No er eg kanskje litt inhabil, men Inge Aarseth må vel være ein av Bondalens aller mest velvillige og hjelpsame ”redningsmenn”. I ein mannsalder har han ”rykka ut” til alle døgnets timar på hasteoppdrag, der fortvila bønder har hatt problem med mjølkeanlegg, silotaljar og andre elektriske apparat som har gått i stå. Det har aldri vore noko problem å få denne mannen til å stille opp på kort varsel, og som regel vart problemet fiksa på ”no time”.
Mange som kunne puste letta ut etter at ”Inge-patruljen” var på plass, og gardsdrifta igjen kunne gå som normalt.
Her er jubilanten saman med eit av barnebarna Oda Aarseth
I dag er det lov å gratulere Inge med dagen her på Portalen
Dagen vert feira seinare i månaden på Rekkedal Gjestehus
Kommentarar
Som nabo, gamal kunde og ven så vil eg ynskje deg ein innhaldsrik 70års dag, der mange hugsar på deg. Håper vi kan få gode råd med deg i mange år framover ennå. Gratulere med dagen.
Men eg er litt spent på om det går å hente han julafta for å reparere forvogn eller silotalje heretter?
Han har i alle fall berga meg frå krise mang ein gong.
Det har alltid vanka ei god historie når vi har vore i lag.
Sjølv når kyrne har vore utolmodige og svoltne har det vore mang ein god lått.
Eg hadde ein gong ein avløysar som greidde nesten kvar gong å gjere ei ubyde med silotaljen. Den gongen hadde eg ikkje kabelvogner, så ein måtte passe godt på.
Så kom eg heim att ein gong frå ein liten tur. Og då låg der ein lapp på mjølketanken. Og der hadde han skrive:
Taljen er i ustand, hent Inge, eg betalar!
Gratulerer så mykje med 70årsdagen, Inge!