Nabovarselet om detaljprosjektering som grunneigarar og naboar til den nye ferjekaia på Sæbø fekk frå Statens vegvesen v/seksjonssjef Håvard Parr Diommen i dag, opplyser at detaljprosjekteringa no er i gang. Vidare vert det opplyst at det er sett av midlar i handlingsplanen for investeringar i 2011. Det ser såleis ut til at Sæbø endeleg kan få ny ferjekai.
Statens vegvesen ønskjer å fylgje noverande reguleringsplan, dvs. at kaia er tenkt plassert i Sandvika. Det vert berre søkt om "mindre avvik frå gjeldande reguleringsplan", dvs. at dei planlegg å vri ferjekaia litt meir mot aust enn det reguleringsplanen tilseier.
Ferjekaia skal plasserast i dette området, dvs. i framgrunnen av fotoet. Alle foto: Ivar Svein Mo.
I brevet til grunneigarar og naboar skriv Statens vegvesen at dagens ferjekai er i svært dårleg forfatning og ei evt. utbetring av denne vil vere svært kostbart og lite framtidsretta.
Til brevet ligg det ved både kart og teikningar. Det ligg også ved to foto av ferjekaia på Tustna. Det er same type ferjekai som er planlagt på Sæbø. Det kan også nemnast at det er planlagt gangveg til ferjekaia langs sjøen frå huset til Elisabet og Normann Dimmen. Prosjektet omfattar elles ikkje berre ny ferjekai, men også ny oppstillingsplass for ferjekøa i tre filar og opparbeiding av veg med fortau på innsida av kaiområdet. Rett innanfor kaia vil det verte snuplass/stopplass for lokalbuss.
Av kartet kan ein sjå at det er innteikna eit grøntareal mellom oppstillingsplassen for ferjekøa og vegen til Sæbøneset.
Til slutt i brevet skriv Statens vegvesen v/Håvard Parr Dimmen at dei gjerne tek mot innspel og synspunkt. Fristen for å kome med merknadar er sett til 15. januar.
Det er planlagt gangveg frå Elisabet og Normann sin bustad (Nils Haugen) til den nye ferjekaia i Sandvika.
Kommentarar
Det er laga fine plana for grøntareal, men kva hjelpe det når det grøne skal kome frå Ørsta Kommune? Dei har då stroke Sæbø frå alle budsjett med trivselsfaktorar for fleire år sida, ingen grunn til å tru at dei vil yte noko til dette heller.
Det er nødvendig med ny fergekai, men denne løysinga trur eg Sæbø vil tape mykje på.
Det viktigaste no må være å få til ein heilheitleg plan for Sæbø sentum, i lag med landskapsarkitektar, teknisk etat, Statens vegvesen, Sæbø Vel og bygdemobiliseringa. At alle kan kome med forslag og at det vert laga ein heilheitleg plan.
Husk at det som vert gjort no vil stå i dei neste 50 år.
Då er det viktig at ein ikkje går i fella med å tru at statens vegvesen kjem med alt mulig, men forhelde seg til at dei lagar fergekaia, forskjønnelse er ikkje tatt med i planane. og grøntareal skal dekkast av Ørsta Kommune - og er ikkje med i deira budsjett.
Sjå på konsekvensane av å ha fergekaia i Sandvika og, ikkje bære konsekvensar av ei eventuell flytting.
Skal det verte ei tettstadutvikling utanom vegarbeidet må der kome eit innspel frå Ørsta kommune,Sæbø og næringslivet. Her må det starte ei politisk påvirkning og det må kontaktast og påvirkast der makta sit og einkvan må kunne reise både til Molde og Oslo og invitere seg sjølve inn til rette mynde for samtale.
Arbeidsgruppa må også ta tak i arbeidet med å få ferdiggjort Sæbønesvegen når det fyrst er igong eit stort arbeid.
Før det går for lang tid i prosessen med vegvesenet, må det gjerast forsøk på å få kaia snudd meir rett frå land, slik naust og badestranda vert mest mogleg skåna for propellstraum.