Heida 27 juni
Opp frå Tvergrova, over Heida og nedatt Nakkeløypa.
Vi var elleve som trassa regnet og skodda i dag, møttest på Tvergrova og traska oss oppover langs stien.
Ingressbildet er teke ved gamleseltuftene.
Terje med Theo, Bente, Alvhild, Kari, Haldis, Kanutte, Fred, Jorunn, Marit, Unni og Bodil.
Det regna godt når vi starta, men sida råsa går inni skogen så merka vi ikkje så mykje ta det.
Theo var sporfinnar og ville gjerne gå fremst, vi andre hadde nok ikkje same kondisen.
Det var rikeleg med friskt godt vatn i Tvergrova (elva), nedom skimtar du så vidt gardane, det går raskt opp i høgda her.
Godt med ein liten kvild i brattå, Jorunn , Kari og Haldis.
Som de ser er det bra stigning, Bente, Alvhild og Marit.
Brått var vi oppom skogen og kunne nyte utsikta, her mot Bjørdalen.
Marit og Bodil.
No vart det opplett og, "ja skine han av no verte han heite".
Me vart nesten frista til å ta oss ein dukkert i denne hølen, men sto over i dag.
So opna det seg, landskapet, og det vert som uendelege vidder.
Baki ligg Nottane og Veirahaldet, som de ser er det mykje snøv i Trollbotnen endå.
Flott utsikt herifrå, Alvhild og Kari i framgrunnen, du ser skodda på Sæbø, men vi slapp unna.
Valsetheida er nådd, hytta hass Ola ligg der og vi var inn å skreiv oss i hytteboka, og i Trimpostboka som heng på Hytteveggen.
Her passa det med litt niste, før vi gjekk vidare rundt Korsvatnet og Storevatnet.
Her ser du Storevatnet og Eitrefjellet i bakgrunnen, vide flotte vidder å gå på.
Det er mykje som kjem fram når snøen forsvinn.
Vi samla ein haug med tomflaske, eingongsgrilla og anna rask.
Theo og Terje sjekka tomgodset.
Haldis samlar saman "funnet", vi la det frå oss ved trekkbuda i nottane, så får vi håpe det kjem til rett leveringstad eingong, og ikkje ligg utover "all mark".
Skammeleg kva "naturfolk" kan kaste frå seg!
Vi rusla oss over mot Nakkeløypa, nedi dalen ligg skodda, men vi hadde opplett.
Sølvskirande fjell og skoddedyne, det kan vere rett vakkert i regnvêr også.
Grønt og frodigt nederst i Nakkeløypa, no nerma vi oss skodda.
Gamlevegen heimover til Tvergrova att, Theo og Terje i skoddedisen.
Tvergrova i sikte, no er vi framme ved utgangspunget att, flott tur.
Prøvde å fange noke trollsk på bilde, kongelvev på ei daude grein.
Lurer med eit bilde frå søndag, bok og boks er kome på plass på Bondalsbakken, stien inn er godt raudemerka men våt.
Ivar Svein har laga oss ein "link" på høgresida på portalframsida, der kan du klikke inn for å sjå turane våre, kjekt.
Minner om neste tur: Vasstøylen og Kvamsedalsreset.
VEL MØTT!
Kommentarar
Eg laga ei annonse på høgresida som fungerar ilag med aktivitetskalendaren. Når aktiviteten er over så forsvinn annonsa automatisk. I morgontidleg er den vekk. Men om nokre dagar så lagar vi tilatt annonsa slik at folk kan klikke på den og få opp den nye måndagsturen 4.juli.
Men på venstre sida kan måndagsturen få ei fast annonse som ein kan klikke på og lese om kven som står bak denne turen ut i naturen vår. Her kan vi legge inn brosjyra med kart og fortelje alt de ynskjer.
Me må skryte mest av dei som deltek på måndagstrimmane våre, uten deira innsats i all salgs vêr og forhold hadde det ikkje vore noke kjekt å halde på, husk det alle dokke som stille opp trufast gong etter gong.
Gler oss til å få til ei sånn annonse, vert litt lettare å forklare korleis finne eldre artiklar då.