Hjørundfjordportalen » Lokalt » Dalegubben - tilbake på toppturkartet

 

Aktivitetskalender
Bildegalleri
Forum
Gjestebok
Søk


Annonser

Annonse

Annonse

Dalegubben - tilbake på toppturkartet

1344 meter høge Dalegubben, fjellet ved Sæbø sentrum, er eit av dei beste utsiktspunkta i Hjørundfjorden. Toppen får no eiga offisiell rås og fredag den 1. september klokka 1100 vert råsa opna av Noregs mest kjende sunnmøring, adm.dir i NHO Reiseliv, Kristin Krohn Devold...

Klikk på fotoa for å få dei i stor versjon.

Proffesor Brian Cox tok utgangspunkt i nettopp fjellet Dalegubben då han skulle forklare tyngdekrafta i fjernsynsserien "Universets mysterium".  Likevel har fjell som Skårasalen og Slogen fram til no vore meir ynda turmål for toppturentusiastane.  Men no har Dalegubben fått ei godt merka rås heilt frå naustrekka i Sandvika på Sæbø til toppen av 1344 meter høge Dalegubben og no fredag, fredag den 1. september klokka 1100 kjem tidlegare stortingsrepresentant, tidlegare forsvarsminister, tidlegare generalsektretær i Den Norske turistforening og noverande adm. dir. i NHO Reiseliv, Kristin Krohn Devold, eins ærend til Sæbø for å opna råsa.

_IGP7853b
Utsikta frå Dalegubben er framifrå.

På Urke og i Norangsfjorden har dei vore svært flinke til å drive PR for turmål som Saksa, Urkeegga og  Slogen.  På fine dagar i sommarhalvåret har ferjekaia på Sæbø vore full av bilar med folk som vil til fjells på andre sida av Hjørundfjorden.  Dette er sjølvsagt flott både for turgåarane, næringslivet og folkehelsa.  Trimgruppa i Sæbø IL har dei siste par åra konsentrert seg meir om fjellbingoen, eit svært populært tiltak, men med turmål som ikkje har vore sæ høgt oppe i terrenget.

Men i løpet av det siste året har fleire i trimgruppa vendt blikket høgare oppover, ikkje minst mot det fantastiske fjellet Dalegubben, fjellet som også William Cecil Slingsby meinte hadde ei utsikt som var fullt på høgde med Slogen hadde å by på. Når så Sæbø både har fleire butikkar, bakeri i sesongen, parkeringsplassar, Kapteinskvia med m.a. grill og nye toalett, badestrand som ligg klar til bruk etter endt tur, ei godt merka Gunnarrås heilt opp i Skondalen, ei  rås vidare oppover utan myrparti, ja då skal det berre mangle om ikkje dette flotte fjellet skal verte eit ynda turmål for alle som likar flott utsikt og vil betre kondisjonen oppover Skondalen mot toppen.

_IGP5235c
Frå 2. september kan du frå Dalegubben sjå hurtigruta kvar
dag
på veg inn/ut fjorden.

Råsa oppover Skondalen er vendt mot sør og difor er også Dalegubben eit flott turmål foross som likar sol og gjerne likar å gå på fjelltur langt utover hausten.  Likevel må det nemanst at det er lenger å gå til toppen av Dalegubben enn til toppen av Skårasalen om du tek utgangspunkt i parkeringsplassen i Kvistaddalen.  Hugs også å ha med nok drikke, gode sko og varme klede i sekken.

Til helga(søndag) er det også Den Norske Turistforening sin Kom deg ut - dagen.  Då er det berre å gjere som leiaren i trimgruppa i Sæbø IL, Bodil Skare; Tjuvstart og ta turen til Dalegubben allereie fredag.  Bodil ynskjer alle velkomne til opningssermonien v/Kapteinskvia klokka ca. 1100 på fredag.

På fredag vil også Dalegubben få si eiga spektakulære facebookside.  Søk på Dalegubben 1344 moh.

_IGP7868b
Gjer som desse to unge herrane - ta turen til Dalegubben.
Lagt inn av
30.08.2017 11:00

Kommentarar

Så flott (30.08.17 kl. 18:06)
Så flott med mer oppmerksomhet rundt dette fjellet. Vi vil gjøre vårt for å bidra med å arrangere et uhøytidelig motbakkeløp opp denne traséen 24. september under Peakbook Summit V. Åpent for alle.
Morten Helgesen

Skriv kommentar:

Tittel:

Kommentar:

Du kan registrere deg som brukar av portalen med å klikke her.

Stikkord

Stikkord gjer det lettare å finne fram til stoff som er i ditt interesseområde. Du kan trykkje på eit stikkord for å få fram innlegg som liknar på dette.

Sponsorar

Annonse

Annonse

Annonse

Aktivitetskalender

22.okt.
(Hjørundfjord kyrkje)
23.okt.
(Gymsalen sæbø)
24.okt.
(Grendahuset)
25.okt.
(Gymsalen sæbø)
(Sæbø bedehus)
28.okt.
(Kapteinkvia)
30.okt.
(Gymsalen sæbø)
1.nov.
(Gymsalen sæbø)
(Sæbø bedehus)

Nettstadskart/Sitemap  Kontakt/Contact  RSS  Rapporter feil
Hjørundfjordportalen er laga av Tor Eirik og Håkon Trandal
Statistikk

1047 registrerte brukarar, 0 medlemmar online, 38 gjestar

Flest medlemmar online: 16 stk - 01.10.2009
Flest gjestar samstundes: 421 stk - 01.06.2011

537 besøk idag.

4046 besøk - 28.06.2016
2635701 besøk og 22352230 visningar totalt