Når begynte du å fiske?

-          Eg begynte å fiske som 6-7 åring, det vil sei i 1928-29.

Kva utstyr brukte du?

-          Rognetrode med makk, men når vi vart eldre, brukte vi å lyse etter kredene og pjakken.

  Fekk du sjøørret eller pjakk nokon gong?

-          Det var helder sjeldan, men vi fekk litt om hausten  fordi det var vassfløde.

  Kor store var fangstane?

-          Når det var mykje vassføring, fekk vi opptil 10 stk.

  Kva gjekk fisken til?

-          Moldkredene gjekk til kattemat, men pjakken gjekk til kokefisk.

  Kva veit du om elvemusling?

- Det har eg ikkje høyrt gjete

Når var beste fiske tida?

-          Det var nok når det var mykje vassfløde.

  Er det fisk i den øvste delen av Lisje elva?

-  Ja, vi fekk fisk heilt oppå Holen, og dei fekk fisk heil oppå Riisebakkane.