|
Bondalselva var tidlegare ei av
dei fiskerikaste lakseelvane i landet. Diverre har fisket vorte
sterkt redusert dei siste åra, trass i god tilgang på stamfisk
og eit aktivt kultiveringsarbeid.
Fem elevar i 9. og 10. klasse ved
skulen har valt kultiveringsarbeid som praktisk prosjektarbeid,
i samarbeid med Bjørn Urkegjerde, som er ansvarleg for
stamfisktakinga.
Onsdag 19. september var dei av
stad og fiska stamfisk for første gong. Rykte om mykje laks og
lita elv, gjorde at spenninga var stor.
|
|||
 Ivrige fiskarar ventar på napp. Dei har oppdaga ein stor laks i hølen. |
 Ein av elevane prøver å sjå fisken med polaroidbriller. |
 Storlaksen har bite på. |
 Fisken, ein fin holaks på ca. 12 kg. er endeleg i håven etter ei heller dramatisk økt. |
 Ein blid elev med dagens storfangst. |
 Ein fin laks på 3.5 kg |
||
| Etter fiske gjekk turen rett til klekkeriet der fisken fekk gå i store kar til den vart gytemoden. Onsdag 7. nov. var det klart for stryking av laksen. Elevane gjekk til oppgåva med stor glød. | |||
 Ein hannlaks på 6-7 kg er klar til stryking. |
 Laksen er tatt opp av karet og er klar til stryking. |
Dette går strykande. Kaldt men utruleg kjekt. |
Rogn og mjølke vert blanda saman.
Deretter går dei befrukta egga rett i klekkekassa. Ei kasse for
kvar fisk.
|