Årskogstøylen, Høgereset, Bjønnalauget, Hytta og Holekonevatnet vart måla denne gongen.
Dei som var med var: Inger, Janne, Kanutte, Kari, Ann Helene, Bente, Marit, Anette, Alvhild, Bernt Arve, Wenche, Monica, Rune, Espen, Andrea, Andreas og Bodil
Nokre er ikkje med på ingressbildet.
Wenche, Monica og Bernt Arve oppe ved Holeelva, allereide her ser du korleis snøraset som gjekk i vinter har sopa vekk skogen.
Før såg du ikkje elva herifrå av skogen.
Marit og Rune med elva i bakgrunnen, du ser nedover mot Holen
at breidda på elva er mangedobla.
Oppover ligg tre og mange er vekk, eit nytt og opnare landskap kan ein trygt seie.
Kari og Kanutte på kanten av stupet, det er bratt ned mot elva her.
Kari og Kanutte litt lenger oppe , her ligg trea langflate.
Oppe ved elva var eit orerøde som sjerma for sola,
dette er velta av Dagmar og kappa i fine sittekubbar av Kari.
Det meste av greinene har Kari rydda vekk så elva renn friskt no.
Dagmar rota og Kari ryddar.
Anette og resten nermar seg elva.
Anette, Inger, Ann Helene, Andrea og Anndreas endeleg oppe ved elva.
Litt friskt vatn og ein aldri so liten dukkert fekk desse to tid til.
Kari , Marit og Bente prøvesit sessane.
Alvhild tek seg ein sjokoladebit, det er godt.
Så bers det vidare mot Årskogstøylen.
Andreas og Andrea fekk sjokolade i løn for strevet då dei nådde Årskogstøylen.
Me andre tok og ein liten kvild, andre gjekk raskt vidare,
du kan skimte "haren" vår i bakgrunnen.
Anette spanderar rasande god milka tysk sjokolade på kvar tur,
er det rart vi møter opp kvar måndag?
Denne flokken vinka farvel til oss som fortsette mot Høgereset, takk for laget .
Knut hadde heve seg rundt og kom etter i eit forrykande tempo på veg opp.
Kari og Alvhild traska seg vidare i råsa.
Holeelva er framleis mykje snøv i, og alvorleg
mykje stein og grus har vore i bevegelse her oppe.
No er Høgereset i sikte, ikkje langt att.
Bjønnahiet ligg under denne steinen her,
saudane går nær so bjønnen er vel på ferietur.
Høgereset i himmelsjå med Wenche i siluett.
Monica skriv seg i boka, det bles godt på Høgereset.
Vi måtte ein liten tur bortom Bjønnalauget, her ligg framleis snøbreen i vatnet.
Vi tok å søkte ly inne i hytta, der var det lunt.
Knut, Wenche, Monica, Bodil, Kanutte og Rune.
Samla utanfor hytta før vi gjekk nedatt, oppstilling rrrrett!
Nokre av oss gjekk via Holekonevatnet nedatt, der var nok fullt med snøv,
Rune og Bernt Arve kikar forbausa over kanten.
Enorme snømengder,og mykje vatn, det gjekk ikkje an å bade i dag.
På vegen ned vart vi oppmerksome på skiltet til råsa mot Aklestad,
her er nok råsa borte vekk av snøfonna, tru om vi kan finne ny til neste år?
Blåbæra er modne nederst i dalen, og dei var fortryllande gode.
Takk for laget alle som var med på turen langt eller mindre langt, vi hadde fint vèr og varm vind heile tida.
Neste gong er det Klokkura og Tryvatna som er målet,
dette vert ein del av programmet til Naturfestivalen.
Vel møtt.
No er programma komne til butikkane på Sæbø så skund deg og få eit ,
bli med på ei turfyllt veke med mykje ulike tilbod.
Kommentarar