Desse personane må vi sikre slik at dei kjem inn i Ørsta kommunestyre:
Bodil Skare (Ap)
Ola Perry Saure (Sp)
Cecilie Rørstad (Sp)
Knut Åmås (KrF)
Unn Frøland (Sp)
Steinar Nordang (Sp)
Dei nemnde kandidatane er villige- og ynskjer å kome inn i kommunestyret. Dei har synt seg å vere gode til å få fram meiningane sine i debattar og i media og ikkje minst bur dei på ulike stadar i Hjørundfjorden.
For å få inn desse personane, må dei kumulerast (set eit kryss på røystesetelen i ruta framom namnet deira), eller skriv opp namna til desse personane bak på røystesetelen du brukar. Dermed vil dei få ei ekstra røyst – såkalla ”slengjarar”.
No må sjølvsagt veljarane i Hjørundfjorden få røyste/stemme på det partiet dei vil, men: Det er størst sjanse til å få inn representantar frå Hjørundfjorden dersom du brukar ei av desse listene: Det norske Arbeidarparti, Senterpartiet eller Kristeleg Folkeparti.
Framgangsmåte:
Brukar du Arbeidarpartiet si liste set du eit kryss i firkanten framom namnet til Bodil Skare. Så snur du lista og skriv opp namnet til Ola Perry Saure, Knut Åmås, Unn Frøland, Cecilie Rørstad og Steinar Nordang.
Brukar du Kristeleg Folkeparti si liste set du kryss i firkanten framom namnet til Knut Åmås. Så snur du lista og fører opp namnet til Ola Perry Saure, Unn Frøland, Bodil Skare, Cecilie Rørstad og Steinar Nordang.
Brukar du Senterpartiet si liste set du kryss i firkantane framom namna til Ola Perry Saure, Unn Frøland og Cecilie Rørstad. Så snur du lista og fører opp namna til Bodil Skare, Knut Åmås og Steinar Nordang.
Brukar du ei av dei andre listene (Venstre, FrP, Høgre eller SV) er det svært viktig at du snur denne lista og fører opp namna til Unn Frøland, Cecilie Rørstad, Ola Perry Saure, Knut Åmås, Bodil Skare og Steinar Nordang før du legg røystesetelen i stemmeurna..
Kanskje er det for nokre eit sakn at Asgeir Standal ikkje står på denne lista, men han er allereie prioritert på FrP-lista til Vartdal.
Ta gjerne ein kopi av denne lista og del den ut til røysteføre slektningar og vener (enno er ikkje alle brukarar av Hjørundfjordportalen) Ta så lista med inn i avlukket i vallokalet som hugselapp. Så kumulerer du den/dei aktuelle kandidatane, snur så lista og skriv opp namna på dei andre kandidatane på baksida av den vallista/røystesetelen du brukar.
Sjølvsagt kan du også ta med ei ferdig utfyllt liste til vallokalet. Det er svært viktig at akkurat desse seks kandidatane vert kumulert eller ført opp på baksida av vallista om denne aksjonen skal verte vellukka. Vert fleire personar ført opp, vil denne aksjonen verte utvatna/svekt.
NB: Det er ikkje lenger lov til å stryke kandidatar. Listene vert ikkje kasta sjølv om du stryk ein kandidat, men det har inga hensikt. Det vert ikkje teke omsyn til at kandidatar er strokne frå listene under oppteljinga av røystene.
Bruk røysteretten. Godt val.
Ein liten presentasjon av dei ulike kandidatane:
Ola Perre Saure (Sp): Er fødd i 1960. Bur i Skjåstaddalen der han er bonde.Veteran i kommunestyresamanheng. Er i dag varaordførar i Ørsta kommune og er Senterpartiet sin ordførarkandidat.
Bodil Skare (Ap): Er fødd i 1965. Bur på Rise i Bondalen. Arbeider på "Hjørundfjordheimen". Har fire år bak seg i kommunestyret. Har gjort ein flott jobb, viser att og har gode emner til samarbeid med dei fleste.
Knut Åmås (KrF): Er fødd i 1952. Bur på Sæbø. Han er sjef på den kjære og gode "Hjørundfjordheimen" vår. Han har gjort godt arbeid på fleire områder, ikkje minst for Speidarane på Sæbø.
Unn Frøland (Sp): Fødd i 1976, er fødd og oppvaksen på Frøland i Bondalen. . Er i dag førskulelærar, men er også utdanna som agronom. Bur i dag i Follestaddalen (Men seier ho skal tilbake til Bondalen så snart som råd). Det er ei fryd å sjå kor uredd ho er og ho kastar seg inn i debattar - ikkje minst her på Hjørundfjordportalen. Viser ei god evne til å få gjennom saker.
Cecilie Rørstad (SP): Fødd i 1979. Bur på Bjørke. Student ved Høgskulen i Volda og bonde. Ho er i dag leiar i Bjørke grendalag og medlem i styringsgruppa i Hjørundfjorden bygdemobilisering. Er, saman med m.a. Oddhild Saure Bogen (som også står på Sp si kommunevalliste), ein av dei personane som må takkast for at det straks vert tunnel mellom Bjørke og Leira.
Steinar Nordang (SP): Fødd i 1942. Bur på Nordang i Norangsdalen. Bonde, pelsdyroppdrettar og slakteriarbeidar. Veteran, også i kommunestyresamanheng. Denne mannen har gjennom åra hatt ei rekkje med tillitsverv, m.a. innan pelsdyrnæringa. Denne mannen kan å debattere. Den som har høyrt ein diskusjon mellom han og Ola Stenvågnes, tidlegare medarbeider i NRK Møre og Romsdal, gløymer det ikkje.
Alle desse seks kandidatane vil heilt sikkert representere Hjørundfjorden på eins vært god måte i Ørsta kommunestyre og også om så i Ørsta formannskap. Vi kan knapt få eit betre lag.
Kommentarar
Oddhild Saure
Jostein Skjåstad
Asgeir Standal
Hjørundfjordinger alle desse.
Det er mange hjørundfjordingar som står på røystesetlane til dei ulike politiske partia i Ørsta, men alle desse kan umogleg kome inn i kommunestyret. Målet må vere å få inn minst like mange representantar som vi har i inneverande kommunestyreperiode, dvs. fire. Skal vi greie det, må vi prioritere hardt. Difor må vi hjørundfjordingar samle oss om dei same få, men gode kandidatane skal denne aksjonen lukkast.
Litt mykje SP etter min smak.
Ei "ferdig" oppsett liste er vel heller ikkje min stil, men ved dette høve kan eg vere einig.
Eg er godtfolk, framleis oppteken av ein oppdrettsfri fjord. På bakgrunn av NETT den saka, følgjande: Avdi SP har gjeve garanti for ikkje å sleppe oppdrett til i Hjørundfjorden, er dei 3 nye kandidatane eit o.k forslag.
Men no må partiet vere å stole på!
Bodil veit vi kvar vi har. Knut Åmås trur eg nok og står for eit nei.
Eg såg helst vi hadde ein kandidat frå ytre del av Hjørundfjorden. Asgeir Standal er det tak i. Han har gjort og vil gjere mykje bra i Hjørundfjorden. Men så var det dette med "oppdrettsvennligheit." For meg. Var det ikkje for det, ville han stå på lista mi og erstatta ein SP kandidat. Så viktig er denne saka i mine augo!!
Johs. Halland er eit godt alternativ.Som tidlegare kollega av han, kan eg seie at han er påliteleg, kunnskapsrik og grundig. Og ingen "oppdrettsmann". (Sjøbasert, Johs.!)
Han vil eg la erstatte Ola Perry Saure.
Då vil vi ha representantar som inneber "vitaliseringa" og fornyinga som eg tidlegare har etterlyst.
Inga hemmeligheit. Mi liste vil sjå sånn ut. Bodil Skare (AP-liste med dobbelrøyst/kryss.)
"Slengjarar:" Johs. Halland,(Venstre) Knut Å., (Kr.F)Unn Frøland (SP) Cecilie Rørstad (SP) og Steinar Nordang (SP)
(Eg må svelgje ein del kamelar med dette oppsetet, må eg innrøme.Skulle eg sjå politisk "meir heilheitleg" på det,ville mi liste sjå annleis ut. Men dette er "eit unntaksval" for meg.
Kandidatar/parti som vil hindre oppdrett i Hjørundfjorden går foran.
Når valet er forbi, og saka ligg i hendene på politikarane, skal de ikkje høyre eit pip meir frå meg ang. nasjonalfjord/elv og villaks.
Då er ringen sluttet. Etter snart 12 år etter eg skreiv min første artikkel i Sunnmørsposten.
Eg er sliten av denne saka eg og, kjære lesararar..... ikkje berre de.
Det er å beklage at det er nødvendig med mottiltak,men hjørundfjorden må få betre representasjon enn tilfelle er i dag.
Og då er "ureint trav" nødvendig, så lenge det er lovleg.
Som valvakt ved svært mange val, veit eg kor strengt og formelt det foregår. Og ikkje minst kor hemmeleg det er å røyste.
Det smakar ikkje godt å verte med på slike aksjonar. Men når nokon driv med "valdoping", så må ein fylgje på, skal ikkje f.eks. Bondalen sitje att med ein representant, slik som no.
Det er likevel leitt at dei andre Hjørundfjordingane som har stilt opp med ambisjonar om å verte valde, har tapt på førehand.
Det er litt sent å ta det opp når andre parti har
fått tak i fleire oppdrett som vil til Hjørundfjorden.
Pr. i dag er det forbod mot etablering av nye
oppdrettsanlegg i Hjørundfjorden. Sperregrensa ligg fast mellom Festøy og Hundeivik.Difor er det viktig at det vert eit fleirtal i det nye kommunestyret.
Denne saka er no ein del av kystsoneplanen som skal handsamast.
SP har offisielt sagt at dei juridisk bind seg til eit forbod, så då må ein vel no tru dei.
AP vil heller ikkje ha oppdrett i fjorden. Dei andre partia har ikkje svara på mine utfordringar korkje her på portalen eller i Møre Nytt.
FRP kan ein vere trygg på står for det motsatte.
Røynslene frå førre kommunestyre er at Venstre og SV er delte i synet.
Men saman med AP og SP vil det likevel verte fleirtal mot.
Difor er det så viktig no å stemme taktisk for dei som er imot å forureine den vakre fjorden vår.
Eg har saumfare programma til dei politiske partia. Og rett skal vere rett. Berre i SP sitt program står det klart at dei ikkje vil ha noko form for oppdrett i Hjørundfjorden.
Her på portalen har Bodil Skare gått god for at AP er imot. Eg reknar med vi kan stole på det.
Kvifor var det eit område for oppdrett der vist det ligg eit forbud/sperregrense slik du Strand seier.
SP må få forbudet mot oppdrett fastlagt i minst 30 år fram i tid.
Oppdretterene jobber for etablering det skal vi ikkje gjemme under en stol.
Sperregrenser kan oppheves om 4 år om den ligg der då.
Det blir som ei sku mil da.
Her må man ha forbud som ligg fast i lange tider.
Hjørundfjorden er ennå forurensa av anlegg som var her for 15 år siden.
Ja, det er fleire frå Senterpartiet på denne lista, men grunnen er kort og godt at Senterpartiet har mange kandidatar frå Hjørundfjorden. Eg kunne ha tenkt meg også ein annan kandidat frå ei anna liste, men denne personen ynskte ikkje å verte framheva her på portalen - han ville kort og godt ikkje inn i kommunestyret. Det må respekterast.
Igjen; veljarane må sjølvsagt få gjere det dei vil med listene dei brukar, men utan tvil er det lettare å få inn folk i kommunestyret frå Hjørundfjorden dersom vi gjer som denne valaksjonen tilrår - kumuler berre desse seks personane og gjev dei same seks "slengjarar" ved å føre dei opp bak på vallista.
Og Roy-Magne Mo: Det har vore sagt igjen og igjen - dersom hjorundfjord.no står bak, eller skal ha ei meining så er det Administrator som skriv under. Alle vi andre skriv som privatpersonar. Det er altså Knut Hustad personleg som står bak denne aksjonen, men eg har sjølvsagt diskutert dette med andre og spurt om gode råd.
Korleis stiller partia seg vist en person nede på lista får 1000 ekstra stemmer (slengera)frå andre parti?
Har denne personen då lov stille som ordførerkandidat for partiet vist han vil?
Det vil vere opp til partia sjølve å endre ordførarkandidat dersom det viser seg at ein person har fått svært mange personlege røyster, og langt fleire enn vedkomande ordførarkandidat på lista. Det høyrer til sjeldanheitene at partia endrar kandidat. Eg veit ikkje om det har hendt med sjølve ordførarkandidaten, men eg veit at nokre gonger har eit parti som har ein kandidat med svært mange personlege røyster, stilt denne som varaordførarkandidat.
Veljaraksjonar kan vere eit tviegga sverd. I dette tilfellet kan det sjå ut som ein aksjon i Hjørundfjorden er eit svar på aksjonar på Vartdalsstranda og i Ørsta sentrum. Det kan gje ei samansetjing av kommunestyret som ingen hadde trudd på førehand, og som kanskje ikkje vert representativ.
Vidare kan slike aksjonar medføre at mulegheita til å endre lister med tida vert redusert frå sentrale styresmakter si side. Det skjedde med strykingane. Argumentasjonen for å fjerne mulegheita til stryking var todelt. Det eine var at med å fjerne stryking, ville ein kanskje enklare få kandidatar til å stille på ei liste (folk likar jo ikkje å verte strykne nord og ned), og det andre argumentet var at det ville ta vekk den største mulegheita til å manipulere ei liste.
Faren med å innskrenke veljarane sine mulegheiter til å endre lister er jo at det vert mindre demokratisk. Partia sjølve avgjer rekkjefølgja på kandidatane på eit nominasjonsmøte, og på eit slikt møte er det ikkje mange partimedlemmer som møter.
Din stemme teller og kumulering er viktig når det fra sentrumspolitikere hevdes at bygdene får for mye på bekostning av sentrum.
Det kjempes for demokrati i verden, men her til lands finnes kommuner med under 40 % valgdeltakelse! Skremmende...
Hva denne likegyldigheten skyldes kan diskuteres, men vi har som Knut poengterer mulighet til å påvirke valgresultatet ved å bruke stemmeretten vår aktivt!
Ved Stortingsval er det vanleg å gje si stemme utan å endre på røystesetelen, men ved kommuneval er det i alle høve vanleg å kumulere, dvs. setje eit kryss i ruta framom ein person ein har god tru på. Dermed får personen ei ekstra røyst. Det å føre opp personar frå andre lister er nok ikkje så vanleg, men det er altså fullt loveleg og bak på stemmesetelen (på side 2) er det sett av plass til slike kandidatar frå andre lister.
Mange av oss hugsar t.d. godt at tidlegare ordførar Sigbjørn Kvistad fekk mange slike ekstrastemmer/personrøyster - det vi gjerne kallar "slengjarar".
Dette er altså fullt lovleg - det vert ikkje delt ut ferdig utfylte røystesetlar slik som det ser ut til vert gjort i andre delar av kommunen. Reint prinsipielt likar likevel mange av oss ikkje å vere med på slike aksjonar - dei negative sidene har kome godt fram i ulike kommentarar her.
Men same kva; Møre-Nytt opplyser at til dels sterkare aksjonar er på gang i kommunen. Vil ikkje vi hjørundfjordingar vere med på å samle oss om nokre bestemt kandidatar, sit vi kanskje att med færre enn fire representantar i kommunestyret slik vi som nemnt har no.
Så mi oppfordring er framleis: Ver raus og før opp desse nemnde kandidatane på di liste sjølv om dei tilhøyrer eit anna parti enn ditt eige.
Vedr. oppdrettslokalitetar som er innvilga av Ørsta kommune. Dei kan ikkje kommuna gå attende på, men dei kan bestemme at desse ikkje skal nyttast til laks, men annan fisk. Slik eg skjønar det. Dette vil vere til fordel for villaksen.
Saman med eit forbod mot nye lokalitetar er dette det vi motstandarar av oppdrett i fjorden kan kjempe for.
Så enno ein gong. Stem inn kandidatar som ønskjer ein mest mogleg oppdrettsfri fjord!
Før sperregrense mot oppdrett i Hj.fjorden vart oppretta for 10 år sidan, var det allereie innvilga 3 konsesjonar i fjorden.
På Viddal, Trandal og på Saltre. (Konsesjonen på Bjørke er flytta ut av kommuna.)
Den ytst i fjorden er aktiv. Såvel på Trandal som på Viddal ligg dei klar til bruk.
Det er nye konsesjonar vi må hindre. Her kjem det nye kommunestyret inn i biletet.
Det er dei som avgjer det.
Grunnen til den noverande sperregrense var at regjering/Direktorat ville vente og sjå om Hjørundfjorden vart nasjonal laksefjord.
Det forutsette at Bondalselva vart nasjonalt laksevassdrag. Som elva ikkje vart.
Alt for mange, ikkje politikarar minst, skjøna ikkje den samanhengen.
No er Ørsta kommune kome i ei kattepine eg forutså.
Dei sa nei til nasjonalstatus for elv, og dermed fjord. Dei sjølv vil bestemme gjennom kystsoneplanen. Noko som er naivt.
Før kommuna sin kystsoneplan ligg ferdig handsama, er sperregrensa intakt.
Vart imidlertid fjorden nasjonalfjord, ville det seie forbod mot all slag oppdrett. Etablerte anlegg skulle gradvis ut av fjorden.
Eg må nesten innrøme det. Lettere parodisk er det at eg offentleg går ut og støtter SP i komande val. Partiet som bevisleg sørga for at eit ja vart til eit nei.
Men i "nøden spiser fanden fluer....
Helge Strand
Der ligg mykje jarnskraml ol
Ennå går det ikkje ann å sette garn der der. Det lukter kloakk eller så får du opp ei trillbåre og anna skrot.
Perry Bjørke