Ørn tok måse på Sæbø stadion

Torsdag gjekk ei ørn til åtak på ein måse på Sæbø stadion. Sivert Aarseth (14) såg kva som hende, og han fortel at ørna gjekk til åtak på måsen i lufta.

- Eg skulle på trening, og var komen til bana då eg såg ørna. Ho dukka ned mot bana, og eg såg ho haddefanga ein måse. Eg trur ho må ha teke måsen i lufta, fortel Sivert tilk Møre-Nytt.

Han nærma seg ørna, og då letta ho. Måsen låg att - i live. - Han var delvis oppeten, og eg slo fuglen i hel, fortel Sivert.

Ei eller fleire ørner vart observerte fleire stader på Sæbø torsdag, har hjorundfjord.no fått melding om. Dei er tydelegvis ute etter måsen.

Sivert Aarseth med det som er att av måsen etter at ørna tok han. (Foto: Hallvard Bergmann, Møre-Nytt.)

Lagt inn av Rune Sæbønes
07.09.2006 20:43

Kommentarar

Tor Eirik Trandal - Endeli nokon som tek tak i problema 07.09.2006 kl. 21:46

Ørna har skjønt det.. vi har eit måseproblem. På Trandal kan ein sjå hundretals måsar sitte rundt om kring på markane ved ferjekaia. Det er bra vi har nokre ørner som tek han om saka. Vil gjerne ha bilete frå denne hendinga, så om nokon knugar på eit så send det til oss.

Kjell-Johan Aarseth - Ørn og måse 08.09.2006 kl. 10:13

Trudde ei stund at det var Ørn Horten som hadde slått FK Haugesund på Sæbø stadion :)

Skriv kommentar:
Logg inn for å kunne skrive kommentarar