar gruppe får tildelt ein 500m lang strekning langs fjøra, og oppgåva er å finne så mange algar og dyr som mogeleg, og å lære namna på dei. I tillegg registrerer dei alle typar søppel dei kan finne og skal prøve å skilje mellom søppel kasta frå land, og søppel drevet i land.

Lett duskregn tok ikkje motet frå nokon. Gruppene leita, fann, samla i bøtter og registrerte. Etterkvart letta veret, og etter 2t. samla vi alle gruppene for å gå gjennom alt dei hadde samla saman. Elevane hadde vore grundige og funne eksemplar av alle algetypar det var råd å finne utan å fylle støvlane med vatn, skjønt det var nokon som vassa for langt.....

Utan mat duger helten ikkje, så høgdepunktet var nok matserveringa tilslutt. I naustet til Martinus hadde Heidi, med hjelp frå Martinus, koka 5 pk. blomkålsuppe og blanda saft. Varm suppe smakte godt, og tru det eller ei, nesten all suppa vart spist opp.
På desse sidene kan du lese rapportar frå dagen i fjøra, og i databasen kan du finne registreringane av søppel, dyr og algar.

Flash laga av Ivar Nordang, ansvarleg for sidene Johs. Halland