I fylgje nettstaden Nærnett i Volda har det sist veke pågått ein underskriftsaksjon på Sæbø der underskrivarane "ønsker å få endret planene for den nye ferjekaia som skal komme på Sæbø". Den same nettstaden opplyser at Bjarne Hustadnes er ein av initiativtakarane til dette brevet. Underskrivne Knut Hustad - som også er med i styringsgruppa for Hjørundfjord bygdemobilisering - har i samband med dette teke kontakt med Bjarne Hustadnes og snakka med han om bakgrunnen for protesten og sjølve brevet - eit brev som er sendt Ørsta Kommunestyre. (Sjå under).
- Bjarne Hustadnes, eg har ikkje sett noko protestliste om ferjekaia som eg kan skrive under på korkje her eller der. Kvar har den vore å finne?
- Nei, denne lista har ikkje vore liggande ute nokon stad. Det eg for min del har gjort, er å ta kontakt med folk som eg har rekna med har vore mot å plassere ferjekaia i Sandvika. Eg har så spurt om eg kan føre dei opp som underskrivarar på eit brev til Ørsta kommune der det vert protestert på at ferjekaia skal plasserast i Sandvika. Det har dei aller fleste også sagt ja til. Eg har i det heile følt at svært mange har støtta meg i denne saka. Etter at eg hadde samla inn 28 namn sende eg lista vidare til Per Stein Straume.
- Men dei 28 personane som du har ført opp som underskrivarar har likevel ikkje sett brevet i det heile?
- Det er korrekt, det er eg som har ført dei opp på lista, men dei har sagt at dei har støtta meg i denne saka.
- I ein tidlegare samtale eg hadde med deg, sa du at det ikkje var noko poeng for deg å kome med kritikk mot bygdemobiliseringa i dette brevet - underskrivarane ville berre ha ferjekaia nedanfor Stormøllenlageret. Men etter å ha sett brevet til Ørsta kommunestyre må eg vel få lov å hevde at de som er underskrivarar kjem med kraftig kritikk mot bygdedmobikliseringa?
- Ja, kritikk er det nok, men det er ikkje eg som har skreve det endeleg brevet - eg kom med eit framlegg/kladd om plassering av ferjekaia. Sjølve brevet er det visst Pernille Våge som har skrive. Men for all del - eg er for det meste samd med henne i det ho skriv.
- Du ja, men kva med dei 28 andre personane som du har teke kontakt med - er dei samd med kritikken som kjem fram i brevet dei ikkje har sett?
- Dette må bygdemobiliseringa tole - dokke har sjølve gått hardt ut og lova over ein million kroner til Sæbø. Nei, det eg har gjort i denne saka er berre å gje uttrykk for synet mitt i ferjekaiplasseringsdebatten. Eg er slett ikkje interessert i å delta i nokon debatt om saka.
--------------------------
- Bjarne Hustadnes, kvifor dette brennande engasjementet mot at ferjekaia på Sæbø skal plasserast der ho skal ligge etter gjeldande reguleringsplan?
- For meg personleg spelar det inga rolle kvar den nye ferjekaia vert plassert - anten i Sandvika på Sæbø, eller i området nedanfor det tidlegare Stormøllenlageret omtrent der som dagens skyssbåtkai ligg.
- Det skulle ein vel ikkje tru i all den dag du har skreve innlegg på Hjørundfjordportalen, i lokalavisa Møre-Nytt og uttalt deg til nettstaden Nærnett mot at ferjekaia skal plasserast i Sandvika, nokre titals meter nord for der dagens ferjekai ligg?
- Det er ingen ny ide å plassere ferjekaia nedanfor Stormøllenlageret og det er sjølvsagt best for Sæbø at den nye ferjekaia vert plassert nettopp der. Når eg no gir uttrykk for meininga mi har det mest sin bakgrunn i ein lapp som eg meiner hengde på Slettedalshjørnet for eit par år sidan. På lappen vart det lyst etter idear om kva som burde gjerast med det utfylte området.
Når det gjeld sjølve grunnane til at eg meiner at ferjekaia bør plasserast nedanfor Stormøllenlageret så viser eg til det siste innlegget eg hadde i Møre-Nytt. I det innlegget syner eg m.a. til Volda der dei i si tid var så kloke at dei plasserte ferjekaia si utanfor sentrum slik at dei i dag slepp all ferjetrafikken gjennom sentrum. På Sæbø slepp vi med andre ord å få ferjetrafikken gjennom sentrum dersom ferjekaia vert plassert der eg og ca. 60 andre personar vil ha den.
Bjarne Hustadnes. Arkivfoto: Ivar Svein Mo
- Men Bjarne, dersom ferjekaia vert plassert der du vil ha den så vil fleire bustadtomter måtte vike?
- Etter kartet er det ikkje plassert tomter der eg vil ha ferjekaia, der er det berre parkeringsplassar.
- No snakkar du nok om gjeldande reguleringsplan, men eit større område er, som du veit, i dag fylt ut og etter dei planane som AG Plan og Arkitekttur AS har laga for Hjørundfjord bygdemobilisering er det tiltenkt tomter til hus/bustadar på området.
- Noko planar om hus/leiligheiter på dette området har ikkje eg høyrt noko om. Det einaste eg har høyrt er at leiaren i bygdemobiliseringa si styringsgruppe, Ivar Svein Mo, har sagt at han vil plassere rorbuer der.
- Pr. i dag er det slett ikkje sikkert at det vert gitt løyve til bustadar på prestgardsmarka, du vil ikkje ha bustadar på det utfylte området mellom Lissjeelva og Stormøllenlageret - vil du då i staden ha bustadar i Sandvika der det i dag ligg ein større parkeringsplass.
- Nei, det vil eg nok ikkje. Og så vidt eg veit ligg det i dag føre andre planar for det området.
- Som du også veit, Bjarne, er det ei negativ folketalsutvikling i Hjørundfjorden og på Sæbø. Vi veit at Sæbø barnehage må redusere drifta frå hausten av p.g.a. færre barnehagebarn. Ser du ikkje i det heile problematikken med unge familiar som helst vil bu i sentrumsområde? Treng vi ikkje bustadtomter på Sæbø?
- Nei det ser ikkje ut til at vi treng stort fleire bustadtomter på Sæbø - dessverre. Men vi har no ledige tomter ute på Sæbøneset og eg er heller ikkje imot at det vert teke av prestegardsmarka til bustadtomter.
- Eit siste spørsmål om dette temaet, Bjarne. Eg forstår deg slik at du vil leggje Lissjeelva i rør for å få plassert ferjekaia ved Stormøllenlager-området. Vert i tillegg riksveg 655 plassert der han skal ligge etter reguleringsplanen, vil han ta ein stor del av Hjørundfjordheimen sitt parkeringsområde og i tillegg ein del av det området som er tenkt laga om til park/rekreasjonsområde. Kva skal bygdemobiliseringa gjere med dei pengane ein allereie har fått av m.a. Sparebank 1 Volda Ørsta for å lage til området?
- Pengane skal sjølvsagt brukast til å lage til det planlagde hage-/parkområdet. Riksvegen treng ikkje gå så nære inntil Hjørundfjordheimen som reguleringsplanen syner og dessutan er det rikeleg plass att.
Under ser vi det aktuelle brevet til Ørsta kommune: (Klikk på brevet og underskriftene for å få det i stor versjon)
![imgp0927_kopi[1]](/images/cache/40/20507/crop-300x200/imgp0927_kopi_1_.jpg?1686819016 "Sesongopning 24. mai")
Kommentarar
Kjedelig på Sæbø blir det nok aldri frå dei store saker om reguleringsplanar til dei små om hestelort...
Eg forstår mange av argumenta for å legge kaia i Sandvika, og eg er sikker på at ein kan leve godt med begge alternativa.
Men at bygdemob. er så steikjandes sjølvgode at dei ikkje toler at mange synest det er gale å legge vegen rundt S.hjørnet, og gjev uttrykk for det, det er vanskeleg for meg å fatte.
Og er synet som denne lista representerer så hakkande gale og dumt som bygdemob. meinar, så vert det ei enkel sak for kommune og vegvesen å ta avgjerda.
Eg har sagt det før og gjentar det igjen.
Ha folket og alle grunneigera i ryggen i viktige saker.
Eit spørsmål til Bygdemobliseringa.
Kvar blei det av møtet med bygda her inne som bygdemobliseringa snakket om for 2 år siden.
Var det eit fåfengt forsøk på å miskreditere personane bak brevet som har blitt sendt til Ørsta Kommune?
Eller var det for endå ein gong å demonstrere det paradoksale i at området nedafor Mjøllageret kan benyttast til både bustadhus, næringsbygg og rorbuer samstundes som det vert opparbeidd til park og benytta som parkeringsplassar for gamleheimen?
Eller var det for å syne kor enkelt det er for AG Plan og Arkitekttur AS å gjere endringar i reguleringsplanen medan kommunestyret tydeligvis kjem til å bruke årevis på å endre reguleringa av plasseringA av ferjekaia?
Eller var det for kanskje å kneble det lokale engasjementet som finnast på Sæbø, eit engasjement som HB sjølve har etterlyst, slik at HB kan gjennomføre sine planar utan brysam innblanding frå dei som ikkje er einige med denne foreininga i eitt og alt?
Tenker mitt men skal ikke utdype meg mere, men la dei folkevalgte ta de endelige vetak.
Til dei som fabulerar om riksvegtrase tett opp mot Stokkehuset på sørsida kan eg seie.
Det vart gjeve "grønt lys" for boligar i Stokkehuset/Fjordtun nettopp fordi riksvegen skal vekk frå boligblokka Stokkehuset. (Med bl.a 2 kommunale omsorgsboligar.) Jmfr. reguleringsplan. Skulle kommuna gå bort frå/bryte ein slik føresetnad, er i alle fall ikkje eg framand for å krevje leiligheita mi innløyst av kommuna.
La vere elles å nytte Slettedalshjørnet og/eller Prestehagen som argument imot ei ny ferjekai om lag der ho no ligg.
Den bestemte vegtraseen i gjeldande reguleringsplan kjem ikkje i konflikt med desse.
Området som de foreslår til fergekai kan sikkert nyttast til mangt, men det er framleis regulert til bustad/næring. Skal de bli plass til riksveg og biloppstillingsplass må ein naudsynleg ta av areal mot sør, det som no er regulert som raudt, dvs offentleg areal tilknytta Hjørundfjordheimen. Jfr teikningar lagt ut på portalen tidlegare og på sunnmorskart.no
Ja, mange i Ørsta har dessverre erfart at omreguleringar kan vere ein tidkrevjande prosess. Kommunen har mange planar som er gamle (og 10 er ikkje særleg gamalt) og for lite administrative ressursar til å handsame planønske frå innbyggjarar og politikar.
De som ønskjer ei omregulering av ferjekaia er i dykkar fulle rett til å arbeide og argumentere for denne, vi som er i mot har like stor rett til å argumentere mot same saka. Om vi er medlemmar av bygdemobiliseringa eller ikkje.
Mi meining er at asfalt og vegar har vi nok av i Sæbø. Folk og areal til bustadar som dei ønskjer å bu fast i har vi derimot alt for lite av. Meir liv i Sæbø!!
Det store engasjementet i denne saka syner til fulle at folk i Hjørundfjorden er opptekne av å utvikle samfunnet sitt uansett standpunkt i denne sak. Eg er difor litt forundra over at HB har vore så bastante i denne saka, og trur dei hadde stått seg langt betre på å lytte meir til alle partar før dei konkluderte så bastant som dei har gjort her.
mitt syn skal eg ikkje utbasunere meir her, det har eg allereie gjeve uttrykk for i tidlegare innlegg på portalen.
Er samd med Unn Frøland i at intervjuvet med Bjarne Hustadnes meir var som eit partsinnlegg frå Knut H si side, enn det var opplysande.
Eg er imponert over engasjementet til gamlesjefen min Bjarne Hustadnes, og heilt samd med han i denne sak.
Kvifor engasjerer eg meg i denne saka ?
Det gjeld framtida til bygda,og heldigvis vert fleire og fleire engasjerte i saka, HB har ikke unison støtte i Sæbø, slik dei gjev uttrykk for- Det er vel ikkje bra for demokratiet at HB skal være vårt einaste talerør ?
Kvifor skreiv vi dette brevet? -Fordi Ørsta Kommune og politikarane har fått inntrykk av at det er 80-20 % for fergekai i Sandvika.- vi trur det er jamnare, ja til og med at vi har fleirtal.
Kva betyr det at der er mange namn under ?- Antalet namn har ikkje stor betyding- kun for å vise at vi er mange med same syn.
Korleis fikk vi namna?- dette er ikkje ei underskriftkampanje, det får stå for Næravisa si regning, derimot ringde vi på nokre dører og ringde rundt for å høyre om folk støtta vårt syn og var villege til at vi skreiv dei på-tok ikkje lang tid, og vi kunne fått med fleire om det var poenget. Kommentaren (Den kraftige ? kritikken) om/mot HB får stå på min og Pernille Våge sin konto.
Når eg ser at HB legg det ut på denne måten, skjønar eg alle dei som støttar oss men ikkje ville delta. Dette er jo reine Se & Hør stil.
Trur det vert vanskelegare å få folk med på slike lister seinare- dette vil kanskje gjelde alle saker-også der HB står bak? -Mistenkeleggjering-spør du meg ?
Noko meir eg vil tilføye?- Ja, eg hadde ein samtale med Svein Silseth, Ørsta Kommune for eit par veker sidan, og du kan tru han vart SVÆRT overraska då eg sa at det er stor motstand mot vegforslaget til HB.(Slettedalhjørnet) Han kunne fortelje at han har hatt ikkje mindre enn fem møter med HB der vegen har vore tema,og fått eit tydeleg inntrykk av at bygda står 100 % bak dei der. Trur knapt han trudde meg ?(eg har vitner til denne samtalen) Demokrati ? Kva meiner du ?
Eg er stolt over at så mange torer å gå imot gamle utdaterte planar -på demokatisk vis. Håper kommuna/Vegvesenet sender fagfolk hit for endeleg plassering, og at dei kjem fram til følgande konklusjon:
La riksvegen gå til sentrum- ikkje gjennom sentrum
Per Stein Straume
Eg har oppfatta det slik at dei langt fleste vil at riksvegen skal gå etter gjeldande reguleringsplan same kvar fergekaia vert plassert.
Eller tek eg feil?
Kvifor skulle Hustadnes legge fram lista til journalisten? Alle veit kva side han er på. Dermed vert det vanskelig å festa lit til dette ordkløyveret av ein artikkel.
Politikera som var med på vedtaket syntest og at det gjekk litt fort i svingene.
Vedtaket skulle på plass der og då.
Her inne var det minst 2-3 bygdemøte
i tunellsaka.
Alle i bygda fekk sjå planer og fekk kome med innspel.
Reguleringsplanen burde ha våre diskutert på bygdamøte før vedtak.
Greit at planen blei diskutert her på portalen men den burde ha våre framlagd og diskutert på minst 1 og kanskje 2 bygdamøte.
Når eg går til valboksa kvart fjerde år, er det i tillitt til at dei som blir valde inn skal gjere slike vurderingar på vegne av meg.
Elles er det flott med engasjement hos oss alle i bygda, men korfor ville ingen av oss som skriv her inn i Grendalaget som også er eit høyringsorgan for nett slike saker vi no drøfte?
Eg veit og at for andre er det ikkje viktig at her kjem tomter til nye bustader i Sæbø sentrum. Viss dette blir framtida, bør eg kanskje sikre framtidig pensjonskapital og byte huset mitt her mot hus i meir sentrale strok. Og eg som trivest her i bygda, sjølv om her ofte kan bli for stilt.
Eg vil forresten ikkje verte portalpoliti, men please..... kan vi diskutere saka og ikkje fullt så mykje koss vi ordlegg oss? Då er det kanskje fleire som torer seg inn til å seie meininga si.
Kvifor ikkje diskutere henne i eit møte.
10 år er lang tid Hilde
Det kan vere heilt nye eigera av eiendommene og heilt nye ting som vedrører saka.
Før en reguleringsplan er 10 år kan kommuna berre sette i gang uten noko meir.
Gjennom møte kan sjølv stribukker snu si meining.
Ei lita tue kan velte store lass.
Det er viktig å ta med tua i diskusjonen.
Den erfaringa har i vert fall eg gjort meg.
Etter å ha spurt mange meinar vi å ha dekning for at HB ikkje har støtte frå heile Sæbø.
Så stiller vi eit enkelt spørsmål; Er det bra for Sæbø at HB stiller som talsrør for bygda?
HB jobbar for det dei trur på og har i sitt arbeid vore flinke til å holde kontakt med beslutningstakarane.
Vi trur der fins andre og betre løysingar for Sæbø.
Difor var det viktig for oss å sende dette signalet til dei folkevalte.
Eg vart provosert av tonen i dette intervjuet frå HauaKnut, men i dag er eg god att. Vi må huske at det kjem eit liv etter denne saka også. Då gjeld det å ikkje vere for stive i nakken når vi treffest.
Eg har også attelet for at det vert for einsidig mot H.bygdemob. For det aller meste av arbeidet deira har vore prisverdig, og fortener stor respekt.
Skulle det likevel dukke opp ei liste mot at riksvegen vert lagt rundt Slettedalshjørnet, så skriv eg gjerne under.
- at Våge/Hustadnes/Straume "fosser fram" på sin måte, enn at HB "fosser fram" på sitt vis?
Men det er viktig at ein får fleire sider på bordet.
Ka vi meiner bør vere viktig syns eg.
Eg for min del vil gjerne ha ferge kaia der Bjarne Hustadnes & co.
Men en annen ting er at eg syns det burde bli vanskeli for folk som berre vil bu her når dei har fri, å kjøpe seg hus.
Hytter er nok ok, men å la folk kjøpe dei gamle husa for å nytte dei so ferie hus?
Burde vore ei lov mot slikt, buplikt på slike plasser er vikti ellers so blir det en kjedeli plass på vinterstid.
Det er ein ting eg er litt skeptisk til ved flytting av ferjekaia dit Bjarne H. vil ha den: er om bilane kjem til å svinge innom sentrum??
Desse bilane utgjær kanskje berre 1-2% av omsetnaden til butikkane men tenk om det er nettopp desse 1-2% som gjær at det blir kroken på døra for butikkane. Sæbø har ikkje råd til å miste butikkane!!!
Eg vil ikkje gamble med framtida til butikkane på Sæbø, berre for at dei som er i Sandvika ska få litt privatliv når dei sitte i fjøra og grilla om sommaren!
Eg vart berre så forundra over at Hustad først kan forfatte ein artikkel der han framstår med sterk omsut for Lisjeelva og så i ein kommentar til den same artikkelen viser seg som ein varm tilhengjar av ein reguleringsplan som er den, ivertfall førebels, einaste konkrete planen som definitivt vil leggje elva i røyr.....
Registrerer den formidable motstanden her med dette brevet og respektere det. Eg har heller ingen problem med å treffe nokon av dei som står på denne lista, for her må vi kunne respektere at det er eit delt syn på denne saka. Det eg også registrerte når eg las over brevet og underskriftene her var at eg kjenner ca halvparten av dei. Det skulle ikkje ta meg lang tid å skaffe ei tilsvarande lang liste med familie og kjente.
Vi som fortsatt bur her må vel snart godta at vi er i mindretal. Feriebustader blir det fleire og fleire av og fastbuande ferre og ferre. Noken flyttar herifrå og andre tar naturleg avgang. Trur ikkje at denne "ironiske" og "skitslenginga" til kvarandre gangnar verken saka eller bygda på sikt. Det blir verken kjekt å bu her eller å feriere her viss dette utartar seg i den retninga det ser ut.
No har motstandarne av kaia i Sandvika komt med eit alternativ.
"Forkjemparane" for å få kaia iflg reguleringsplanen har sagt sitt. Så då bør det være opp til dei folkevalgte å vurdere kva som skal skje.
Legg og merke til at inlegget til Synnøve R. Hill ikkje har fått så stor merksemd når det går på kommentarar. Kvifor det? Det er etter mi meining eit sakeleg inlegg for å plassere den i Sandvika. Alle som bor i Ørsta kommune veit at det er ikkje så frakt økonomisk der.
Elles så har Myklebust/Våge komt med masse for å flytte kaia. Men eg synets ikkje at argumenta for å flytte den er noko betre en dei andre, men det er då mitt syn. Vi får håpe at det kan bli ei løysing på dette til slutt:-)
t.d -bautaen. Det er sagt at den ikkje skal røyvast, så då er vel ikkje det tema...
kapteinskvia: -kva har den med ferga å gjere då?? - den skal heller ikkje kome i konflikt med flytting av fergekai skulle ein tru.. -har sjølv vore med å sett på dei planane i nemda.
Konflikt for dei badande?
Når eg som er den av dei fleste på Sæbø som brukar badestranda mest på Sæbø ein fin sommardag går vi først gjennom eit kjekt og livlig sentrum..Fullt av folk som ventar i fergekøa, et gjerne ferske bollar eller is... då går vi innom nutte og daffa og kjøper ferske skulebolla til frukost.. men Karoline ropar til meg: -mamma vi må skunde oss for å rekke fergebølgene...
Det er det kjekkaste ungane på badestranda veit når vi er der.- så eg forstår ikkje at det skal være noke problem...
Trafikkfarleg: - av dei som har underskrevet lista trur eg ikkje så mange har skuleborn på Sæbø skule, eg har 3 stk, som kvar dag går til skulen. -minstejenta er på 6 år, og eg tør påstå at det ikkje er nokon farleg skuleveg dei har.
Og når her er mest turistar om sommaren , då har ungane skuleferie...-det er mange framme i dalen som har mykje farlegare skuleveg, tør eg påstå.. Eg sit også med frukosten og ser ut av vindauget kvar dag skuleungane går til skulen..
Sjølvsagt vil eg at bakeriet skal ha ope, og begge butikkane godt utval i hyllene, då betyr det at sel dei 10 bollar eller 50 bollar (til fergefolk)så får vi betre utval og ferskare varer i hyllene...
Dette er litt av mine tankar og meiningar, slett ikkje alle..
Eg håpar at folk kan respektere at alle har kvar sine meiningar , og godta det. -Og klare og skilje person og sak. - Det trengs i ei lita bygd:)
Eg gler meg iallefall til sommaren og sjå yrande liv i sentrum, og kjenne ferske bakarlufta på vei til stranda.. Det treng ein etter ein lang vinter med eit "Stille" DØDT" sentrum.- Det vil ikkje eg ha om sommaren, derfor vil eg ha yrande folk her som gjerne ventar i fergekøa, enten på kapteinskvia, stranda eller sitjende på kaikanten med ein kaffi i handa, eller sit på ein benk og skriv kort av fjella her, og postlegg det i postkassa etterpå..
Kanskje må vi av og til tenke kva som er best for bygda, og ikkje for meg og mine..
Ynskjer alle ein god sommar som vi har i vente, og respekterer at vi er ulike og ulike syn i saka..- eg klarer å skilje person og sak, så får vi sjå kva andre gjer..
Elisabeth Årseth Dimmen
Ho blei flytta langt vekk frå Sentrum
Blei Sentrum folketomt?
Forsvant butikkene?
Ellers ville eg støtta ei ferjekai i Sæbøøyrane. Verkar veldig logisk reint trafikkmessig.
Syns heller ein bør sjå på andre alternativ for å trekke folk til sentrum enn ei ferjekai. Tenker f.eks. på ein liten vei frå ferjekaia og mot sentrum med mykje grønt/steinmurar osv. og gammaldagse informasjonstavler med lokal historie og segner som ein kan gå å kike på medan ein ventar på ferja. Kanskje også den fyrste traktoren eller bilen som kom til bygda utstilt i eit glasmonter(dei har noke liknande i Ørskog). Kanskje ikkje verdas mest fascinerande ting, men det kan vere nok til å vekke litt interesse. Eller kva med ei sandvolleyballbane ein stad der det no er asfalt i sentrum. Sit berre preikar ut noke bs eg kom på akkurat no, så ta det med ei klype salt!
Poenget er at dette hadde eg ikkje sett svart på!
Problemet er så klart at det verkar som ein må utnytte Statens Vegvesen for å få gjort noke. Det må vel finnast andre måtar å få rusta opp på?
Når fylket skal overta, er jeg redd for at hjelpen blir liten.Noen som vet litt om dette?
Men ser du butikken fra køa eller veit kvar han er for du kjøyde forbi han nettopp so kan det hende du spring bort å kjøper noko sjølv om du berre har 10. min til rådigheit.
Ellers so ser eg at Ole Martin og Bjarne er flinke til å teikne nye planer for Sæbø men med berre nokre pennestrok har dei teikna vekk arbeidsplassen til far min! I 12 år har han hatt arbeidsplassen sin der han ligg no men ikkje på ei einaste teikning har han fått plass. I mine auge er han vel so viktig båten som ferja..
Skuffande er det også å lese i avisa at våre forslag hindrar arbeidsplassar i bygda. ?????
Tomter: beste tomta i bygda er rett bak huset vårt, gamle aldersheimen. Slik den står i dag er den farlig med mange knuste ruter og lett for born å kome seg inn. Kor mange tomter kunne vi fått der ? Kva meiner Bygdemobiliseringa om dette ?
Reguleringsplan: planen for Sæbø er frå 1997- 12 år. Trur ikkje dei for 12 år sidan diskuterte tunell frå Volda til Furene. og det utanom sentrum.
Nedlegging av butikkar: Vi jobbar begge bortafor, handlar det meste på Sæbø. Vi veit vi kan spare mykje pengar ved å handle i Volda og Ørsta- Trur fleire kunne støtte dei lokale butikkane- viktigare enn den eine isen eller rosinbollen frå dei som kjem iland frå ferja. Vel, med ferjekaia på øyrane veit eg det vert kortare å gå til butikkan enn fra Sandvika.
Kvifor er Bygdemobiliseringa så lite samarbeidsvillige i denne saka ? Det er jo første gongen dei møter motstand. Samtidig vil eg skryte av Bygdemobiliseringa på andre områder.
Mange at dei som støttar vår side er "feriefolk" som har halde til her i generasjonar. Mange i bygda vil ikkje at dei skal ha stemmerett i denne saka. Eg lurer på kven som skal ha stemmerett ? Kva med dei lenger fram i dalen ? kva med dei på urke ? Er det berre sentrumsfolk ? Nokon som kan svare på det ? Tenk dokke om- alle muligheiter vi har- med mindre biltrafikk. Vi må satse på at fleire velg å stoppe på Sæbø fordi det er ei vakker bygd i ein vakker fjord, og ikkje berre for å kjøpe ein is medan dei venter på ferje.
Hvis no Bygdemobiliseringa skal fortsette, må dei ta med seg lærdom av denne prosessen.
Venleg helsing
Hilde Sæbønes
Ferjekaia i Sandvika har vi ikkje tenkt så mykje på anna enn at den må snuast mot Lekneset. Vi har vore oppteken av å fylgje reguleringsplanen bortsett frå vegen rundt Slettdalshjørnet der meiner vi den nye riksvegen må ligge for å spare areal på Sæbø. Ikkje veit Ø.kommune kor mykje plass den treng rundt S.hjørnet og ikkje vi, så ha ei bastant meining her har vi sagt at det venter vi til Vegvesenet har kome med vegprofilen sin.Skulle Vegvesenet velje å bygge vegen her, er vi overbeviste om at trafikksikkerheita for gåande vert ivareteken.
Når du undrar på kvifor det har vorte så steile frontar så har det irritert grenselaust at HB har vorte beskylda for å ville flytte Bautaen og å øydelegge Prestehagen. Dette har vi avist gong på gong og eg vil kome med eit kraftig oppgjer i morgon i ein stor artikkel der eg klargjer for HB si rolle.Rett nok hadde vi flytta Bautaen i 3D-visjonen vår, men har seinare sagt at dette var ein feiltakelse. Grunnen var at Gjengedal teikna inn torget inni Prestehagen som etter reguleringa ligg utanfor Slettedal. Når vi bemerka det, så overbeviste han oss om at dette var ein flott måte å få folk engasjert på, og det vart det også, men på ein negativ måte.
Skulle du ynskje å treffe meg eller dei andre i HB så må du gjerne ta kontakt. Ellers har eg rekna med at du har hatt god kontakt både med Sæbøgruppa og oss andre sidan du har vore engasjert ilag med oss.
Mvh Ivar Svein MO- leiar
Alexander. Då eg for over eit år sidan kom med denne gamle ideen om å flytte kai, skreiv eg: "Foreslår at fergekaia og "Hjørundfjord" byter plass"
Og fleira gonger seinare har eg nevnt at Skyssbåten kan plasserast i Sandvika.
Dernest tilbake til saka. Tek ein eit steg tilbake ser eg at mykje av argumenta som vert brukt på begge sider byggjer på teoriar og ikkje endelige fakta.
Ingen veit sikkert om ei føring av vegen kring Slettdalshjørnet vil være mogleg utan at bautaen vert flytta men ingen veit heller med sikkerheit at krav til siktliner, fortau m.m. ikkje vil krevje større inngrep i Prestehagen. Ingen veit sikkert om det vil bli rom for ei miljøgate innafor budsjettet Vegvesenet vært tildelt eller om vegen vil bli liggjande som i dag. Ingen veit kor mange bilar det vert plass til i biloppstillinga i Sandvika eller om ferjekøa på travle dagar vert ståande på trappa til Årsethuset som i dag. Ingen veit heller kor lang anleggstid ein ser for seg og om ferja må stengjast i denne perioden. Ingen veit sikkert om kaia vert liggjande nedanfor Willehuset, huset til Per Stein eller kanskje framfor huset til Berge.
Kunne det vore ein ide om vi alle no slær oss saman for så snart som mogleg få ei konkret uttale frå Statens Vegvesen kring korleis dei ser for seg dette løyst? Eg trur det vil være klargjerande for mange og kanskje tilogmed setje ein stoppar for heile denne diskusjonen.
Det ville ivertfall vore trist om den endelege planen faktisk kjem så seint at det blir umogleg å sjå på alternativ. Førebels er det ivertfall tid til å ombestemme seg dersom skissene frå Vegvesenet skulle vise noko anna enn det både HB og eg håpar på?
No på tampen har det vorte ein debatt om fergekai og veg og mykje rart som nokon har tenkte eller haurt eller ein veit snart ikkje kva som er og ikkje er.
Tillet meg igjen å foreslå at det vert kalla inn til møte med kommuna og vegvesenet, og Ag arkitektur. Då har alle som har forslag til endringar og forbedringar i Sæbø sentrum muligheter til å kome med sine forslag. Og ein kan verte hørt og sett.
Og ein kan få vite om vegvesenet har tenkt å legge tilrette med pynting av Sæbø sentum. Dei har vore der i mange år uten at det har pynta opp til no...
Og eit anna spørsmål som må stillast er vel om større ferger med større propellar vil grave ut under muren både på fergekaia og kva med DS ekspedisjonskaia? Vil den tåle det som ikkje vert tålt på fergekaia i dag? Eller vil det grave ut fundamentet slik at en risikerer at heile kaia kolapsar?
Om ikkje HB vil kalle inn så er det vel fritt fram for alle å ta eit innitiativ?
Foreslår og at ein får laga ei skikkeleg informasjonstavle over Sæbø som skal henge ved fergekaia - same kar den vert lagt...