Leknesnakken 526 m.o.h.

Som start på sesongen i år som ellers, tek vi tre turar utanom vanleg rute.

Fyrste tur var Leknesnakken.

014

Litt frisk vind bles det på Lekneset då vi kom i land frå ferga.

Siw, Monica, Kari, Hilde, Haldis, Oddhild, Janneche og Helga.

015

"Fiskestykkjet" som denne breen vert kalla av somme, er eit sikkert vêrteikn for folket på Lekneset har eg fått høyre, nokon som kan fortelje meir om dette?

016

Litt skodde trua frå fjorden, men opplett og litt vind var greit å gå i.

018

Berre litt opp i høgda stilna vinden og det vart så varmt at vi kunne kaste jakkene.

020

For å vere sikker på råsa, vart turen testa ut i forrige veke.

Då vikla eg raud ulltråd på stadar der råsa var lite synleg eller svinga frå hjortetråkket.

Her finn eg henrykt ein raud ulltråd, sving her!

022

Krokete tred og mosekledde steinar, trollsk og flott turterreng å gå i.

023

Liten kvild medan vi tek bilde kan trengast, bak ser vi Skår.

027

Fantastiske store furutred, på fjorden ser vi ferga.

Ein kjem raskt opp i høgda.

029

Her finn Hilde ein raud tråd, jau vi er på rett veg.

030

Nok ein tråd, jau råsa fann vi, og no er det forsiktig raudmerka til neste gong.

031

Janneche og Oddhild i høgt tempo.

035

Små pauser må til i høgda, idyllisk og frodigt.

Liljekonvallen var snart klar til blomstring.

038

Litt meir vind når vi nerma oss høgda, men klatringa gjekk fint.

040

Siste bratta i urda før det flata ut mot toppen, snakk om fjellgjeiter.

039

Her openberra seg ein utsikt mot Sæbø som er fantastisk.

Kari og Helga klartar opp siste strekket i urda.

043

Eg og Oddhild smiler til fotografen :)

044

Her er hytta som eingong stod oppreist og fin.

046

Nermare beskriving av denne hytta finn du her på portalen dersom du søkjer.

048

No er det reine "stovegolvet" å gå siste strekket mot toppen.

Utsikta utover fjorden er flott, mot Sæbø og Bondalen er flott, og innover Nordangsfjorden, og like til Viddal kan ein sjå.

Alt like flott- for ein utsikt!

051

Små fjellkausar som sjuler små hjortespa og fine teltplassar dukkar opp på vegen mot toppen.

052

Her oppe var lyngen brunbrendt, blåbær og røsslyng alt like brunt.

055

På toppen tjukna det til og regnet og vinden vart sterkare i "rykkja"

Fellesbilde måtte vi likevel ha.

058

No kom skodda også så då vart vi einige omå gå nedatt Leknesdalen då råsa er tydlegare der.

059

Litt lenger veg men mindre bratt og godt synleg, det gjekk kjapt nedover mot Urke.

Spennande om vi nådde ferga, men Oddhild sprang i forvegen og kunne hente bil om vi trengde.

061

På Urkestranda blomstrar Hegga allereide.

062

Litt vel eksotiske blomster i grøftekanten her, men det er vel klimaet?

060

Vi kom oss nedatt i god tid til ferga, Takk likevel Oddhild for fantastisk sørvis.

Betre å gå og halde varmen enn sitte å vente på ferga og fryse.

Flott rundtur!

Takk for laget.

Neste måndag vert det Dinglavatnet og kansje Vardehornet vi skal besøke.

Vi startar frå parkeringa ved pumpehuset øverst i Heltne/Brattebergfeltet kl 1800.

Samkjøyrer frå Sæbø sentrum kl 1730.

Vel møtt!