Torsdag 18. desember 08 vedtok Ørsta kommunestyre at det skulle byggast ny gymnastikksal ved Sæbø skule. Det vart løyvd åtte millionar kroner til salen - resten skulle finansierast gjennom rente- og avdragsfrie lån.
Den 28.1.09 vedtok driftsutvalet i Ørsta kommune - etter lang tids kamp frå hjørundfjordingane - at eigne ledige legestillingar på Sæbø og Vartdal likevel skulle lysast ut. Hjørundfjorden skulle framleis få ha eigen lege.
Kva har så skjedd?
Først i denne månaden vart leiinga ved Sæbø skulle kalla inn til møte med den kommunale byggenemnda og administrasjonen i Ørsta kommune. På dette møtet fekk leinga ved Sæbø skule klar beskjed: Det vert ikkje brukt pengar til bygging av ny gymsal ved Sæbø skule - det vert berre rendovering av den gamle.
Og kva med legesaka? Fleire søkte den ledige stillinga på Sæbø og i alle høve ein av desse, Per Olav Brautaset, var svært interessert i solopraksis i Hjørundfjorden og øngste å verte tilsett. Ørsta kommune sa likevel nei. No har vi fått tilsett ein vikar i stillinga, men berre for eitt år. Politikarane har overlate denne saka til administrasjonen i kommunen og mest truleg vert denne legestillinga overført til det private Ørsta legesenter i Ørsta sentrum.
Og kva har skjedd med Helsestasjonen på Sæbø? Den er nedlagd.
I tillegg til dette vert det no snakka i fullt alvor om å lege ned Sæbø ungdomsskule og overføre elevane til Ørsta ungdomsskule. I Ørsta kommunestyre har det og vore gjort framlegg om å legge ned sjukeheimen på Hjørundfjordheimen.
Av Helsestasjonen på Sæbø er det berre tome lokal att. Og kva skjer med legekontoret til neste sommar?
Kva skjer framover?
Vi har ei bygdemobilisering gåande. Nokre vil hevde at bygdemobiliseringa ikkje har fått gjort noko som helst. Det er sjølvsgt på ingen måte sant, men at bygdemobiliseringa no slit i motbakke p.g.a. Ørsta kommune er utan tvil sant. Eg nemner eit par døme.
Hjørundfjord bygdemobilisering/Sæbø skule med Johs. Halland i spissen har no endeleg fått opp gatelys frå Øyragata og fram til skulen og klubbhuset til Sæbø IL. Ørsta kommune løyvde sjølvsagt ikkje mykje pengar, men rådmannen var positiv og sa ja til at kommunen kunne vere byggherre. Dermed ville vi lokalt sleppe å finansiere momsen også. Kva skjer så? Ein av småkongane i kommunen seier at dette har ikkje rådmannen fullmakt til å seie ja til og per i dag er denne saka ikkje avgjort.
Som dei fleste kjenner til har bygdemobiliseringa og Hjørundfjordheimen i fleire år arbeidd for å få til ein hage- eit parkanlegg nedanfor Hjørundfjordheimen. Lokalt har vi sjølve samla inn nok pengar, men er avhengige av kommune for planlegging/teikningar. Vi hadde i alle høve vona å få opne parken til Hjørundfjorddagane, men per i dag ligg der berre nokre moldhaugar. Personleg er eg skivar i styringsgruppa i bygdemobiliseringa, men vil sjølvsagt ikkje uttale meg på vegner av bygdemobiliseringa. Likevel hevdar eg utan blygsel at det slit på både for den eine og andre at Ørsta kommune lovar og lovar, men knapt held ein eigen tidsfrist.
Og kvar gjer lokalpolitikarane som er busette i Hjørundfjorden?
I ein debatt med tidlegare ordførar i Ørsta kommune, Sigbjørn Kvistad, hevda han at slike som meg - som ikkje er medlem i eit kommunestyre - knapt har rett til å kome med synspunkt offentleg. I alle høve har ikkje desse synspunkta noko å seie. Kanskje har han rett, men i så fall bør ein forvente meir av dei som er valde inn i eit kommunestyre. Rett nok har eg høyrt at fleire av dei skal vere flinka til å jobbe i dei ulike utvala, men i den viktige offentlege debatten er dei alle frå Hjørundfjorden stort sett fråverande.
Eg skal vere litt konkret. Teknisk sjef i Ørsta kommune, Knut Krøvel Velle, som også er sjef for brannvernet i Ørsta kommune, røytte seg av i Møre-Nytt i sommar. Han var arg på denne sentraliseringssykja som han meinte var aukande og øydeleggande. Eg meiner at han hadde rett og at han var i sin fulle rett til å kome med meiningane sine sjølv om han er tilsett i Ørsta kommune.
På Sæbø har vi altså sjukeheimen Hjørundfjordheimen, ein av dei best drivne sjukeheimane i landet. Der er Knut Åmås sjef og han er også Krf-politikar i Ørsta kommunestyre. Er det nokon som kan argumentere for ein eigen lege i Hjørundfjorden og ikkje minst tilsynslege for Hjørundfjordheimen så må det vere han. Likevel er han totalt fråverande i den offentlege debatten om lege i Hjørundfjorden. Kan han ikkje gjere slik som teknisk sjef Knut Krøvel Velle og kjempe for sitt hjartebarn?
Ap-politikar Bodil Skare har kjempa for legestillinga som medlem av driftsutvalet, men kvifor ville ikkje ho og leiaren i driftsutvalet, Hans Andre Sørvik, tilsetje den legen som hadde søkt stillinga, men i staden lyse ut stillinga på nytt? (Dette i fylgje Møre-Nytt). Trudde dei at ein lege kunne tilsetjast utan kostnadar? Av ein eller annan grunn ser no politikarane ut til å vere glade over å sleppe å ha meir med denne legestillinga å gjere. Dei har overlate saka til administrasjonen og fungerande helse- og sosialsjef Oddvar Marøy har som kjent sagt mange gonger kva han meiner om eiga legestilling på Sæbø - overfør den til Ørsta.
Men ein ting er i alle høve sikkert: Alle politikarane på "Hjørundfjordbenken" burde ha samla seg og i fellesskap kjempa meir - også i den offentlege debatten - for eigen lege i Hjørundfjforden.
Og kva med Sp-veteranar som Steinar Nordang og Ola Perry Saure? Ikkje ein gong då, det kom framlegg om å legge ned ungdomsskulen på Sæbø (i eit formannskapsmøte) sa Ola Perry Saure klart ifrå at det ikkje kom på tale å legge ned ungdomskulen. Han kom berre med ein vag uttale om at "ungdomsskulen ikkje kunne leggast ned over bordet". Steinar Nordang var også taus.
Ola Perry er ein mykje sitert politikar, men som oftast er han så rund og vag at det ikkje tener dei sakene han er for eller mot. Rett skal likevel vere rett - han gjekk ut i Møre-Nytt og hevda med rette at det var mot folks rettskjensle at "Stenessaka" vart anka av påtalemakta. (Men er han sikker på at Ørsta kommune ikkje pr tlf./e-post/brev til fylket/politimeisteren ikkje har bede om at nettopp denne saka vart anka?)
Etter at Helsestasjonane på Vartdal og Sæbø vart nedlagde gjekk nettopp Oddvar Marøy ut i Møre-Nytt hevda at ingen hadde protestert mot dette. Kvar var lokalpolitikarane våre då? Hadde dei allereie gløymt eit stort oppslag med foto - av svært mange småbarnsforledre i Møre-Nytt for ca. eitt år attende? I dette oppslaget kjempa dei alle mot nedlegging av Helsestasjonen på Sæbø. Igjen - lokalpolitikarar burde ha reagert i Møre-Nytt etter Marøy sitt oppslag.
Og kva skjer no når det ser ut til at ei byggenemnd og delar av administrasjonen ser ut til - på eiga hand - å gjere om eit lovleg fatta vedtak i Ørsta kommunestyre, dvs. ikkje bygge ny gymsal på Sæbø? Ikkje godt å seie - ingen politikar ser ut til å bry seg.
Den kommunale byggenemnda og skulesjefen har bestemt at det ikkje skal byggast ny gymsal på Sæbø trass i kommunestyrevedtak om nybygg.
Eg kunne gjerne kome med fleire døme, men dette får vere nok no.
- Klarsignal for fleirbrukshall i haust.
Laurdag kunne vi lese i Møre-Nytt at rådmann Jan Petter Eide går for klarsignal for 72-millionar-kroner-hallen i Ørsta. Ja, noko anna var vel ikkje å vente. Ein rådmann som tydelegvis ikkje har den respekt han fortener og som no har gjort det verre for seg sjølv, hadde vel ikkje noko val dersom populariteten hans, og kanskje respekta, skulle auke aldri så lite. Det er sikkert liten vits-/lite klokt å kjempe mot denne hallen, men ein må i alle høve forvente at endeleg må lokalpolitikarane i Hjørundfjorden kome på bana og syte for at den nye gymsalen på Sæbø kjem opp før ein brukar 70-80 mill. i eit prestisjeprosjekt i Ørsta - Robecregister eller ikkje. Fleire gonger har eg vore kritisk til varaordførar Paul Kristian Hovden, men han skal ha ros for at han er med og ytrar seg offentleg.
Eg registrerer også at leiinga i Sæbø Il er god til å kjempe for fleirbrukshallen, men kva med ny gymsal på Sæbø?
Atter ein gong viser eg til Møre-Nytt. I løpet av året har vi fleire gonger lese om eit fantastisk prosjekt der Hotell Ivar Aasen og Kulturhuset skulle byggast saman - utan kostnadar for kommunen. I finansieringsplanen til Ørsta kommune er det no visst gjort framlegg om at kommunen skal forskottere denne samanbygginga. Det er snakk om mange millionar. Det gjeld å fylgje med.
- Var det nokon som fekk med seg at det likevel skulle løyvast kr. 100.000,- til djupvasskaia i Ørsta og at ordføraren ville at cruisskipsturistane skulle fraktast til Sæbø med buss? Er dette kommentert av nokon? Eller er det slik at også "våre" lokalpolitikarar synest at dette er god politikk i desse Robec-tider?
Det som no kan skje er at legekontoret på Sæbø vert lagt ned, at Helsestasjonen på Sæbø ikkje kjem attende, at ny gymsal likevel ikkje vert bygd trass i vedtak, at ungdomsskulen på Sæbø vert lagd ned, at ein ikkje får bygge noko i Sæbø sentrum p.g.a. Åkernesremna, at kommunen spyttar inn fleire millionar i djupvasskai i Ørsta, at kommunen foskotterer ei samanbyggjing av hotell og kulturhus, men at eigedomsskatt vert innførd slik at vi hjørundfjordingar i alle høve skal få lov til å vere med på å betale for fleirbrukshallen i Ørsta. Dette kan godt mogleg skje - i alle høve om politikarane har Tause Birgitte som ideal.
Her eine dagen fekk eg ein e-post som eg kan sitere litt frå: "Framtida for Hjørundfjorden ser ganske svart ut. Alt skal takast frå oss". Om dette er sant står vel att å sjå, men ein må kunne forvente at våre beste, våre folkevalde - dei som har rett til å meine og ytre seg - kjempar for fjorden. Det er lov å seie anna enn berre ja og nei til saker som administrasjonen legg fram.
Og snart skal noverande sokneprest slutte og flytte her ifrå. Skal vi i det heile bry oss om å kjempe for at ein ny prest skal bu på Sæbø?
Knut Hustad
Kommentarar
For ikkje å gløyme bibliotektilbodet. Reknar med at lånetala på biblioteket har gått drastisk ned no i haust, med ei opningstid midt i arbeidstida og skuledagen, noko som kommuna etter kvart kan bruke mot oss til å leggje ned heile biblioteket.
Skal tru kva neste utspel frå kommuna og kommunepolitikarane er?
Gudny må gjerne sende cruisebåtturistene sine til Hjørundfjorden, men hva er det hun vil vise dem? Et nedsarvet lokalsamfunn med tomme hus, eller en levende, velstelt bygd? Det siste vil de ikke finne dersom de skal fjerne alle tjenester fra bygda.
Hvorfor skal alt på død og liv sentraliseres?
Mange ønsker seg vekk fra det store og inn i mindre samfunn der du blir sett og kan bidra.
Man kan også undres over om dagens kommunestyre er helt oppegående. De vedtar og vedtar, men når det kommer til stykket er der ikke penger likevel og da må de ta fra utkantene - da blir det minst bråk?
Er det ikke snart på tide å legge all prestisje, maktkamp og hva det er de driver med til side og konsentrere seg om de basale behov? Så får prestisjeprosjektene (les flerbrukshall)komme når og om vi har råd til dem.
Folk i Ørsta synes sikkert vi er masete, bråkete og kravstore, men det hadde nok også de vært om strømmen gikk den andre veien. Så vidt jeg kan se forsvinner der noen skattekroner ut av Hjørundfjorden, det er ikke slik at vi bare krever uten å bidra med noe.
Det hadde vært interessant å sette opp et regnestykke som viser hva Hjørundfjorden bidrar med, både av skattekroner, arbeidsplasser, bidrag til opprettholdelse av andre arbeidsplasser (meieriet, landbruksutstyr,)
Lokalpolitikere? Har vi det?
For nokre år sidan vedtok Ørsta kommunestyre samrøystes at Ørstafjorden skulle få varig vern mot oppdrett, som såkalla nasjonalt laksefjord.
Ørstaelva fekk nasjonalt status som laksevassdrag.
Bondalselva vart seinare føreslegje som det same, og Hjørundfjorden skulle vernast mot oppdrett som
og nasjonal laksefjord.
Alle instansar heilt opp til Direktoratet for Nat.forvaltning gjekk inn for dette.
Kommunestyrevedtaket skulle berre være "sandpåstrøing." Trudde vi. Kva skjedde? Ørsta kommunestyre som einaste instans gjekk inn for at Hjørundfjorden/Bondalselva ikkje skulle få den slag vern.!!
I Hjørundfjorden skulle oppdrettsnæring prioriterast.
Men ein slik uttale, var det enkelt for regjering å vedta det same.
Pr. i dag ser ein konsekvensar. Lakselus som drep smolten, oppdrettsfisk som øydelegg elvane våre. Enno ser ein berre starten. Forureining som
øydel annan villfisk vil verte konsekvensar i stadig større og større grad. Arbeidsplassar frå sjøbaserte anlegg kan vi sjå langt etter. Vi sit attende med forureining og driten i Hjørundfjorden.
Heldigvis synte folk i fjorden med protestaksjonen vår kva vi meiner om oppdrett i ein fjord som stadig vert reklamert med som rein og frisk. Med uant potensiale i den retnig. Nettopp småskala turisme vil fritidsfiske vere ein del av. Hadde Ørsta kommunestyre vald å la
vere å endre vedtaket, ville Hjørundfjorden både på kort og lang sikt tent på det.
Det heiter seg nemleg for nasjonale laksevassdra "at nye etableringar av oppdrett skal vere forbode, og at eksisterande på sikt skal fjernast....."
Dette vedtaket som gjeld Hjørundfjorden kan ikkje fjernast, men syner kanskje at "Hjørundfjorden vart teke på senga.....?"
Vi skal i alle høve passe på Hjørundfjorden frametter kva oppdrett gjeld, det forpliktar dei 800 underskriftene oss.
Det er ikkje alt som vert sitert i avisene, det kan hende eg må seie det ein gong til: Møt opp på møta og få med deg kva som skjer.
Når du vil sette lokale politikarar i gapestokk og ein annan vil skyte alle på rådhuset, ja då ser eg fram til neste valperiode då DU tek over og styrer heile Hjørundfjorden til himmels!
HALLELUJA!
Ja vi veit at MN ikkje er noko fullstendigt saksdokument, men at dei tek føre seg vedtaka og belyser med litt fakta attåt. Møre Nytt har eit godt omdøme når det gjeld sakeleg informasjon. Meiner den enkelte politikarar at avisa ikkje har kome fram med alle detaljar så er det full anledning for kvar enkelte å kome med tilleggs-informasjon. Dette vil eg tru vert motteke med opne armar i avisredaksjonen.
Når det gjeld samhandling og dialog med kommuna så er eg heilt einige at det er svært viktig, men kor mykje energi skal ein bruke før ein kan forvente resultat? I den pågåande bygdemobiliseringa har vi halde møter med representantar frå administrasjonen i ØK og vore like store optimistar kvar gong, men dessverre det kjem lite utav det. Bygdemobilisering, lag og organisjonar har ingen makt og mynde og kan ikkje anna enn å føre ein dialog og håpe på at ein vert høyrde av dei som har makt, og her har folket valt politikarar.
Det er viktigare enn nokon gong å være optimistar vert det sagt her, og det er ingen tvil om at det er viktig, men det er ikkje det same som at vi skal virre rundt som haudelause kyllingar. At vi har ein økonomi som ikkje toler noko til utkantane har vi fått dagleg doser med informasjon om og Rådmannen prøver å bøte på problema med å legge ned viktige tilbod, for å spare pengar, og dette skulle bekymre alle våre politikarar. Ei løysning vil være å innføre eigedomsskatt og dermed er problemet over, vert det hevda?
Vi veit at i mange familiar som har kome i økonomiske problemar, har mangt kunne retta seg ved at kompetente folk har fått sett opp eit familebudsjett og sett på korleis familien brukar pengane. Etter det eg forstår så er Rådmannen igong med ei slik analyse på pengebruken i ØK og ser på kvar enkelt stilling både ute og inne på Rådhuset, men har han med seg politikarane her? Kva meiner for eksempel AP og Krf her?
Eg ser eit håp i at vår nye Rådmann vil rydde opp og få ting på plass, men kanskje vil medisinen ikkje smake før pasienten vert betre.
Still til val neste gong, de får mi stemme, garantert!
Det er ei viktig tid fordi det er mykje som skjer i Hjørundfjorden, som kan påverke bygdene i lang tid framover. Mange av desse sakene er omtalt her. Det er derfor eg syns det er viktig å få slutt på denne diskusjonen då denne kan få store skadelege ringveikningar. Det er viktig at bygda står samla og er konsekvente, og ikkje splittast av dei som sitter på tuftene sine og kastar stein. Ikkje berre er denne sabotasjen, som eg håper ikkje er medvite, for framtida til Hjørundfjorden full av direkte faktafeil, den ber også preg av at ein ikkje veit kven ein skal rette seg mot for å få gjennomført sakene. Det er no slett ikkje institusjonen Ørsta Kommune som bestemmer alt?
Dei som er angripne er personar som gong på gong har bevist at saker som dei involverer seg i faktisk vert gjort. Utrulige viktige personar for lokalsamfunnet vårt. Der er prov å vise til, eg har ikkje tenkt å konkretisere og det bør dei heller ikkje å gjer. Det er uklokt å gi gode svar til idiotiske spørsmål, då dette kan bidra til å gi eit inntrykk av at spørsmålet er godt. Dei som står på Bellingen å forkynner store visjonar til børsen, har sjeldan fått noko som helst gjort. Lesar, tenk deg om.
Kvifor i skal desse politikarane måtte bruke tid på å forsvare sitt arbeid mot det eg vil kalle for hårreisande personlege angrep på ein nettportal. Vi snakkar til dømes her om eit menneske som frå 7 om morgonen til 23 om kvelden arbeideidar for bygda vår. Eg snakkar sjølvsagt om Bodil Skare. Ho handlar, ho er involvert. Ho tek vare på dei eldre. Ho er sterkt delaktig i aktiviteten til Sæbø Idrettslag, mandagstrim, elverampe, lista er lang. Tenk på alle dei situasjonane du møter på denne kvinna i løpet av eit år, der ho involverer seg og passar på at ting vert gjennomført. Og i tilegg til alt dette, har ho overskudd til å fare på møter til alle døgnets tider, involvere seg i utval, og ho gjer ein fantastisk jobb. Eg er stolt av alt det mora mi klarer å få gjennomført til gode for bygda vår, la det være sagt.
Derfor er eg glad for at dei interaktive lesarane og dei nemnte i denne saka ikkje forsvarer dette useriøse innspelet med seriøse motinnlegg.
I frykt for å øydelegge truverdigheit til innlegget mitt hadde eg ikkje tenkt å nemne namn, men sia dette verkar å være normal skikk på denne nettstaden tilet eg meg å synke ned på nivå med dei som har uttalt seg om saka her.
Knut Hustad, du er ein kjempestor idxxx.
Ivar Svein Mo, du er ein kjempestor idxxx.
Lokalpolitikere? Har vi det? Ja! Det har vi! Kari Stokke du er ein kjempestor idxxx.
Helge, eg latar som eg ikkje las første setninga di.
Det vert snakka om å kaste ball, og denne diskusjonen er noko rota i svært viktige sake. Men kast ikkje ballen i ansiktet på dei beste spelarane du har på laget. Bedrevitera som sit på sidelinja er der nok av.
Eg forventar ikkje mykje. Men eg håper lesarane på portalen tenkjer seg godt om før dei tek det som er skrive av fleire personar her for god fisk. Eg takkar for meg for denne gong, men lovar eg skal involvere meg med handling når eg flyttar heim.
Då vil eg gjerne være litt i forkant og spørje deg som kommunepolitikar og representant for SP kva partiet har tenkt å gjere med byggeforbodet i den flaumutsette Hjørundfjorden og i Vartdalsbygdene?
Ørsta er ikkje medlem i rasgruppa og har tidlegare takka nei til medlemskap.
Bondalen har no eit flaumkart som viser byggeforbod mange plassar frå Kvistadbrua til Sæbø på begge sider av elva og i tillegg kjem Åkernesremna og lagar byggeforbod kanskje fram til Rise? Har partiet drøfta korleis framtida er for Sæbø og Øye?
Men mykje av det som står her burde ikkje vore skrive.
No er det ganske nytt for oss at desse konsekvensane er så enorme. Begredelig er det rett og slett. Dette skal sjølvsagt drøftast i partiet ved neste høve. Innspel vert mottekne med takk!
Du som kjenner meg så godt at du synes du kan kalle meg det, vet sikkert også at jeg er en av dem som snakker med store ord og aldri gjør noe for å engasjere meg i og å holde liv i de aktiviteter vi har her i dalen.
Ja, jeg spør om vi har lokalpolitikere, for jeg ser aldri (i alle fall svært sjelden) at de er referert til som nettopp lokalpolitikere.
Dersom man som politiker føler at man ikke når frem med sine synspunkt bør man markedsføre disse og bruke mediene for det de er verdt. Flagger du synspunkt gjennom sittende periode vil du også ha større sjanse for å få velgere ved neste kommunestyrevalg og kanskje så mange velgere at du og dine meningsfeller blir i flertall.
Jeg undres på om lokalpolitikerne våre tenker på det?
De som er god på markedsføring av partiet sitt gjør dette hele tiden.
Det hjelper ikke å jobbe i det stille når de du jobber mot roper høyt.
Jeg er virkelig lei for å måtte si dette Mats, det er faktisk ikke noe jeg finner på:
- Kommunen er ikke lenger så sikker på at de vil gi oss ny gymsal på Sæbø.
- Kommunen har tatt fra oss helsestasjonen på Sæbø.
- Kommunen har redusert åpningstidene på biblioteket til kl. 12.00 - 14.00 tirsdager slik at vi som er på jobb ikke skal kunne ta ungene våre med oss på biblioteket lenger.
- Rådmannen foreslår å legge ned ungdomsskolen på Sæbø slik at de som bor på Øye kan få flytte på hybel når de er 13 år.
- Kommunen flytter legen vår til Ørsta slik at de kan finansiere et større legesenter i sentrum og blidgjøre legene der borte (det er et faktum at de har for lite plass).
- Kommunen er bitte litt skyld i at det ikke kan bli utleieleiligheter i det gamle samvirkelagsbygget på Sæbø, men det største ansvaret ligger på staten.
Dette er relativt nye saker som gjelder Sæbø.
Ellers skjer det mye andre steder i kommunen også.
Som velger synes jeg at jeg har rett til å stille spørsmål ved det som skjer på rådhuset i Ørsta når vi den ene uken får beskjed om at Ørsta kommune har fått medlemsskap i Robekregisteret og den neste uken får høre at Rådmannen går inn for å bygge flerbrukshall i Ørsta.
Jeg har vanskelig for å forstå at min skepsis er usaklig og bidrar til så foferdelig store og skadelige ringvirkninger. Men som den idxxten jeg er kan man vel ikke forvente så mye av meg...
PS.
Jeg har i alle fall fått med meg at det går an å fjerne ting jeg angrer på at jeg har skrevet.
Det var dumt av meg å trekke inn namn i det heile, men vinkliga av saka og kommentarane indikerar at lokalpolitikarane har skulda for alt det som er nevt. Samt det som er nemt som ligg utanfor kommuna sin autoritet. Dette er både urettferdig og feil, overnfor alle dei som er villige til å leggje ned utallige timar for å tale befolkninga utanfor Ørsta Kommune si sak.
Å gå direkte på person var noko eg gjorde for å få fram eit poeng, og det vart feil. Men om dei politiske representantane som er busette på Sæbø ikkje orkar meir sjønner eg det dette godt. Det er ikkje kjekt å verte utsett for angrep. At folk er utakknemmelige er ein ting, men ein bør sleppe å verte rakka ned på. Poenget mitt føler eg er valid, men eg beklager gjerne igjen måten eg ville få det fram på.
Som eg også sa er det viktig at vi står fram som ei einheit og ikkje kastar stein på kvarandre. Eg vil heller stå i gapestokk om det er det eg må gjer for å stoppe ein diskusjon som starta so skjeivt som denne. Eg er sikker på at samtlige polikera ein vil ha ein positiv dialog med heller vil svare på spørsmål og ikkje anklager. Og eg rekner med ein vil ha ein positiv dialog med våre lokalpolitikera.
Når du kommenterar kvaliteten på det som vert skrive her på portalen, så kan du kanskje forklare korfor ein redaksjon ikkje ville sleppe gjennom slike artiklar. Forklar det gjerne på like nedlatande måte, som du har lagt opp til. Samt bør du gå gjennom faktafeila som du påpeikar.
Det er for lite bygdemøte der alle kan diskutere saker som gjeld fjorden.
Då slepp man å sitte på kvar si tue.
Man må møtest til litt mat/prat
Man må lage til fleire møter som ikkje har noko med parti/politikk å gjere.
Beste diskusjonene eg har hat i sommer er i partyteltet ved Haukly.
Eg fekk en diskusjon om ølpenger /avtaler og kommuna/butikkene sitt ansvar for kulturen.
2 kamphaner møttest til en sakelig diskusjon.
Dumt at stormen ikkje ville ha det der.
Eg får sette opp teltet neste vår så folk kan møtest der for en hyggelig prat/debatt om viktige saker i bygda.
Mykje bedre enn usakelige diskusjoner her.
Er det slik at vi må oppfordre om telefonstorm til våre lokalpolitikere foran hvert eneste møte, slik de ikke blir syke av å lese på portalen i etterkant?
Kvifor overta garden så lenge dei gamle kan sitte med den.
Når det er sagt så held eg fast ved at eg ikkje har kome med personåtak av namngjevne politikarar. Desse som har fått namna sine på trykk er alle på mange måtar samfunnsstøtter, men eg meiner likevel at dei må tole kritikk - også av folk som ikkje er kommunestyremedlemmer, eller har stilt til val, Unn.
Eg var sjølvsagt klar over at alle ikkje var samde i innhaldet av det eg skreiv - det skulle berre mangle - men eg skreiv det fordi lokalpolitikarane våre no må vere på tå hev. (Eg tenkjer akkurat no på gyldig kommunestyrevedtak/ny gymsal som byggenemnd/administrasjon ikkje ser ut til å bry seg om)
Eg hadde også eit håp om mange kommentarar der folk kunne seie si ærlege meining om dei aktuelle sakene slik at politikarane "våre" kunne få vite om hjørundfjordingane si meining. Diverre kom også denne gongen den surmaga, men forventa kommentaren slik at ein god diskusjon enda opp i ei sak om skrivaren i staden for sakene. Det er sjølvsagt leitt.
Heilt til slutt vil eg berre seie at kommentaren min slett ikkje vart skriven i frustrasjon. Ein slik kritikk skal ikkje bagatelliserast og det er no ein gong slik at også vi som bur i Hjørundfjorden er ulike og må få ha meiningsbrytingar på ulike saker - nett som i Volda og Oslo.
Denne debatten har blitt usakelig og usmakelig.
Det er også slik at mange ventar med å kome på bana til saka er avgjort, og så framsette dei sine klager. Det er klart irriterende, like irriterande som at «bygdadyret» vaknar og teke mannen og ikkje saka.
Eg har hatt nokre tankar kring 2 av momenta, nedlegging av Sæbø ungdomsskule og mangel på gymsal.
Opplæringslova seier at alle born i Noreg har krav på skulegang, og den skal ha eit visst fagleg innhald. Her inngår fysisk fostring. Utan dette bryt kommuna lova. Det er betenkelig at sterke krefter i sentrum greier å få inn fleirbrukshallen før gymsalar på 2 utkantskular.
Vonaleg kan nemda som jobbar med skulen også få juridisk bistand til å finne dei rette paragrafar for å stette argumentasjonen.
Når det gjeld nedlegging av Sæbø skule vil det særleg ramme borna frå Urke og Øye, som då må på hybel i Ørsta i en alder av 13 år. Kva seier foreldra i den samanhangen? Det er veldig tyst der i frå, så det er kanskje ikkje alle politikarane som har fått med seg konsekvensane.
Kva sier borna om å måtte flytte heimanfrå i så ung alder? Kvar skal dei bo? Kva tilbod vil Ørsta kommune tilby borna? Kven skal ha tilsynet? Kven skal syte for maten?
Lov om Born og Foreldre (Barnelova) kap. 6 § 42 seier at borna har rett til samvær med sine foreldre. Kapittel 8 omhandlar fostringsplika, som varer til borna er 18 år.
Det vil ikkje være lett for foreldra å fylle krava i lova om dei må sende borna på hybel i Ørsta.
Barnevernslova 4-1 seier noko om hensynet til barnets beste. Herunder skal legges vekt på å gi barnet stabil og god voksenkontakt og kontinuitet i omsorgen.
Korleis vil Ørsta Kommune handtere dette?
Skal dei tvinge 13 år gamle born til å flytte på hybel, utan tilsyn?
Då vonar eg at det vil verte kravd offentlig valg, og at folk vil sete å notere kven som stemmer for dette, og at dei politikarane som stemmer for er heilt klar på at nedleggelse av Sæbø Ungdomsskule inbefattar ansvaret for at borna ikkje lenger kan bo heime. Og at politikarane har eit personleg ansvar for disse borna, også ansvar dersom borna ikkje greier seg men «hamnar på skråplanet» som fylgje av manglande vaksenkontakt i ungdomsåra. Rus, kriminalitet, omsorgssvikt, kva om borna vert utsette for valdtekt? Feilernæring frodi dei ikkje har lært tilstrekkeleg om kosthald og ernæring ? Og mykje mykje meir....
Skal borna ha tilstrekkeleg tilsyn må kommuna skaffe eigen bustad med rom nok for alle borna.
Det må tilsetjast personale i 3 delt turnus søndag – fredag. Kva krav til fagkompetanse skal setjast? Kor mange må det være på jobb morgen og ettermiddag for å ha tilstrekkeleg tilsyn?
Utgiftene i kroner og ører samt dei personlege kostnadane borna må ta pga. Nedlegginga av Sæbø skule må kome klart fram. Og då vert det eit stort spørsmål om kor mykje kommuna kan spare på dette tiltaket....
Til liks med min "gamle" nabo Anette har eg valt å busette meg vekk frå Hjørundfjorden. Men det er ikkje det same som å ikkje bry seg med det som skjer "heime". Derfor stadige innlegg på portalen frå meg og.
Det blir ikkje fleirbrukshall før nokon tar på seg ansvaret for drifta i 20 år framover.
Eg trur at verken kommuna (som kanskje havnar under styring får lov til dette)
Ikkje trur eg nemda for hallen tar ansvaret i 20 år.
Drifta kjem vel 5 mill i drift pr år.
Kven skriv under det ansvaret?
1 plass er 600000 spart.
Andre bedrifter i vansker slanker arbeidstokken både på golv og i topp.
Slank kommuna før dere slanker lommeboka til folk med eiendomsskatt.
Bruk heller folket dere har i skulen.
La dette no først verte sagt.
I den tidlegare 4-årsbolken i ein uendeleg debatt gjorde Bodil ein framifrå jobb for Hjørundfjorden som Nasjonalfjord.Det var andre politikarar som svikta.
Unn sit i FU (forvaltningsutvalet) I samband med eksisterande lokalitetar og utvida eksisterande anlegg var ho den einaste i FU som som stemde imot.
Dette vurderte eg som i første omgong ikkje relevant, til ting roa seg ned....