I 1987 var første sesongen  Sæbø og Åmdal møttes i seriesamanheng i dåverande 6. divisjon. Sæbø feia Åmdal av bana og vann heile 10-1.
Ses8

Faksimile: Møre Nytt
 

Året etter i 1988 (6. divisjon) vart det ny siger til Sæbø over Åmdal. Denne gong med solide 4-1.


Det neste heimemøte mot Åmdal var også i 6. divisjon i 1992. Dette er einaste gongen Sæbø har tapt heime mot Åmdal i serien. Men då tapte Sæbø derimot stort. Heile 5-0 vann Åmdal i denne kampen. 

To sesongar seinare var Sæbø attende på vinnarsporet og vann 3-1 i 1994, også i 6. divisjon. Sæbø vart krinsmeistrar denne sesongen.

ses94

Ein ung og lovande Sverre Børge Hjorthaug skåra mål då Sæbø slo Åmdal
i toppoppgjer i 1994. Kan han gjenta bedrifta i morgon, 12 år etter?



I 1996 var Sæbø og Åmdal igjen i same divisjon, denne gong i 5. divisjon. Også dette året vart Sæbø krinsmeistrar, men måtte nøye seg med 2-2 mot naboen på Sæbø stadion.

Uavgjort vart det også i 1999 i 5. divisjon, denne gong 4-4 på Sæbø-grasbana. 

Året etter i 5. divisjon kom nok ein storsiger over Åmdal. 5-0 viste resultattavla til heimelaget i 2000-sesongen. 

Siste møtet før årets sesong var i 2004, då Sæbø igjen vart for sterke for Åmdal og sigra 2-1, også dette i 5. divisjon. 

Sæbø har altså ein solid statisikk over naborivalen på heimebane med 5 sigrar, 2 uavgjorte og eitt tap sidan 1987. Målskilnaden er 30-15 i favør Sæbø.

Når vi i tillegg veit at Sæbø har vore nærast utilnærmelege på eige gras dei to siste sesongane er det godt håp om ny siger i morgondagens kamp. Men erfaringsmessig så har statistikk
og tabellposisjon lite å seie når det er lokaloppgjer i anmarsj. Tvi tvi.

1987, 6. divisjon Sæbø-Åmdal 10-1 
1988, 6. divisjon Sæbø-Åmdal 4-1
1992, 6. divisjon Sæbø-Åmdal 0-5
1994, 6. divisjon Sæbø-Åmdal 3-1
1996, 5. divisjon Sæbø-Åmdal 2-2
1999, 5. divisjon Sæbø-Åmdal 4-4
2000, 5. divisjon Sæbø-Åmdal 5-0
2004, 5. divisjon Sæbø-Åmdal 2-1