Sett av ettermiddagen på mandag!

Måndagstrimmen tek turen til Gunnar-råsa 7/7.
Vi møtast oppe i fonnvernet kl 1800 og går runda om Storenakken nedatt Risebakkane.
No legg vi ut lista over måndagsturane fram til hausten.

MÅNDAGSTURAR!

Dato tur møtestad

7/7 Gunnar-råsa/Storenakken Fonnvernet

14/7 Årskogsøylen/Høgereset Holebrua

21/7 Sæbønestuva Leikeplassen på Sæbøneset

28/7 Vasstøylen/Kvamsedalen Samkjøyring v. bommen

4/8 Klokkura/Tryvatna enden på vegen Stokkesida

11/8 Hustadnestuva hamna på Hustadneset

18/8 Moakollen På Moane

25/8 Høgenausa Frøland

1/9 Årskogstøylen/Høgereset Holebrua

8/9 Gunnar-råsa/Storenakken Fonnvernet

15/9 Eitrefjellet parkeringsplassen på b. eidet

22/9 Gamlevegen v.vegen på villane

29/9 Rekkedalsetra v.fjøsen til O.J. Rekkedal

6/10 Rognestøylen v. bommen i Sledalen

Vi håper på godt vêr og godt frammøte.

VEL MØTT!

Helsing Trimgruppa!

Lagt inn av Bodil Skare
04.07.2008 01:08

Stikkord

Stikkord gjer det lettare å finne fram til stoff som er i ditt interesseområde. Du kan trykkje på eit stikkord for å få fram innlegg som omhandlar temaet.

Kommentarar

Kari Hame - Gåve til trimgruppa 04.07.2008 kl. 12:36

Rundt 1990 oppretta det som den gong var dametrimgruppa, ein konto, der medlemene betalte inn 50 kr. ein eller to gonger. Vi kjøpte inn kassettspelar og hadde elles ikkje større utgifter. Medlemer var bl.a. Else Årseth, Sigrid Berge, Anne Lise, Kari, Helga, alle med etternamn Riise, Solfrid Holen, Gunnhild Slettedal og Ragnhild Frøland. Vi(helst underteikna)har tala om å drikka opp pengane, men kr. 306 som pr. idag utgjer formuen vår, dekkjer ikkje mange skvettane med godt drykk. Difor overlet eg pengane til Bodil Skare og trimgruppa, og går hermed i banken og fiksar saka! Lukke til med turane!

Alf Ole Aarseth - Chablis på tur ? 04.07.2008 kl. 17:55

Eg har eit forslag Bodil & co; for kr 306,- får dokke kjøpt ei verkeleg god flaske Chablis.
Ta med den i sekken på tur i "Gunnar-Råsa"
Då får dokke tatt ein velfortjent skål, både for dokke sjølve og for Gunnar-Råsa.
Få med dokke så mange som mogeleg frå 1990 gjengen, og Gunnar hadde sikkert også satt pris på at Råsa vart skåla inn på skikkeleg vis.
Trim og alkohol høyrer kanskje ikkje heilt saman, men det vert no ikkje mange dråpane på kvar, så det bør gå ;-)

Haldis Fiskå Mo - Takk for gåva 04.07.2008 kl. 21:49

Tusen takk til Kari og dametrimmen "den gong", Vi i trimgruppa set pris på gåva. Pengane bør vel ikkje drikkast opp, men forslaget til Alf Ole var superbra! Kva seier de trimmarar??

Kari Hame - Chablis i ryggsekken? 05.07.2008 kl. 17:17

Her må eg blanda meg inn! I denne varmen med kvitvin i nistesekken? Nei, det er for gale! Pisselunka chablis i plastkrus? Spanderer de ikkje skikkeleg kjøling og krystallglas, kan det berre vera. Men Gunnar fortener ein skål, det er sant!

Bodil Skare - Tusen takk! 05.07.2008 kl. 23:45

Ja her må me takke for gåva , og vi må finne på noko som smakar og lagar feststemning .
Dette var ei super overassking!

Skriv kommentar:
Logg inn for å kunne skrive kommentarar