Klikkar du på linken under, får du sett ein filmsnutt på 4 minutt og 30 sekund. Snutten er sett saman av av 89 foto for det meste av turar på Hjørundfjordfjell i løpet av siste året - med unntak av eitt foto.
Dette er sjølvsagt ein filmsnutt for entusiastar, men - får eg håpe - ikkje berre det. Eit mål med denne "film"-snutten må også vere PR for området vårt slik at fleire tek turen hit, både unge og gamle. Det kjekke med desse turane er også at både unge og litt eldre har det triveleg i lag. Per Atle Røe er nok med sine 64(?) er nok den eldste som er med, men han har slett ikkje tenkt å slutte med fjellturar på ski. Det har heilt sikkert heller ikkje yngstemann på laget, Vegard Riise (22). Elles må eg berre beklage at så få jenter/damer er med. Det må rettast på til eit seinare høve.
Min gode turkamerat og svigerson Fred Ingar Somby og eg har etter kvart fått eit stort fotoarkiv. Eg fann ut at det måtte nyttast betre. Elles er det for det meste Fred Ingar, min gode turkamerat Ronny Opsahl Haugen og underteikna som er på fotoa, men vi ser og fleire andre. Kjenner du dei?
Skientusiast Vegard Riise er ein av dei du finn på filmsnutten under
Stor takk til Fred Ingar, som har brukt mykje tid med Photoshop og takk til min kjære son Jakob, som har lagt på lyd. Og sjølvsagt stor takk til Roy-Magne Mo. Denne filmsnutten vert liggande berre på portalen no i helga så send ein link til dei som evt. er interessert.
Skru opp volumet på pc-en og klikk her:Denne linken er no dessverre fjerna. Det er ingen dramatikk som ligg bak, men det har med opphavsrettar/Hjørundfjordportalen og underteikna å gjere. Skulle det vere ein eller anna som gjerne vil sjå snutten, og ikkje får sett den på anna måte, ta kontakt med underteikna på e-post. Adressa finn de under "Kontaktpersonar" øvst til venstre. Og kven veit - kanskje er snutten allereie å finne der ute i verden slik Rune S nemner i sin kommentar?
Kommentarar
Om veret blir bra stryk vi til fjells. Dette var fantastisk. Og dette har du brukt mykje tid på Knut. Eg er etterkvart 100 % overtydd om at vi bur blant verdas vakraste fjell.
Eg sa eg fekk gåsehud første gongen eg såg den, og det fekk eg no også..
Veldig fine foto men likar best å sjå slikt på film.. Meir enn 20% stigning og ikkje minst unnabakke er for mykje for meg! Det fint vi har kvart vårt område å konsentrere oss om..
Takk for at du tek oss landkrabbar med til fjells!
Her er det bare å sende til venner og kjente og gjøre klar alle gjestesenger...
(Og kanskje opprette et eget alpint turistkontor på Sæbø? Innovasjon Norge bruker for mye midler på landbruk, så...?)
De som startet dagen i dag med denne snutten etterfulgt av en titt ut vinduet kan ikke la være å "stryke" til fjells som Ronny sier..
http://www.youtube.com/watch?v=cQ7ZfklbGj0