Tinestafetten 2004
Den årlege Tinestafetten gjekk av stabelen på Ørsta stadion onsdag 26.mai. I fjor pøsregna det, men i år kunne vi vandre rundt i flott solskin blant meir enn hundre ivrige stafettløparar. Sæbø skule stilte med lag i 6., 7., 8. og 9. klasse. Med reservar var det 36 deltakarar frå skulen, og med som hjelparar var fire lærarar og fleire foreldre.

Alle deltakarane får Tine t- skjorte og startnummer og plutseleg er alle nesten heilt like. Det er difor vanskeleg å skilje ut lagkameraten i eit stort felt, men heldigvis gjekk vekslingane fint. Kvar etappe er på 200 m og det er ialt 8 etappar. Fleire flotte resultat vart det og. 7. klasse og 9. klasse tok begge 4. plass. Etter stafetten samla vi alle til eit lagbilete og heilt tilslutt kunne alle nyte yoghurt og riskrem frå Tine.